Avèm reçut aquest article en lengadocian da Maria-Joana VERNY. Nos a semblat important de lo publicar per fins que lo monde pilhe consciença de la discriminacion facha a l’occitan sus Wanadoo. Que si devem de ganhar de luecs de socialisacion per la lenga. Aquò si pòu pas faire sensa una mobilizacion de toi. La discutida, l’escambi en lenga sus lo « chat » n’es un exemple. Vos demandam de ben legir l’article e de reagir. Ieu vorguèri « chatar » divendres 30 de decembre en occitan-niçard e m’an fòrabandit dau « chat » per aquesta unica rason. Cada divendres un apontament (rendetz-vos) novèu si farà a 9 oras dau vèspre fins a la reconoissença per Wanadoo de l’occitan.
un pauc d’istòria:
Duscas a fa pas gaire, las règlas dels salons de Chat de Wanadoo (charradissa sus internet) estipulavan a la rubrica « respèct de la dignitat umana »: »Les conversations dans les différents patois (alsacien, breton, provençal…) sont admises et laissés à l’appréciation des @: il ne faut pas que ce parler noie le salon au détriment de la langue comprise des francophones: le français classique. »
Una primièra batèsta (novembre 2005) faguèt suprimir lo terme « patois » e Wanadoo cambièt sas règlas de Chat per:
« Le français compris par tous les francophones est la langue officielle des salons de discussion du t’Chat où tout le monde doit pouvoir se comprendre; les contractions de type lol, asv (etc…) sont tolérées car elles relèvent de l’art de bavarder. Toute autre langue est bienvenue dans les salons si le sujet du-dit salon s’y prête. En discussion privée, les deux contributeurs ont toute liberté de choix de la langue utilisée. »
Mas dins la practica es totjorn una autra cançon. Al començament de decembre, qualques joves ensagèron de chatar en òc sul salon de Wanadoo Tolosa. Foguèron fòrabandits amb la mençon « ici on cause français ».
D’aquí, qualques occitanistas prepausèron un rendètz-vos de Chat en òc per pausar publicament lo problèma.
Lo divendres 16 de decembre, a 21 oras, i agèt mai d’un centenat d’internautas que se metèron a charrar en òc. Se faguèron forabandir ( desconectats autoritariament de la charradissa) pel sol motiu d’emplegar l’occitan dins sos messatges. Lo divendres 23 de decembre, se passèt çò meteis.
Amb » Los divendres de Wanadoo », aquò contunha, per promòure l’occitan sul net e far cambiar las mentalitats
Aquí lo comunicat de la protèsta:
ACCION CONTRA WANADOO, DIVENDRES 30 de DECEMBRE, A 21H.
Wanadoo vòl pas reconéisser lo dreit d’escriure occitan dins los sieus salons de discussion. Los internautas occitanistas vegèron que lo problèma essencial es lo salon Wanadoo-Voila de Tolosa.
A la seguida de las accions passadas, un moderator prenguèt contacte ambe un collaborator de la Setmana per li confirmar l’embarràs de Wanadoo. Confirmèt que de centenats de personas foguèron excludidas del salon Toulouse Voila-Wanadoo pel divendres 23 de decembre.
Nos diguèt tanben que i aviá un escambi de punt de vista previst entre los diferents moderators de Wanadoo sus l’acceptacion d’autras lengas. Un moderator de Wanadoo França foguèt encargat la setmana passada d’anar veire coma foncionan los chats espanhòls perque lo multilingüisme i es reconegut. Una de la solucion possibla per Wanadoo seriá, segons çò que nos foguèt dit, que i auja un moderator occitanofòne suls salons de discussion franceses. Aquò permetriá de controlar los excèsses (publicitat, racisme e pornografia) sens penalizar l’occitan coma lenga del net.
L’emplegat de Wanadoo faguèt remarcar que l’agitacion sus aquela question començava de geinar Wanadoo sustot qu’articles dins la premsa arriban. Lo jornal tolosan La Despacha ne parlèt per exemple. La mobilizacion dels internautas occitanistas pausa problèma. Un problèma politic que despassa Wanadoo e que foguèt pas brica pensat a la basa.
La reconeissança de l’occitan coma lenga publica dins internet es una luta per l’avenir. Davant las esitacions de l’operator istoric francés nos cal contunhar lo combat .
L’accion novèla se farà lo divendres 30 de decembre a 21H, sul salon « Toulouse ». Vos cal anar a las adreças internet que seguissen : http://tchat.voila.fr/ o http://tchat.wanadoo.fr/ , puèi clicatz sul salon ‘Toulouse’.
Aquela accion se farà cada divendres, a la meteissa ora, fins a que Wanadoo reconesca l’occitan.
Se rapèla tanben que :
-aquela accion deu èsser « positiva » (evitar de s’empegar amb los moderators o autres internautas, per exemple)
-quand vos fasètz forabandir al sol motiu d’escriure en occitan, vos cal anar protestar a:
Vous avez trouvé sur Internet un contenu potentiellement attentatoire à la dignité humaine?