Cardo

Una bòna nòvas ven pas jamai soleta. Diluns vos parlaviam dau libre de Joan SAUBREMENT : D’una Guèrra l’autra. Ancuei siam uros de v’anonçar la parucion dau libre de Sarà LAURENS : Cardo.

Sarà Laurens viu a Marselha e collabòra a fòrça revistas. Publiquèt en cò d’IEO Edicions, dins la colleccion Atots, lo recuelh de novèlas Sus lo viu que recebèt lo Prèmi Pau Froment en 2010.

De fadadas que cridan, d’òmes qu’an una dobla vida, de singes amai de bandits en cavala, de raubaments, de murtres e una vesenta au mitan…
Lo grand balèti de la vida vidanta per lei richàs e lei paures dins un quartier a la sortida de la guèrra.

Sarà LAURENS

Cardo

Extrait !

« A la Grand, li fasiá ren de se desplaçar dins la sornura qu’èra guidada per lo lume de l’espeçariá. Mai au moment que preniá la ponhada de la pòrta, quauqua ren se roncèt sus ela e assagèt d’intrar de fòrça. La Grand udolèt. Una ombra de peus negres se botèt a esquilar tanben, una ombra fòrta : un singe. La Grand capitèt de se precipitar dins la botiga en clantissent la pòrta e laissant lo monin defòra, totjorn gingolant, picant sus la veirina. »

sigue en cò d’IDECO : http://ideco-dif.com/ieo_edicions/commander?ref_livre=1220