Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Guiu Rami sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.
L’article de Guiu Rami passèt dins l’edicion de « Nice-Matin » Grassa dau dimenge 25 de febrier passat.
Lo pilo.
Li a quatre ans, en viatge a Peqin mi passejavi, un matin, au mitan dei Chinés. Dins toi lei cantons, de grops mai ò mens nombrós, s’emplegavan a d’activitats susprenentas : quasi au ralentit, qu balava, una ràdio per sòu, qu fasiá de figuras armoniosas, un mocador de còl dins una man, un ventau dins l’autra, si picatejant em’un martèu de cauchoc, un autre si massava l’esquina.
Au virat d’una plaçòta, suspresa !, doas mametas joglavan… em’un pilo ! Aquò mi tornèt mandar cinquanta ans en arrier e veguèri mai lei peças traucadas e lo volaire de papier igienic… De dont vèn aquest juec ? L’aparicion dau pilo en Occident remonta au second viatge de Marco Pòlo en China. Pus tard, un marin venecian que fa escala a Niça ne’n fa la demostracion. A la velha de la segonda guèrra, lo pilo a un franc succès, embé la proliferacion dei pecetas traucadas. Una pichina partida entre doi policiers es filmada, a Niça, per Alfred Hitchcock que vira « La man au colet ». Puei, pus ren pendent vint ans.
En 1987, a la fèsta de « La Ratapinhata »*, a Niça, quauquei nostalgics fan reviure la peça traucada. L’an d’après, es organizat un campionat dau monde a Coarasa. Lo juec perdura dins lei tornegs de Vilafranca, Colomars, La Túrbia, Niça, en Vila vièlha… Pensi que lo pilo es sauvat : una associacion, « Niça pilo », a per tòca de promòurre aquest juec, d’organizar de rescòntres, de conferéncias d’en pertot dins lo monde.
Bessai, un jorn, recontraràn, lei jogaires, de Vietnamians que fabrican lo pilo embé de bananas secas, plegadas ò de vertèbras de pèis, de Cambodgians qu’emplegan de morcèus de bofigas de pòrc. Totjorn, de plumetas encoloradas fòrman lo volaire.
Per aquelei que li agradariá de descurbir aquel espòrt e la si faire bòna, rendètz-vos a Coarasa au mes de julhet.
* « La Ratapinhata », publicacion satirica que « quora pòu, pareisse ».
Guiu Rami.
Per ne’n saupre mai sus lo pilo e sus lo nòstre site :
Voici quatre ans, en voyage à Pékin, je me promenais, un matin, au milieu des Chinois. Dans tous les coins, des groupes plus ou moins nombreux, s’adonnaient à de surprenantes activités : au ralenti, l’un dansait, un poste de radio par terre, un autre exécutait des figures harmonieuses, un foulard dans une main, un éventail dans l’autre, se tapotant avec un marteau de caoutchouc, un autre encore se massait le dos.
Au détour d’une petite place, surprise !, deux grands-mères jonglaient… avec un « pilou » ! Cela m’a renvoyé cinquante ans en arrière et j’ai revu les pièces de monnaie trouées et le volant en papier hygiénique… D’où vient ce jeu ? L’apparition du « pilou » en Occident remonte au second voyage de Marco Polo en Chine. Plus tard, un marin vénitien qui fait escale à Nice en fait la démonstration. A la veille de la seconde guerre, le « pilou » obtient un franc succès, avec la prolifération des pièces trouées. Une petite partie entre deux policiers est filmée, à Nice, par Alfred Hitchcock qui tourne « La main au collet ». Puis, plus rien pendant vingt ans.
En 1987, lors de la fête de « La Ratapinhata »*, à Nice, quelques nostalgiques font revivre la pièce trouée. L’année suivante, un championnat du monde est organisé à Coaraze. Le jeu perdure dans les tournois de Villefranche, Colomars, La Turbie, Nice, dans la Vieille ville… Je pense que le « pilou » est sauvé : une association, « Nice pilou », a pour but de promouvoir ce jeu, d’organiser des rencontres, des conférences, partout dans le monde.
Peut-être, les joueurs rencontreront-ils, un jour, des Vietnamiens qui fabriquent le « pilou » avec des bananes sèches, repliées ou des vertèbres de poissons, des Cambodgiens qui utilisent des morceaux de vessie de porc. Toujours, des petites plumes colorées constituent le volant.
Pour ceux qui aimeraient découvrir ce sport et se régaler, rendez-vous à Coaraze, au mois de juillet.
* »La Ratapinhata » (la chauve-souris), publication satirique « qui paraît… quand elle peut ».
