Cars amics e sòcis,
Lo dimars 26 de Febrier dau 2008, Mirelha BONETTO e Miquèu PALLANCA, nen faràn la jòia e l’onor d’una conferença en niçard a prepaus dau sieu travalh sus li « MINUTAS » RADIOFONIQUI DE FRANCIS GAG.
Venetz numeros au C.A.L. Bòn-Viatge, Pònt René COTY.
La conferença duberta en toi si debanerà au terço plan ( sala dei cors de lenga) de 6 oras e mieja dau sera a 8 oras.
Lo gòto de l’amistat acaberà la conferença.
« MINUTA » RADIOUFOUNIQUI DE FRANCIS GAG – « MINUTAS » RADIOFONIQUI DE FRANCIS GAG
Aquest obratge, pareissut lo 14 de decembre dau 2007, es estat realizat a l’ocasion dau vinten anniversari de la disparicion de Francis Gag.
L’EDICION, PER LO PROMIER CÒP, DEI « MINUTAS » RADIOFÓNIQUI DE FRANCIS GAG
Aquela « Minuta », difusida sus de Radio France Côte d’Azur, èra una crònica quotidiana en lenga d’Oc que tratava tant dei questions d’actualitat e de societat, que de fachendas, de sovenirs, dei tradicions e de l’etnografia de la nòstra region. Au fiu d’aquelu textos, s’arretrovan d’unu dei grands temas que traversan l’òbra de Gag : lo vilatge imaginari de Ribassiera e tot lo pòble de la montanha niçarda, o la cobla mìtica de Victorina e Titon…
UN DOCUMENT LETERARI, LINGUISTIC E PEDAGOGIC EXEPCIONAL SUS LA CURTURA E LA LENGA DE LA CONTEA, DAU NIÇART RIBAIRÒTOL AU GAVÒT DE LA MONTANHA.
Per ne’n saupre mai : http://ieo06.free.fr/spip.php?article1065
