Nòstre amic, Andrieu SAISSI responsable de la cronica « Nice-Matin » per l’IEO-06, signa lo resson d’aquesta setmana qu’a per titre : « Lengas de França, contunia ! »
Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Andrieu SAISSI encuei dins l’edicion de « Nice-Matin » Grassa.
De pas mancar l’agenda en bas de pagina.
Lengas de França, contunia !
Après lo rapòrt de l’expèrta que n’avèm parlat dins un « Resson », lo Comitat dei drechs sociaus e culturaus de l’ONU demandèt una respònsa a l’Estat francés. Leis autoritats francesas, luenh d’èstre indiferentas a l’imatge qu’an au defòra, vènon de rendre lo sieu rapòrt tocant ai remarcas fachas per l’expèrta. Per donar una impression fòrt positiva de la situacion, lo document vòu convíncer lo Comitat que França es fòrt estacada a l’ensenhament dei lengas dichas regionalas. Ansin, lo nombre deis escolans que segon un ensenhament dei culturas e lengas de França aumenta de lònga : serián, ara, 400 000.
Notem, que li son mescladas totei lei lengas e totei lei fòrmas d’ensenhament, e que, rapòrt a l’efectiu escolari globau de quasi 14 milions, representa pas manco lo 3 dau cent. Aprenèm que l’Estat favoriza la signatura de convencions embé lei collectivitats per desvolopar aquest ensenhament. Mai, ges de convencion siguèt passada entre lei rectorats e lei diferentei regions occitanas e lei rarei convencions que siguèron signadas dins d’unei regions son pas respectadas.
Lo tèxte signala encara l’existéncia de consèus academics dei lengas regionalas per apreciar, completar, emendar lei projècts de desvolopament, prepausats per lei rectorats. Lei consèus acampats –ò pas- un còp l’an, si limitan an un torn de taula, una allocucion optimista dei representants de l’administracion per si congratular de la situacion e… la sesilha es levada. La formacion dei mèstres si fariá totjorn mièlhs, leis estatgis serián totjorn mai nombròs.
Pasmens : supression dau pòste de mèstre-animator en lenga regionala en Vauclusa, gèu -preludi a la sieu disparicion- d’aquelei dei mèstres-formators dins lei Bocas-de-Ròse, liquidacion dau pòste de conselhier pedagogic dins leis Aups-Maritimes, per parlar que de Provença…
Nos dien tanben, que lei societats de television publica ajudan au desvolopament e a l’expression dei lengas en question… Aquela tuba ! Basta! Un tèxt longarut que fa pensar au dever d’escolans qu’an estudiat gaire gaire, mai ti vòlon faire creire qu’an trabalhat totplen.
Andrieu Sàissi.
Langues de France, ça continue !
A la suite du rapport de l’expert dont nous avons parlé dans un « Resson », le Comité des droits sociaux et culturels de l’ONU a demandé une réponse à l’Etat français. Les autorités françaises, loin d’être indifférentes à l’image qu’elles ont à l’étranger, viennent de rendre leur rapport relatif aux remarques faites par l’expert. Pour donner une impression très positive de la situation, le document cherche à convaincre le Comité que la France est fort attachée à l’enseignement des langues dites, régionales. Ainsi, le nombre d’élèves qui suivent un enseignement des cultures et des langues de France augmenterait sans cesse : ils seraient, maintenant, de 400 000.
Notons qu’y sont mêlées toutes les langues et toutes les formes d’enseignement et que, par rapport à l’effectif scolaire global de près de 14 millions, cela ne représente même pas 3%. Nous apprenons que l’Etat favorise la signature de conventions avec les collectivités pour développer cet enseignement. Mais, aucune convention n’a été passée entre les rectorats et les différentes régions occitanes et les rares conventions qui ont été signées dans certaines régions ne sont pas respectées.
Le texte signale encore l’existence de conseils académiques des langues régionales pour apprécier, compléter, amender les projets de développement proposés par les rectorats. Les conseils réunis -ou pas- une fois par an, se limitent à un tour de table, à une allocution optimiste des représentants de l’administration qui se félicitent de la situation et… la séance est levée. La formation des maîtres se ferait de mieux en mieux, les stages seraient toujours plus nombreux.
Pourtant : suppression du poste de maître-animateur en langue régionale dans le Vaucluse, gel -prélude à leur disparition- de ceux des maîtres-formateurs dans les Bouches-du-Rhône, liquidation du ½ poste de conseiller pédagogique dans les Alpes-Maritimes, pour ne parler que de la Provence…
On nous dit aussi que les sociétés de télévision publique aident au développement et à l’expression des langues en question… Elle est bien bonne, celle-là ! Bref! Un discours très long qui fait penser au devoir d’élèves qui ont très peu appris mais veulent vous faire croire qu’ils ont beaucoup travaillé.
Agenda :
Réunion d’animateurs d’ateliers de langue, en PACA, aujourd’hui, 18 mai, 9h30, salle de la Confrérie, à Le Val (Var),
Ateliers de langue, à La Colle-sur-Loup, lundi 19 mai, école N. Lanza, 17h30 ; à Grasse, mercredi 21 mai, salle de St. Jacques, 17h30,
Théâtre avec « Barba Zon », à Nice, théâtre de « La Semeuse », vendredi 23 mai, 20h30.