article bilingue, version française en fin d’article
Lu sòcis de l’IEO-06 si son retrovats a Sant-Andrieu-de-la-Ròca divèndres passat per festejar l’anniversari dei dètz ans de la cronica Ribon-Ribanha.
Per la premiera partida de la serada, dètz personas an respondut a la convidacion de participar a l’atalier d’esriptura menat dau president Joan-Pèire Spies.
Un exercici bèu de reflexion, au dire dei participants !
Embé de moments d’esmoguda, de rire e de plaser partit quora cadun presentèt lo sieu travalh !
Esperem qu’aquestu tèxtes seràn benlèu en rega dins la rubrica…
Pi, dau temps de l’aperitiu,
li dètz candelas tradicionali siguèron bofadi da la pichona Julieta environada dai participants…
D’autres amics lu rajonhèron per un past conviviau, e la terça partida de la serada, consacrada a la lectura de tèxtes pareissuts dins Ribon-Ribanha.
En principi, lo president remembrèt coma siguèt naissuda aquesta idea.
Dètz ans fa, l’associacion si donèt una escomessa novela e si mandèt dins una aventura novela : publicar cada setmana un tèxte noveu en lenga, sus dau sieu site !
Festejam la naissença d’aquesta cronica novela de l’IEO-06 que li diiem Ribon-Ribanha e que, despí dètz ans, donèt a legir de lònga. Festejam lu autors que si son mandats dins l’escriptura, e que fan la riquessa de la creacion en lenga.
Vi remembratz d’aquò :
Monde d’amics occitans, davant lu vòstres uelhs esparpelats, si prepara un eveniment unic, d’aquelu que pròpi tuban. D’aquí gaire, festejerem la naissença d’una nòva cronica de l’IEO 06. Ribon-Ribanha si sonerà e serà entierament nòstra, ensem li baierem lo buf e pareisserà mau que mau, en rega cada dimècres ò balin-balan coma porrà…
La cronica Ribon-Ribanha naisserà au temps dei castanhas…
Per lu articles, seràn d’istòrias dau passat e sobretot dau temps d’aüra, de ficcion, poesia, amistat, viatge, amor, ecologia e l’actualitat dau monde, toi lu subjècts faràn bròdo. Conterem tanben lo quotidian, li asperas au portissòu de la pòsta, un dissabta sera au Super-Iper-Mercat ò l’escòla dei pichoi. Umor, sentiment, pantais e finda quauqui bramassadas s’entreveràn joiosament per n’ofrir una evasion e donar pròva que l’occitan si conjuga en toi lu temps, cada ocasion e sensa frontiera.
Alora, zo, ai vòstres pòrta-plumas, amolatz lu estilòs, darbonatz en lu caforchos per traire fòra lu escrichs que non aujavatz mostrar. Tot cen qu’es occitan n’interessa, cada briga de lenga e cultura seràn joièus da regalar per li generacions futuri.
Era lo 2 de novembre dau 2008, da Anna-Maria Milardi.
L’associacion persègue despí aquesto travalh seriós e aprefondit, que permete a la riquessa de la creacion en lenga de s’exprimir.
Despí la mesa en plaça dau site en setembre dau 2004, siguèron 487 329 vísitas, es a dire quasi 35 000 cad’an, 961 425 pàginas son estadi legidi.
Per lo Ribon-Ribanha, l’i son 5000 vísitas cada mes, e 4000 vísitas per la Cronica de l’Agachaire que fa pareisse cada diménegue un texte de Joan-Ives Royer, que pareisse dins lo meme temps dins lo jornal La Provença.
Rengraciam Joan-Pèire Baquié e Marc Waltzer ue menan lo travalh de metre tèxtes e illustracions en rega. Cercan de monde per si formar e ajuda an aquesta òbra.
La publicacion sus dau site siguèt seguida de la publicacion de doi libres de tèxtes causits d’aquesta cronica, Ribon-Ribanha, cronicas d’ancuei per deman, en lo 2012, e Ribon -Ribanha Lo Retorn, d’autri cronicas d’ancuei per deman, en lo 2016 .
Per autre, sus de Facebook, l’IEO-06 compta 1636 « amics », e per lo blagaire, d’unu dessenhs son estats vists per 9000 personas.
Un bèu travalh per la nòstra associacion e una bèla lieta per la lenga nòstra !
Lo president auguèt pi lo plaser de legir un estrach dau tèxte lo bèu premier pareissut en lo 2008, sota de la pluma d’Anna-Maria Milardi, VIATGE EN PAÍS CATAR
Tot en un còup, a la virada dau camin, ponteja tra li neblas d’amont la solombrina familiara tant asperada dau castèu de Montsegur. Cants e rires s’aplantan en tant que, lu nas empegats ai fenestrons dau carri, alucham espantats aquesta aparicion auturoa e fantaumesca.
Nautres IEO 06 si siam aviats la vigilia da Niça e Grassa e, après una vísita-lamp de l’abadia de Lagrassa e una nuechada sota lu barris enluminats de Carcassona, s’avesinam de Montsegur au rescòntre dei caminaires, partits a pen dai valadas occitani d’Italia per sostenir l’inscripcion de la cultura occitana au patrimòni mondiau de l’umanitat.
L’apontament es fissat per doi oras en comuna. Tanlèu s’avesinam, lu reconoissèm. An la pèu cremada dau soleu, d’uelhs lusents projetant a l’entorn lo splendor dei país travessats e de soguinhes resplendissents per lo bonur simple de la grana mission qu’es a si complir. La sieu vision mentre a torn a torn s’expriman en italian, occitan ò franchimand sus la tòca e li originas de l’aventura, mi remanda uech cents ans en darrier quora, embé pariera simplicitat e un meme fervor mistic, lu bòns òmes s’encaminavan per li draias, portant corajosament de vilatge en vilatge, l’esper d’un monde egalitari e fraternau encara tot da bastir.
E l’accuelh de Montsegur tanben onora lo sieu gloriós passat. Cònsol, IEO Arieja e abitants nen recevon calorosament emb’ai caminaires e s’escambiam de paraulas d’amistat en un ambient gaujós davant d’un bufet especialament alestit a nòstra intencion.
Per legir la seguida dau tèxte : http://ieo06.free.fr/spip.php?article1336
Siguèt pi lo torn d’autres autors de legir de tèxtes per lo bonur dau public.
Dins la serada, auguèron l’escasença de sentir mai d’un dialecte de la lenga d’òc,
niçard (LU ESPORTIUS DAU DIMÉNEGUE, da Marc Waltzer que ne’n faguèt lectura)
per legir lo tèxte http://ieo06.free.fr/spip.php?article2250
niçard encara (MON BÒN MONSUR…, Letra de demission d’un barabancho, adaptacion en niçard da Jòrgi Ghirardi d’un tèxte de Carlòta Pyraud, lejut da Kiki Bailly)
pour lire le texte http://ieo06.free.fr/spip.php?article2590
lengadocian (CASTANHA E CASTANHADA, PLASER E DOLOR, da Joan-Marc Rabier, lejut da Rogier Gilli)
per legir lo tèxte http://ieo06.free.fr/spip.php?article2334
provençau (NEGRE COMA… LO TABLÈU da Gilibert Mancini, lejut da Mirelha Combe),
per legir lo tèxte http://ieo06.free.fr/spip.php?article366
mentonasc (BURLA, adaptacion da Solange Mongondry et l’Atelier du Mentounasc dau tèxte GALEJADA da Guiu Rami, lejut da Arleta Pastor),
per legir lo tèxte en provençau : http://ieo06.free.fr/spip.php?article899
per legir lo tèxte en mentonasc : http://ieo06.free.fr/spip.php?article2729
gorbarin (O ÒRME DE GÒRB A TRES CENTS ANS !, da Arleta Pastor que faguèt lectura dau tèxte de la placa dau tricentenari facha da l’associacion Sota Òrme)
per legir lo tèxte http://ieo06.free.fr/spip.php?article2549
niçard un còup mai (LO VESIN, da Joan-Pèire Spies, lejut da Gilbe Combe)
per legir lo tèxte http://ieo06.free.fr/spip.php?article2884
niçois encara (APOLOGIA DAU CRICAT d’Anna-Maria Milardi, lejut da Carlòta Rubini)
pour lire le texte http://ieo06.free.fr/spip.php?article117
saorgin (VIË VIË !, da Jan-Pié Aiperto que ne’n faguèt lectura)
per legir lo tèxte http://ieo06.free.fr/spip.php?article2443
Un anniversari bèu !!!
L’aventura collectiva de la creacion en lenga si persegue !!!
Gaug ai tèxtes vòstres ! Contunhatz de li nen mandar per enriquir aquesta cronica !
version française
Les adhérents de l’IEO-06 se sont retrouvés à Saint-André-de-la-Roche vendredi dernier pour fêter l’anniversaire des dix ans de la chronique Ribon-Ribanha.
Pour la première partie de la soirée, dix personnes ont répondu à l’invitation à participer à l’atelier d’écriture dirigé par le président Jean-Pierre Spies.
Un beau exercice de réflexion, selon les avis des participants !
Avec des moments d’émotion, de rire et de plaisir partagé lorsque chacun a présenté le résultat de son travail !
Espérons que ces textes seront bientôt en ligne dans la rubrique.
Puis, au cours de l’apéritif, les dix bougies traditionnelles ont été soufflées par la petite Juliette entourée les participants…
D’autres amis les ont rejoints pour un repas convivial, et la troisième partie de la soirée, consacrée à la lecture de textes parus dans Ribon-Ribanha.
En introduction, le président a rappelé comment cette idée est née.
Il y a dix ans, l’association s’est donné un nouveau défi et s’est lancée dans une nouvelle aventure : publier chaque semaine un texte nouveau en langue,
sur son site !
Nous fêtons la naissance de cette nouvelle chronique de l’IEO-06 qui prit le nom de Ribon-Ribanha -bon gré mal gré- et qui, depuis dix ans, a sans cesse donné à lire. Nous fêtons les auteurs qui se sont lancés, et qui font la richesse de la création en langue.
Vous vous souvenez de cela :
Amis occitans, devant vos yeux sidérés, un évènement unique se prépare, un de ceux qui comptent. D’ci peu, nous fêterons la naissance d’une nouvelle chronique de l’IEO 06. Elle s’appellera Ribon-Ribanha et sera notre œuvre collective, ensemble nous lui donnerons vie et elle paraitra tant bien que mal, en ligne chaque mercredi ou à l’occasion comme elle pourra…
La chronique Ribon-Ribanha naitra à la saison des châtaignes…
Pour les articles, ce sera des histoires du passé et surtout du temps présent, de fiction, poésie, amitié, voyage, amour, écologie et l’actualité du monde, tous les sujets seront possibles. Nous conterons aussi le quotidien, l’attente au guichet de la poste, un samedi soir au Super-Hyper-Marché ou l’école des enfants. Humour, sentiment, rêve et aussi coups de gueule s’entremèleront joyeusement pour nous offrir une évasion et apporter le preuve que l’occitan se conjugue à tout moment, dans chaque occasion et sans frontière.
Alors, zou, à vos porte-plumes, aiguisez les stylos, fouillez dans les coins pour en sortir les écrits que vous n’osez pas montrer. Tout ce qui est occitan nous intéresse, chaque miette de langue et de culture sera un bijou à offrir pour les générations futures.
C’était le 2 novembre 2008, sous la plume d’Anne-Marie Milardi.
L’association a poursuivi depuis ce sérieux travail de fond, qui permet que s’exprime la richesse de la création en langue.
Depuis la création du site en septembre 2004, nous comptons 487 329 visites, soit environ 35 000 par an, 961 425 pages ont été lues.
Pour Ribon-Ribanha,il y a en moyenne 5000 visites chaque mois, et 4000 visites pour la Chronique de l’Agachaire que fait paraitre chaque dimanche un texte de Joan-Yves Royer, qui parait en meme temps dans le journal La Provence.
La publication sur le site a été suivie de la publication de deux livres de textes choisis de cette chronique, Ribon-Ribanha, chroniques d’aujourd’hui pour demain, en 2012, et Ribon -Ribanha Lo Retorn, d’autres chroniques d’aujourd’hui pour demain, en 2016 .
Par ailleurs, sur Facebook, l’IEO-06 compte 1636 « amis », et pour lo blagaire, certains dessins ont été vus par 9000 personnes.
Un beau travail pour notre association et une belle vitrine pour notre langue !
Le président a eu ensuite le plaisir de lire un extrait du tout premier texte paru en 2008, c’était celui d’Anne-Marie Milardi, VIATGE EN PAÍS CATAR
Tot en un còup, a la virada dau camin, ponteja tra li neblas d’amont la solombrina familiara tant asperada dau castèu de Montsegur. Cants e rires s’aplantan en tant que, lu nas empegats ai fenestrons dau carri, alucham espantats aquesta aparicion auturoa e fantaumesca.
Nautres IEO 06 si siam aviats la vigilia da Niça e Grassa e, après una vísita-lamp de l’abadia de Lagrassa e una nuechada sota lu barris enluminats de Carcassona, s’avesinam de Montsegur au rescòntre dei caminaires, partits a pen dai valadas occitani d’Italia per sostenir l’inscripcion de la cultura occitana au patrimòni mondiau de l’umanitat.
L’apontament es fissat per doi oras en comuna. Tanlèu s’avesinam, lu reconoissèm. An la pèu cremada dau soleu, d’uelhs lusents projetant a l’entorn lo splendor dei país travessats e de soguinhes resplendissents per lo bonur simple de la grana mission qu’es a si complir. La sieu vision mentre a torn a torn s’expriman en italian, occitan ò franchimand sus la tòca e li originas de l’aventura, mi remanda uech cents ans en darrier quora, embé pariera simplicitat e un meme fervor mistic, lu bòns òmes s’encaminavan per li draias, portant corajosament de vilatge en vilatge, l’esper d’un monde egalitari e fraternau encara tot da bastir.
E l’accuelh de Montsegur tanben onora lo sieu gloriós passat. Cònsol, IEO Arieja e abitants nen recevon calorosament emb’ai caminaires e s’escambiam de paraulas d’amistat en un ambient gaujós davant d’un bufet especialament alestit a nòstra intencion…
Soudain, à la sortie d’un virage, émerge entre les nuages tout là-haut la silhouette tant attendue du château de Montségur. Chants et rires s’interrompent tandis que, le nez collé aux fenêtres du car, nous observons émerveillés cette apparition hautaine et fantomatique.
Nous IEO 06 nous sommes mis en route la veille depuis Nice et Grasse et, après une visite-éclair de l’abbaye de Lagrasse et une nuit sous les remparts illuminés de Carcassonne, nous approchons de Montségur à la rencontre des marcheurs, partis à pied des vallées occitanes d’Italie afin de soutenir l’inscription de la culture occitane au patrimoine mondial de l’humanité.
Le rendez-vous est fixé pour deux heures à la mairie. Dès que nous approchons, nous les reconnaissons. Ils ont la peau brûlée par le soleil, des yeux brillants projetant alentour la splendeur des pays traversés et des sourires resplendissants du bonheur simple de la grande mission en train de s’accomplir. Leur vision, tandis qu’ils s’expriment tour à tour en italien, en occitan ou en français sur le but et l’origine de l’aventure, me renvoie huit-cents ans en arrière lorsque, avec une semblable simplicité et une même ferveur mystique, les bons hommes se mettaient en chemin portant courageusement de village en village l’espoir d’un monde égalitaire et fraternel encore tout à construire.
Et l’accueil de Montségur aussi honore son glorieux passé. Maire, IEO Ariège et habitants nous reçoivent chaleureusement ainsi que les marcheurs et nous échangeons des paroles d’amitié dans une ambiance joyeuse devant un buffet spécialement préparé à notre intention…
Pour lire la suite du texte : http://ieo06.free.fr/spip.php?article1336
Puis ce fut le tour d’autres auteurs de lire des textes pour le bonheur du public.
Dans la soirée, il eut l’occasion d’entendre plusieurs dialectes de la langue d’oc,
niçois (LES SPORTIFS DU DIMANCHE, de Marc Waltzer qui le lit)
pour lire le texte http://ieo06.free.fr/spip.php?article2250
niçois encore (MON BON MONSIEUR …, Lettre de démission d’un épouvantail, adaptation en niçois par Georges Ghirardi d’un texte de Charlotte Peyraud, lu par Kiki Bailly)
pour lire le texte http://ieo06.free.fr/spip.php?article2590
languedocien (CHÂTAIGNE, GRILLADE PLAISIR ET DOULEUR, de Jean-Marc Rabier, lu par Roger Gilli)
pour lire le texte http://ieo06.free.fr/spip.php?article2334
provençal (NOIR COMME… LE TABLEAU de Gilbert Mancini, lu par Mireille Combe,
pour lire le texte http://ieo06.free.fr/spip.php?article366
mentonnais (BURLA, adaptation par Solange Mongondry et l’Atelier du Mentounasc du texte GALEJADE de Guy Rami, lu par Arlette Pastor),
pour lire le texte en provençal : http://ieo06.free.fr/spip.php?article899
pour lire le texte en mentonnais : http://ieo06.free.fr/spip.php?article2729
gorbarin (L’ORME DE GORBIO A TROIS CENTS ANS !, par Arlette Pastor qui lit le texte de la plaque du tricentenaire de l’Òrme réalisée par l’association Sota Òrme)
pour lire le texte http://ieo06.free.fr/spip.php?article2549
niçois encore (LE VOISIN, de Jean-Pierre Spies, lu par Gilbert Combe)
pour lire le texte http://ieo06.free.fr/spip.php?article2884
niçois encore (APOLOGIE DU CRICAT d’Anne-Marie Milardi, lu par Charlotte Rubini)
pour lire le texte http://ieo06.free.fr/spip.php?article117
saorgien (JE VOUS VISSE JE VOUS VISSE !, de Jean-Pierre Aiperto qui en fit lecture)
pour lire le texte http://ieo06.free.fr/spip.php?article2443
Un bel anniversaire !!!
L’aventure collective de la création en langue continue !!!
Grâce à vos textes ! Continuez à nous les envoyer pour enrichir cette chronique !