Lo 30 de genier, un collectiu d’associacions, compauat da l’APLR (associacion dei professors de lenga regionala), la Fédération des Associations Comté de Nice, l’Institut d’Estudis Occitans (IEO-06), Nissart per Tougiou e Oc-Bi organizava la dictada occitana au licèu Massena per lo segond còup.
Parlar de capitada es ren de lo dire, 115 personas èran presenti per dire que l’occitan es de segur una lenga que si parla, si liege mas finda que s’escriu.
Aqueu succès lo vos devem a vautres toi qu’avètz consacrat un dissabta de matin per vos desplaçar, per dire que siam sempre vius, qu’avèm la volontat d’aparar la nòstra lenga e la nòstra curtura.
Siatz estats lu ambassadors de la lenga d’òc e vos remerciam d’aquò. Vos demandam de parlar de la dictada occitana dins lo vòstre relarg, de dire cen qu’avètz viscut ensems per èstre encara numerós l’an que ven.
Aremerciam tanben Nice-Matin e Véronique MARS per l’article que presentam çai-sota. Bòna lectura !
Cau legir de segur « Jean-Pierre SPIES »
