La noveutat dau mes de setembre en cò dei edicions Per Nòste es la sortida de la revirada gascona dau segond tòme de Harry Potter, lo gran succès de J. K. Rowlings.
« Per Nostre » nos balhan aquí, 2 ans après la parucion dau premier volume (Harry Potter e la pèira filosofau), lo plaser de legir en occitan un libre mondialament conoissut e que ten sempre l’actualitat. Que ne’n sigon felicitats. Pensi qu’aquelu que l’an ja liejut en francés ò en englés auràn encara mai de plasir de lo legir en occitan e de retrovar cen que fa l’originalitat e la riquessa de la nòstra lenga.
Per veire l’article sus lo volume 1 (Harry Potter e la pèira filosofau) : http://ieo06.free.fr/spip.php?article1690
Harry Potter e la crampa deus secrets (tòme 2)
de J. K. Rowling
Harry Potter qu’ei un broish. Qu’ei en segonda annada a l’escòla de broishami de Hogwarts. Ne’s dobta pas enqüèra aquesta annada que serà autan conhida d’eveniments com
la d’avant…
« Lo segond libe de Joanne Rowling qu’ei autant amusant, esvarjant e inatendut com lo purmèr. »
The Daily Mail
« Harry Potter e la crampa deus secrets qu’ei autan bon com
lo son predecessor… Hogwarts qu’ei ua creacion d’engèni. »
268 paginas – 14 x 22 – 2011 – 16 euros
ISBN : 978-2-86866-086-2
http://www.pernoste.com/Modules/Association/Actualites.aspx