Lu 2, 3, 4 d’octòbre l’IEO-06 tenguèt banc au festenau dau libre de Moans-Sartòu per presentar l’actualitat occitana e lu libres novèus que l’IEO-06 ven d’editar. Aremerciam lu organizators d’aquest Festenau. Aremerciam finda toi lu sòcis que donèron dau sieu temps e dei sieu competenças per dire cu siam e cen que volèm per l’occitan, per rescontrar lo monde curiós de la nòstra lenga e la nòstra cultura. Aremerciam encara lu sòcis que nos passèron veire e sostenir la nòstra accion. Aremerciam per acabar Magalí BIZOT-DARGENT e Jan-Pièr AIPERTO que presentèron en lenga lo sieu obratge sus lo pontin dau Café « Belles Lettres »
Aquest an lo festenau siguèt trebolat diménegue en rason de la chavana gròssa que faguèt de gròs gasts, tant material coma uman e qu’empachèron d’unu de si desplaçar. Pensam en aquest moment ai personas mòrti, despareissudi ò ferridi e ai sieu familhas, en cu presentam li nòstri complanchas.
Fotòs : Alexandra DESMOULIN, Verònica CHAMPOLLION e Magalí BIZOT-DARGENT