L’Institut d’Estudis Occitan (IEO) es una associacion culturala, segon la lèi de 1901, reconeguda d’Utilitat Publica, agradada per la Joinessa e leis Espòrts coma associacion d’Educacion Populara :
Volèm,
– La reconoissença per l’Estat francés de la lenga e la cultura regionalas dau país d’òc, dins tota la sieu diversitat e la sieu unitat, coma ja, l’an fach, per lei sieus lengas regionalas, de grands país europèus coma Alemanha, Espanha, Itàlia, lo Reiaume Unit, e tant d’autrei encara Autria, Danemarc, Finlàndia, Norvègia, lei País Bas, Suèda, Soíssa…
– Lo sieu ensenhament efectiu per lei familhas e leis enfants que o desiran, a totei lei nivèus de l’escolaritat per l’aplicacion estricta dei disposicions reglamentàrias de l’Educacion Nacionala quant an aquest ensenhament,
– Lo sieu accès ai mèdias (television, ràdio, pressa),
– La sieu preséncia « naturala » e « visibla » dins la vida vidanta.
Se aprovatz lei nòstreis objectius, se avètz la vòia d’aparar la cultura e la lenga dau país amenaçadas de disparicion pròcha, siguessiatz Aupenc, Niçard ò Provençau dau bòn grum ò d’adopcion, jonhètz-vos a nautrei, participatz ai nòstreis accions, sostenetz-nos, marcatz-vos a la nòstra associacion : I.E.O.-06
Acamp Generau de 2005
-Lo dissabta 15 de genier a la Còla de Lop
-Sala de « La Palhiera », rue J. Laurenti
-a 14 oras 30