Cari amigas, cars amics, cari escolanas, cars escolans,
Lo bònjorn en toi !
Esperi que la sason d’estiu vi donèt de colors, de fòrça e totplen de sovenirs !
Per nautres, avèm mai d’un apontament :
Dissabta lo 13 de setembre, estand de l’IEO dins lo canton dei associacions a la fiera de Còntes : La segretairitz de l’assocacion Carlòta l’i serà la jornada tota, fa mestier que l’i sigue de lònga un(a) autre(a) sòci(a). Vi demandi de vi marcar per organizar aquela jornada, gramací de respòndre sus lo còup a segretariat.ieo06@yahoo.fr se l’i podetz èstre :
– d’ora per metre en plaça lo taulier e tot lo material, 8 a 10 oras :
– de 10 oras a miegjorn :
– de miegjorn a 2 oras :
– de 2 oras a 4 oras :
– de 4 oras a 6 oras :
De mai, cadun l’i pòu estaire un moment dins la jornada, se voletz ajudar ò rescontar lo monde per parlar dau cors, serà pas de refús !
Diménegue lo 21 de setembre, caminem per Òc : Caminada de Drap a Pelhon
Es lo jorn que toi lu sòcis de l’IEO si porràn recampar per la rentrada.
Vequí lo programa de la jornada :
– Lo matin : partença de Drap, recampament a 8 oras ½ plaça de la liberacion (davant de la glèia) : una caminada de doi oras que nen farà arribar a la gara de Santa Tècla.
Drap : Place de la Libération, anciennement plaça de la Glèia
Place de la Libération : anciennement Plaça de la Glèia (Place de l’église)
> Descuberta : A Santa Tècla, lo museu dau camin de ferre, ‘mé de comentaris en lenga.
> A miegjorn, s’arecamperem toi ensems per manjar dins un prat ombrós, partisserem cen que cadun aurà aduch.
> L’après-dinnar, una caminada de una ora ½ que nen farà puar au vilatge vièlh dau país.
> Descuberta : Au vilatge, la capela dei Penitents Blancs, decorada da Canavesio, mé de comentaris en lenga.
> Merendon, regalat da la comuna de Pelhon, e se lo temps es de la partida, si porrà cantar, pastrolhar, cuntar d’istòrias, balar…
Siatz toi convidats, sòcis de l’I.E.O, parents, amics, joves e ancians, a caminar de Drap a Pelhon diménegue lo 21 de setembre.
Pas de bila : son convidats tanben de nen rejónher aquelu que non porràn faire li caminadas, sigue a 11 oras a Santa Tècla per la visita e lo past, sigue a 4 oras a Pelhon per la visita e lo merendon.
Siatz pregats de vi marcar lèu per fin d’organisar l’anar e venir en veitura per recalar de sera.
N° de telefonet : 06 79 17 53 67
Dimars lo 23 de setembre, acampada de rentrada dei cors de niçard, presentacion dei activitats de lIEO-06, a 6 oras e ½ a Niça, CAL Bòn Viatge, plan terço.
Dimècres lo 24 de setembre, premier cors per aquesta annada a la sala costumièra de Còntes, maion de la Joinessa, a 6 oras e ½.
Dijòus lo 25 de setembre, premier cors per aquesta annada a la sala costumièra da Drap, sota de la sala de Judò, a 6 oras e ½.
Vos demandam de parlar dei nòstri activitats ai vòstres amics, de far sègre lo liame de l’article au monde que serion interessats.
D’autri informacions sus li nòstri activitats (desplegant en preparacion) vos seràn donadi d’aquí gaire.
