Amics occitans, la cronica Ribon-Ribanha d’ancuei, titrada “La Nòstra descubèrta de Turin”, v’es prepauada dai joves de Premiera dau Licèu Apolinari, sota la conducha dau sieu Professor, Emmanuel GIOAN, qu’aremerciam. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
“La garderem ribon-ribanha, nòsta rebèla lenga d’Òc !”
La Nòstra descubèrta de Turin
Au mes de març, embé lo nòstre licèu, siam anats descurbir la vila de Turin. Era l’ocasion de veire de pus pròche cen que lu nòstres professors n’an emparat tot l’an : l’istòria de Niça e l’unitat italiana.
En lo 1860, Niça ven francesa. E l’an d’après, en lo 1861 es l’unitat italiana. Siam donca anats en Turin tres jorns. De visitas n’avèm augudi ! Lo palais Carignan, la catedrala Sant Joan Baptista, lo musèu egipcian, lo musèu dau cinemà, la basilica de Superga. E tot lo travalh de descubèrta de l’arquitectura de la vila. Fin finala Niça e Turin si semblan ! Non es d’asard se a Niça si tròvan un café de Turin, la via de Turin. E parier a Turin embé lo corso Nizza ò li estàtuas de Garibaldi.
Siam tanben estats aculhits da un licèu italian : lo licèu Umberto I. Avèm poscut faire lo rescòntre d’escolans que van venir a Niça au mes de junh. E bessai meme l’an que ven, si porrem veire un còup de mai !
A còup segur aquelu tres jorns èran un pauc de vacanças… fòra dau licèu, sensa la familha, sensa liçon da emparar. Avèm manjat coma de pòrcs, si siam escracanhats dau rire mas fin finala li es quauqua ren de fòrt que resta.
Nautres, pichoi, qu’emparam la lenga niçarda, la cultura, avèm poscut veire e viure quauqua ren d’especial. Niça non vòu èstre una vila independenta. Niça non es una vila italiana. Niça non es basta qu’una vila francesa. NON ! Niça es encara mai que tot aquò ; Niça es EUROPEANA !
Lu Joves de 1èra dau licèu Apolinari
Notre découverte de Turin
Au mois de mars, avec notre lycée, nous sommes allés découvrir la ville de Turin. C’était l’occasion de voir de plus près ce que nos professeurs nous ont appris tout au long de l’année : l’histoire de Nice et l’unité italienne.
En 1860, Nice devient française. Et l’année d’après, en 1861 c’est l’unité italienne. Nous sommes donc allés à Turin trois jours. Et nous en avons eu des visites ! Le palais Carignan, la cathédrale Saint Jean Baptiste, le musée égyptien, le musée du cinéma, la basilique de Superga. Et tout le travail de découverte de l’architecture de la ville. Finalement, Nice et Turin se ressemblent ! Ce n’est pas un hasard si à Nice on trouve un café de Turin, la route de Turin. Et pareil à Turin avec le corso Nizza ou les statues de Garibaldi.
Nous avons également été accueillis par un lycée italien : le lycée Umberto I. Nous avons pu faire la rencontre d’élèves qui vont venir à Nice au mois de juin. Et peut-être même que l’année prochaine, nous pourrons nous voir à nouveau !
Sans aucun doute, ces trois jours ont été un peu comme des vacances… hors du lycée, sans la famille, sans leçon à apprendre. Nous avons mangé comme des porcs, nous avons bien rigolé mais en fin de compte, il y a quelque chose de fort qui demeure.
Nous les jeunes, qui apprenons la langue niçoise, la culture, nous avons pu voir et vivre quelque chose de spécial. Nice ne veut pas être une ville indépendante. Nice n’est pas une ville italienne. Nice n’est pas uniquement une ville française. NON ! Nice est encore plus que tout cela ; Nice est EUROPÉENNE !
Les Jeunes de 1ère du lycée Apollinaire