Trenta personas – un pauc mens que l’an passat – an participat a la dictada organizada per l’Escomessa, centre occitan dau país canenc, emé l’ajuda de la seccion grassenca de l’IEO 06, que se debanèt au seti de la carriera d’Oran a Canas.
Toi seis afogats de la lenga nòstra an trabalhat, emé lo sorire, sus un texte de Daniel Daumas, lo cantaire, contaire e escrivan dau Verdon, qu’a repres lo camin de la cançon aquest an.
La dictada corregida, lei participants an festejat lei reis, emé la musica de l’orchestre occitan Cambal Cog, qu’ an encantat, coma totjorn lo monde que d’unei prenián per lo premier còp contact emé ortografia de la lenga…
