Coma cad’an lu sòcis de l’IEO-06 de Niça-Lo Gramon, faguèron la sieu fèsta de fin d’annada.
Mai de 50 sòcis respondèron aquest’an a la nòstra chamada e si retrovèron en cò de Carlòta, la nòstra segretairitz.
Au programa : rapresentacion teatrala de l’atalier dau Gramon (Joan-Pèire SPIES e la sieu chorma), còntes e racòntes en saorgin da « Rubata Bauci », lo nòstre animator « cants », vòli parlar de Joan-Pèire AIPERTO de segur, diaporamas en lenga alestits per partida dai sòcis dau cors de lenga e cants embé l’ajuda de Joan DIGANI a la jorgina. Una mencion especiala a Iveta per l’interpretacion dei sieu cançons.
La serada si debanèt dins la convivialitat e lo bòn imor. Cad’un avia menat de sucrat e de salat e si festejèt coma si deu toi lu nòstres animators dins un diaporama que faia lo sieu portret umoristic.
Pauc d’imatges de la serada per lo moment. Quauqu’un auguèsse lo gentum de nos en mandar….
Vos signalam qu’esto sera 24 de junh, lu sòcis Drapencs de l’IEO-06, faràn tanben la sieu fèsta a la sala dei fèstas de Pelhon e que l’i siatz convidats.
Vos retroverem en setembre per d’autri activitats e un programa encara mai ric. Vos augurem un bòn estiu e de bòni vacanças.
