Lo Parlament Europenc sosten li lengas regionali a mai de 95 %.
Es a una enòrma majoritat dei euro-deputats (645 per e 26 còntre, 29 abtencions) que lo parlament europenc a adoptat lo 11 de setembre dau 2013 lo rapòrt dau deputat europenc Francés ALFONSI.
Lo deputat demandèt a la Comission una política de sosten a la diversitat lingüistica europenca e en particular ai lengas minorizadi d’Euròpa.
La resolucion demanda tra autre ai Estats que reconoisson pas’ncara la diversitat dei lengas sus lo sieu territòri de menar una política activa de sosten per la trasmission dei lengas a cada nivèu de la vida privada ò publica.
Lo document remembra tra autre li rasons dau perqué cau sauvagardar aqueli lengas : « la diversitat lingüistica e culturala es un dei principis de l’Union Europenca…un drech dei ciutadans… un biais de pensar e de crear… »
S’ensegon de demandas e de propòstas per assegurar la sauvagarda e la promocion d’aqueli lengas au nivèu europenc.
Se lo rapòrt siguèt adoptat a una grana majoritat, aurà pas d’efèct costrenhent au nivèu de cada Estat : « son lu Estats que son competents en matèria de cultura ».
En seguida de la votacion europenca troberetz sus lo site de l’IEO Federal doi comunicats d’EBLUL-França (Fr) e d’ELEN (En), ONGs que l’IEO n’es membre.
http://www.ieo-oc.org/Vote-deu-parlament-europeu-enta
http://www.ieo-oc.org/Vote-europeu-reaccion-d-ELEN
En bas de pàgina troberetz tanben lo rapòrt Alfonsi (PJ a telecargar).