Amics occitans, Anna-Maria SGARAVIZZI-GARCIA e lu escolans dau Gramon an l’immense plasir de vi convidar a la conferença donada per Loïsa NAVELLO-SGARAVIZZI a prepaus de « la vinha e dau vin a Niça e en Provença ».
La serada s’acaberà per una iniciacion practica ai virtuts dei nòstri vinhas e au talent dei sieus gustaires em’un gòto de l’amistat convivial gigantàs.
Lèxico de la vinha e dau vin a Niça e en Provença
Loïsa NAVELLO-SGARAVIZZI
Loisa NAVELLO-SGARAVIZZI que vendrà nen presentar la sieu conferença lo 2 de febrier dau 2010 a 6 oras e mieja dau vèspre au Gramon, es estada professor d’istòria e de geografia en collègi e licèu, pi de niçard tanben en licèu, a despart dei annadas 75.
Cau notar qu’es estada una dei promièri fremas de faire lo professor de nissart en aquela época, e finda de sostenir una tèsi d’universitat en lenga d’òc !
La sieu recerca, la presentèt a Niça en lo 1982 embé lo professor Compan, sus lo tèma dau « lèxico de la vinha e dau vin a Niça e en Provença ».
E es d’aqueu travalh que va traire la pichina charaïssa de dimarç que ven, dont ne’n farà descurbir la riquessa de la nòstra lenga tocant au sujet de la cultura multi-milenària dei socas, e d’aquela civilizacion miejaterrana dau vin…
– Quant li son de manièras de dire qu’un es choc ?
– Coma reconoisser li qualitats o lu defets d’un vin ?