Pichin compendi sus l’istòria de Casternòu-Vilavielha
Coma promés, publicam ancuei lo compendi de la conferença de Françon a prepaus de l’istòria de Casternòu-Vilavielha. Aquesta conferença èra ligada embé la sortida de fin d’annada dau Gramon en Macaron. Aremerciam encara la nòstra sòcia Françon per la qualitat de la sieu charaïssa.
Per legir « Lo Gramon en Macaron » clicatz sus lo liame :
Pichin compendi sus l’istòria de Casternòu-Vilavielha
A prepaus dei noms :
Casternòu es lo vilatge qu’es encuei aquí aroinat. Vilavielha es lo vilatge actuau sus lo platèu davau.
Li roinas de Casternòu
Dins l’istòria podem parlar de tres periòdos :
– Lo premier va de l’origina fins après l’ocupacion romana .
– Lo segond es aqueu dau Castrum Novum bastit aquí sus la montanha per si desfendre encòntra lu Lombards.
Va despí l’invasion dei Lombards (576) ò aquela dei Sarrazins (970) fins a la fin dau regime feodau (1748).
– Lo terç es lo periòdo moderno que comença quora Casternòu s’es vueiat (1803).
Lo nom de « Châteauneuf de Contes » es dau 1877.
En lo 1989 lo Cònsol dau moment a cambiat lo nom dau vilatge que si sòna aüra « Chateauneuf–Villevieille » .
I
Vilavielha formava la limita dau territòri dei Vediantians qu’avia « Cimier »per capitala .
Lu vediantians son una branca de la familha dei Ligurians. En aqueu moment la Liguria èra sovent en guèrra.
Periòdo roman : Lu romans avion fach de Vilavielha una plaça militara denant de pilhar « Cimier » e li avion donat lo nom de « Castrum ».
Vilavielha es devenguda prospera fins a la sieu detruccion dai Barbaras.
La grana via Aurelia començava a la Turbia e anava fins a Cimier. D’aquela via si destacava una via segondària qu’anava fins a Levens. Vilavielha si trovava tra aqueli doi via .
II
Periòdo de l’atge mejan: Construccion dau Castrum novum (Châteauneuf).
Lu lombards d’Itàlia an destruch en partida Niça,Vença. Lu antenats an degut si metre a la sosta sus de luecs auts perqué si sention mai en securitat.
Un vilatge s’es bastit aquí. Es devengut la residència dei principali familhas de Niça. Era una plaça forta de l’atge mejan. Li èran de sinhors qu’estaion aquí tot l’an, d’autres de Pascas a Tossant.
Au principi dau sègle trezen lo feudo de Casternòu qu’èra indivís fuguèt partit tra li familhas dau luec.
A pauc a pauc lo fèu s’es fach a moceus .
Au segle quinzen lu Comtes de Savòia an creat una nòva noblessa .
III
Casternòu non fuguèt destruch da un terramòto en lo 1644. Lu estajants an començat de partir en lo 1748 sobretot per manca d’aiga .
Sus de vielhs registres podem veire que de batejats si son fach fins en lo 1793. Mas a la seguida li naissenças si son fachi en lo vilatge de davau.
Casternòu fuguèt una paroquia fins a l’an 1803.
Li èran encara doi familhas en lo 1866.
Lo darrier estagiant si sonava Blasi mas finda « Napoleon » perque era naissut lo jorn dau passatge de Napoleon III en lo 1860.
