ACTU Setmana dau dimarç, lo 26 de decembre au dimarç, lo 2 de janvier de 2 007
Dimarç, lo 26 de decembre de 2 006. E bonjorn ! Vos soeto d’aguer passat un Nové joiós ! Bònas chalendas en totes ! A l’assemblaa nacionala, foguèc question dimècres, lo 13 de decembre, de las lengas e culturas dichas « regionalas ». Un amendament a l’article II de la constitucion foguèc despausat per lo deputat U.M.P. Marc Le Fur que prepausava d’apondre après « lo francés es la lenga de la Republica » la formula « dins lo respècte de las lengas regionalas que fan partia dau nòstre patrimòni ». Lo debate foguèc coma de costuma l’ocasion per los mai centralistes jacobins de repepiar las crenhenças escuòlaas de « balcanizacion » de França, d’achabament de la sacro-santa indevisibilitat de la Republica, d’atenhença a l’integritat dau territòri… Mas, per lo premier viatge, que fai mai d’un còp que la question es sotalevaa a l’assemblaa, la resulta dau vòte, mesme s’es negativa, mostra una aumentacion fòrta en favor de l’amendament que los « per » obtenguèron 44 votacions e los « contra » 57. Siam pas passat luenc. Assaiarem encara. A deman.
Dimècres, lo 27 de decembre de 2 006. E bonjorn ! Audicion maraton dijòus passat per lo chap ministre Domergue De Villepin. Auvit simplament coma testimòni dins l’afaire « Clearstream », restèc detz-e-set oras dins lo gabinet dels jutges Joan-Maria d’Huy e Enric Pons. Aquelos lo volian auvir per esclarzir mai d’un ponch sus aquèu dorsier sorn de listings trucats e de denonciacions calomniosas. La venda de fregatas a Taiwan saria estaa l’ocasion per quauques uns de recebre fons ocultes. Las listas modifiaas foguèron las rasons de la mesa en examen dau reire vice-president d’EADS Joan-Loís Gergorin e d’Imad Lahoud, ancian quadre dau grope d’aeronautica e de defensa. Son sopçonats totes dos per fausses, usatge de fausses e denonciacion calomniosa. Sauprem belèu jamai se n’i a que se’n betèron plen las pòchas dins aquèu merchat sucós. A deman.
Dijòus, lo 28 de decembre de 2 006. E bonjorn ! Desastre per l’antiliberalisme. Bové, Besancenot, Buffet e los autres capitèron pas de se metre d’acòrd sus una candidatura comuna. Coma a chasque còp, los interestes particulars dels uns e dels autres prenguèron lo pas sus l’interest generau dau « pòple de senèca ». Maria-Jòrgia Buffet foguèc plebiscitaa per son partit que la designèc dins l’escrutin interne au PC amb (v’)uechanta-un dels cent de las votz. Anoncièc oficialament sa candidatura tre divèndres de sera au jornau televistat de (v’)uech oras sus TF1. Clementina Autain, elegia joventa, afirmèc dijòus passat : « Es un còp dur portat a la dinamica unitària ». Acusèc lo Partit Comunista Francés de portar « la responsabilitat istorica d’aquesta reviraa ». Lo front antiliberau es ben espetat, eira, e los espers dels obriers e dels trabalhaires-trabalhairitz tant parier… que se creièron de longa que l’unitat èra possibla e que se capitaria la candidatura unenca per l’eleccion presidenciala. A deman.
Divèndres, lo 29 de decembre de 2 006. E bonjorn ! Violéncias escolaras. Lo jove Carl, 12 ans, foguèc tuat non pas per estre estat matrassat per dos autres joves, mas per lo tuert emocionau provocat per la garrolha e sa fragilitat cardiaca. S’èra jamai descuberta sa malautia qu’es l’encausa de sa mòrt. L’autopsia revelèc dijòus una mauformacion cardiaca grèva amb una artèra coronariana « tant larja coma un piu » segon l’expression dels metges legistes. Aqueste drama pòt pas escondre la manca de meians crianta que la supression de miliers de survelhants entraïnèc problèmas greus de seguretat dins mai d’un establiment segondari. Lo ministre de l’educacion, Gèli de Robien, se dissèc « indignat de la recuperacion politica » dau drama e Segolena Royal prepausèc de « betre dos ensenhaires dins las classas quora sarè necessari ». Se tornem trobar dimarç, lo 2 de janvier per la premiera cronica de 2007. Bònas chalendas e bon bot d’an 2006. A l’an que ven ! Se siam pas mai… que sieiem pas mench !
Dimarç, lo 2 de janvier de 2 007. E bonjorn ! E bon an ! Vos diso pas lo restant… que siam a la radiò e que me chau tenir dins las limitas de la correccion ! Kouchner vira a drecha. Marcat au partit socialista, l’ancian ministre de la santat Bernat Kouchner se dis favorable a un govern d’union nacionala. Per despassar los clivatges costumiers, se dis mesme leste a participar au govern se Micolau Sarkosy es elegit. Segon èu, la campanha menaa per los socialistas es pas la bòna que mescla « ideas bònas e fòrça arcaïsmes ». Aponde que « chaudria plus ges mentir a (n’)aquelos que patisson ». S’es pas lo premier de virar la vèsta coma aquò, me fai totjorn pèna que quauqu’un que me semblava intelligent s’engani dins una dralha tant marria. Belèu que Sarkosy li faguèc la promessa d’un pòrtafuelha interessant. A deman.
Micheu PRAT
Poetz retrobar lo texte d’aquesta cronica e linha sus lo site de l’I.E.O. Espaci Occitan dels Aups :
Las frequéncias d’Alpes 1 :
– Valeia dau Buech : 90
– País de Briançon : 102.6
– País d’Ambrun : 99.6
– País Gapian : 90.9
– País de Guilhestra : 104
– País de Sisteron : 91.6
– Valéia d’Ubaia : 97.5
– Queiràs : 90.8
– Grenoble : 101.6
Es possible d’escotar la radio Alpes 1 per Internet :
ACTU Semaine du mardi 26 décembre au mardi 2 janvier 2 007
Mardi 26 décembre 2 006. Et bonjour ! Je vous souhaite d’avoir passé un joyeux Noël ! Bonnes fêtes de fin d’années à tous ! À l’assemblée nationale, il a été question mercredi 13 décembre, des langues et cultures dites « régionales ». Un amendement à l’article II de la constitution a été déposé par le député U.M.P. Marc Le Fur qui proposait d’ajouter après « le français est la langue de la République » la formule « dans le respect des langues régionales qui font partie de notre patrimoine ». Le débat a été, comme d’habitude, l’occasion pour les plus centralistes jacobins de rabâcher les craintes éculées de « balkanisation » de la France, de fin de la sacro-sainte indivisibilité de la République, d’atteinte à l’intégrité du territoire… Mais, pour la première fois, car cela fait plusieurs fois que la question est soulevée à l’assemblée, le résultat du vote, même s’il est négatif, montre une augmentation forte en faveur de l’amendement parce que les « pour » ont obtenu 44 voix et les « contre » 57. Nous ne sommes pas passés loin. Nous essaierons encore. À demain.
Mercredi 27 décembre 2 006. Et bonjour ! Audition marathon jeudi dernier pour le premier ministre Dominique De Villepin. Entendu simplement comme témoin dans l’affaire « Clearstream », il est resté dix-sept heures dans le cabinet des juges Jean-Marie d’Huy et Henri Pons. Ceux-ci désiraient l’entendre pour éclaircir de nombreux points sur ce sombre dossier de listings truqués et de dénonciations calomnieuses. La vente de frégates à Taiwan aurait été l’occasion pour quelques uns de recevoir des fonds occultes. Les listes modifiées ont été les raisons de la mise en examen de l’ancien vice-président d’EADS Jean-Louis Gergorin et d’Imad Lahoud, ancien cadre du groupe d’aéronautique et de défense. Ils sont soupçonnés toux les deux de faux, usage de faux et dénonciation calomnieuse. Nous ne saurons peut-être jamais s’il y en a qui s’en sont mis plein les poches dans ce marché juteux. À demain.
Jeudi 28 décembre 2 006. Et bonjour ! Désastre pour l’antilibéralisme. Bové, Besancenot, Buffet et les autres n’ont pas réussi à se mettre d’accord sur une candidature commune. Comme à chaque fois, les intérêts particuliers des uns et des autres ont pris le pas sur l’intérêt général du « peuple de gauche ». Marie-Georges Buffet a été plébiscitée par son parti qui l’a désignée lors du scrutin interne au PC avec quatre-vingt-un pour cent des voix. Elle a annoncé officiellement sa candidature dès vendredi soir au journal télévisé de vingt heures sur TF1. Clémentine Autain, jeune élue, a affirmé jeudi dernier : « C’est un coup dur porté à la dynamique unitaire ». Elle a accusé le Parti Communiste Français de porter « la responsabilité historique de cet échec ». Le front antilibéral est bien éclaté, maintenant, et les espoirs des ouvriers et des travailleurs-travailleuses tout autant… eux qui crurent longtemps que l’unité était possible et que réussirait la candidature unique pour l’élection présidentielle. À demain.
Vendredi 29 décembre 2 006. Et bonjour ! Violences scolaires. Le jeune Carl, 12 ans, a été tué non pas pour avoir été battu par deux autres jeunes, mais par le choc émotionnel provoqué par la bagarre et sa fragilité cardiaque. Personne n’avait jamais décelé cette maladie qui a causé sa mort. L’autopsie a révelé jeudi une malformation cardiaque grave avec une artère coronarienne « pas plus large qu’un cheveu » selon l’expression des médecins légistes. Ce drame ne peut pas cacher le manque de moyens criant parce que la suppression de milliers de surveillants a entraîné de graves problèmes de sécurité dans de nombreux établissements secondaires. Le ministre de l’éducation, Gilles de Robien, s’est dit « indigné de la récupération politique » du drame et Ségolène Royal a proposé de « mettre deux enseignants dans les classes lorsque c’est nécessaire ». Nous nous retrouvons le mardi 2 janvier pour la première cronique occitane de 2007. Je vous souhaite de bonnes fêtes de fin d’année et une joyeuse Saint-Sylvestre… À l’année prochaine ! Si nous ne sommes pas plus nombreux… Qu’au moins nous ne soyons pas moins !
Mardi 2 janvier 2 007. Et bonjour ! Et Bonne année ! Je ne vous dis pas le reste… parce que nous sommes à la radio et qu’il me faut tenir dans les limites de la correction ! Kouchner vire à droite. Inscrit au parti socialiste, l’ancien ministre de la santé Bernard Kouchner se dit favorable à un gouvernement d’union nationale. Pour dépasser les clivages habituels, il se dit même prêt à participer au gouvernement si Nicolas Sarkosy est élu. Selon lui, la campagne menée par les socialistes n’est pas la bonne parce qu’elle mêle « de bonnes idées et beaucoup d’archaïsmes ». Il ajoute qu’il « faudrait ne plus mentir à ceux qui souffrent ». S’il n’est pas le premier à virer ainsi la veste, cela me peine toujours de voir quelqu’un qui me semblait intelligent s’engager sur une si mauvaise voie. Peut-être que Sarkosy lui a fait la promesse d’un portefeuille intéressant. À demain.