Amics occitans, la cronica Ribon-Ribanha d’ancuei, titrada “Cu paga la guèrra de li Miss ?” v’es prepauada da JP. SPIES, vici president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
Cu paga la guèrra de li Miss ?
Sus lo site de la comuna de Gòrb, la candidata da sostenir es la domaisela Carlòta, Miss Còsta d’Azur dau 2014. Ver que si tròva qu’es dau país, que sa maigran Magdalena èra de Gòrb, e si pòu dire qu’es de la parentèla d’Arleta !
Lo vilatge de segur van sègre aqueli votacions, que son devengudi au jorn d’ancuei, de cauas da pas mancar.
Dins lo país luenchenc dont mi tròvi ancuei, non es la mema cançon ! Si tròva dapertot Mondy, la Miss Novèla Caledonia 2014, aquela d’aquí, en lu pastrolhs, dins lo fenestron, sus li cubertas…
Mas una chifra manca e tot es despoblat ! Li votacions per SMS non si pòdon faire despí lo Còdol ! Per rason tecnica, ditz l’OPT (Ofici Public de Telecomunicacions). En fach, podia metre en plaça un SMS de quatre chifras, mas ren de cinc coma l’avia impausat TF1. Aquela ò aqueu que vòu votar per Mondy lo deu faire au telefòno, embé un numerò internacional, que serà difusit ai telespectators per votar lo matin dei votacions (aquí, l’emission passerà diménegue de matin a 7 oras dau temps que serà 9 oras de vèspres dissabta a París) au prètz de l’internacional ! L’OPT pilherà en carga lo cost dau rotatge sus l’internacional, e coma s’es engajat a remandar au Comitat Miss Novèla Caledonia la totalitat de li receptas de li sonadas sus lo numerò local 43 36 80 qu’a mes en plaça, cu paguerà fin finala lo cost de la guèrra de li Miss ?
Lo mieu det pichin mi ditz que lo prètz dei sagèus arisca de crèisser dins gaire…
Carlòta Pirroni, Miss Còsta d’Azur dau 2014
Qui paye la guerre des Miss ?
Sur le site de la commune de Gorbio, la candidate à soutenir est Charlotte, Miss Côte d’Azur 2014. Il est vrai qu’il se trouve qu’elle est originaire du village, car sa grand-mère Madeleine était issue de Gorbio, et on peut dire qu’elle est parente avec Arlette !
Dans le village on suivra certainement de près cette élection, qui est devenue de nos jours un événement médiatisé à ne pas manquer.
Dans le pays lointain ou je suis actuellement, ce n’est pas la même chanson ! On ne parle que de Mondy, Miss Nouvelle-Calédonie 2014, celle d’ici, dans les conversations, à la télévision, sur les couvertures des magazines…
Mais un chiffre vous manque et tout est dépeuplé ! L’élection par SMS n’est pas possible depuis le Caillou ! Pour raison technique, indique l’OPT (Office Public des Télécommunications). De fait, l’Office pouvait mettre en place un SMS à quatre chiffres, mais pas à cinq chiffres comme l’avait imposé TF1. Celui ou celle qui veut voter pour Mondy doit donc le faire par téléphone, avec un numéro international qui sera diffusé aux téléspectateurs pour voter le matin de l’élection (ici, l’émission passera en direct dimanche matin à 7 heures en même temps qu’il sera 21 heures samedi à Paris), au prix de l’international ! L’OPT prendra en charge le coût du routage sur l’international, et comme il s’est engagé à reverser au Comité Miss Nouvelle-Calédonie la totalité des recettes des appels sur le numéro local 43 36 80 qu’il a mis en place, qui payera en fin de compte la guerre des Miss ?
Mon petit doigt me dit que le prix des timbres peut augmenter dans pas longtemps…
