Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Andrieu GOYOT sòci de l’ieo-06. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Andrieu GOYOT encuei dins l’edicion de « Nice-Matin » Grassa.
Lo Pastre de Mercantor
Ludò, un paure pastre de Mercantor a dos cans : « Lo Bèu », un bergier dei Pirenèus e « Lobet », un joine lop que reculhèt e aprivadèt après que li aguèt sagatat la maire.
Esto còup, si porriá crèire qu’es arribada la fin dau monde. Pendent trenta sièis oras, nuech e jorn, la nèu a floquejat. Revengut lo matin, lo vilatge si taisa e ren bruseja. Lei carreirons ensebelits dispareisson entre leis ostaus agromelits, acoconats sota una tras que peuja coifa bleuja que sembla de lei voler espoutir.
E esbrilhaudant qu’esbrilhaudant, lo soleu capita pas de reviscolar leis estatjants encaunats ai sieu milions de cristaus acumulats, fa pasmens gisclar a jaba d’estelejantei garbas de lutz irisada que balhan un èr de fèsta an aqueu desèrt glaçat. Si risquèsson defòra, lei cans ne’n perdrián la sieu coa, que si rompriá, de tant que gèla en l’èr.
D’aquesta velha de Calendas, maugrat lo frei de can, lo curat e lo cònse decidèron de mantenir lo tradicionau belèm viu e, coma cada an, te bastissèron un establon sota lo vaste pòrge de la gleisa. Dins lo tantòst, aprofichant lo bèu temps, cadun desencombra davant la sieu pòrta. Retalhant d’espessei paladas, de volontaris e lei dos emplegats comunaus cavan un draiòu estrech e prefond au mitan dei carrieras entrambladas. Amolonan, tant auts coma d’òmes, de neviers que li faudrà segur un brave temps per si fondre. Au manco, porràn lo monde caminar dins lo vilatjon.
(seguirà)
Andrieu GOYOT
Ai nòstrei legeires,
De capitada bravament,
E d’argent, pron sovent,
D’embestiaments, pas tot plen
Mai de jòia, tot lo temps.
LE BERGER DU MERCANTOUR.
Ludo, un pauvre berger du Mercantour a deux chiens : « Le Beau », un berger des Pyrénées et « Loubet », un jeune loup qu’il a recueilli après avoir tué sa mère.
Cette fois, on pourrait croire que la fin du monde est arrivée. Pendant trente-six heures, nuit et jour, il a neigé. Le matin, le village se tait, aucun bruit. Les ruelles ensevelies disparaissent entre les maisons qui se blottissent les unes contre les autres, emmitouflées sous une très lourde coiffe bleue qui semble vouloir les écraser.
Et, le soleil a beau briller, il ne réussit pas à revigorer les habitants terrés au milieu de millions de cristaux accumulés, et il fait pourtant jaillir à profusion d’étincelantes gerbes de lumière irisée qui donnent un air de fête à ce désert glacé. Si les chiens se risquaient dehors, ils en perdraient leur queue qui se briserait, tellement l’air est gelé.
En cette veille de Noël, malgré le froid de chien, le curé et le maire ont décidé de maintenir la traditionnelle crèche vivante et, comme tous les ans, ils ont construit une petite étable sous le vaste porche de l’église. Dans l’après-midi, profitant du beau temps, chacun dégage la neige devant sa porte. Découpant d’épaisses pelletées, des volontaires et deux employés communaux creusent un étroit et profond sentier au milieu des rues impraticables. Ils entassent des monticules de neige, de la taille d’un homme, auxquels il faudra, assurément, un bon moment pour fondre. Au moins, les gens pourront marcher à travers le petit village.
(à suivre)
A nos lecteurs,
Beaucoup de succès,
De l’argent, assez souvent,
Des ennuis, pas trop,
Mais de la joie tout le temps.