L’Institut d’Estudis Occitans (06) siguèt fièr de presentar ièr 9 de novembre una novèla edicion de la Nemaïda de Rosalindo RANCHER a la bibliotèca Romain GARY en presença de Jean-Luc GAGLIOLO, ajonch au Cònsol de Niça, a l’Educacion, au Libre, a la Lucha còntra l’illetrisme e a l’identitat niçarda. La presentacion si faguèt en collaboracion embé lo Centre dau Patrimòni, bailejat per lo sieu director Stanislas PALOMBA e embé l’ajuda precioa de Myriam CAUVIN directritz de la bibliotèca. Aquest eveniment marcava un anniversari important : lu 200 ans de la parucion dau cap d’òbra de Rancher, pareissut au mes de novembre dau 1823. Pilhèron la paraula per presentar l’òbra : Joan-Pèire SPIES, Jean-Luc GAGLIOLO, Joan-Pèire BAQUIÉ, Anna-Maria SGARAVIZZI-GARCIA, Jaume PIETRI. L’IEO-06 aremercia toi aquelu que faguèron lo desplaçament. En fin de presentacion lu escambis si perseguèron alentorn dau gòto de l’amistat de la pissaladiera e de la torta de blea.
Credit fòto : Gerald CLEMENT Per aquelu que an una pàgina Facebook pòdon veire d’autres imatges sus la pàgina : https://www.facebook.com/ieo.aupsmaritimes.9/