Nòstre amic, Andrieu responsable de la cronica « Nice-Matin » per l’IEO-06, a decidit de confidar son estilò a Jòrgi Fettuciari. sòci de l’ieo-06 e de l’Escomessa associacion occitana canenca. Vautres toi sòcis ò amics nos podetz escriure per prepausar lei vòstres tèxts.
Podetz legir l’article de Jòrgi Fettuciari encuei dins l’edicion de « Nice-Matin » Grassa.
De pas mancar l’agenda en bas de pagina.
Sovenirs bocassians.
Cu passa davant l’usina « Alcatel » pòu admirar l’importància dei bastiments onte son fabricats satellites e autres. Solets, lei mai ancians an encara la remembrança dau temps d’Estève Romano, aquel afogat d’aviacion que, a comptar de 1920, aviá creat lei « Chantiers navals Etienne Romano », donte sortèron d’idravions e d’avions que marquèron una data dins l’industria aeronavala. Puei la fabrica foguèt nacionalizada e devenguèt la SNCASE. Lei bastiments èran, alora, mai modèstes qu’ara.
Venguèt la guèrra. I aviá, en aqueu temps, una escòla d’aprendissatge e lei joines, una quingena, menavan una vida marcada per la descuberta dau biais de trabalhar, segur, lei dificultats de viure, subretot la manca de noiridura… e tanben d’autrei causas : lo rabalhatge, cadun son torn, d’èrbas culhidas sus lo terren d’aviacion, per lei lapins dau professor. Per i anar, faliá passar la linha dau camin de fèrre, un valat anti-carri e mai un camp de minas ! En mai d’aquò, i aviá leis alèrtas, quora leis avions americans venián sus lo ròdol. Alora, lei joines anavan sus lo terren d’a costat, per jogar au balon, dau temps que leis obriers, elei, contuniavan son pretzfach, sensa s’assostar dins leis abrics.
Pasmens, lo dangier èra aquí : un sota-marin anglés venguèt mandar un obús sus lei grandei pòrtas de fèrre que sarravan lei atalhiers. Quora leis Americans, en novembre de 43, bombardèron La Bòca, l’usina recebèt quauquei bombas e, subretot, un sovenir a retardament… cargat d’explosius ! Aqueu sovenir petèt una dimenjada – urosament – mai, coma aviá tombat còntra la cantina, lo bastiment si clinèt dau costat dau trauc fach per la bomba. Si faliá pas versar un gòt d’aiga ò de vin quand eriam dau costat mai aut. Lo liquid seguiá la penda per arribar sus lo darrier manjaire !
Aquela inclinason restèt d’annadas, avans que lo novèu bastiment donte si podiá manjar « de nivèu » siguèsse edificat !
Jòrgi Fettuciari.
Souvenirs bocassiens.
Qui passe devant l’usine « Alcatel » peut admirer l’importance des bâtiments où sont fabriqués satellites et autres matériels. Seuls, les très anciens ont encore le souvenir du temps d’Etienne Romano, ce passionné d’aviation, qui, à partir de 1920, avait créé les « Chantiers navals Etienne Romano » d’où sont sortis des hydravions et des avions qui ont marqué une date dans l’industrie aéronavale. Puis, la fabrique a été nationalisée, elle est devenue la SNCASE. Les bâtiments étaient, alors, plus modestes que maintenant.
La guerre est arrivée. Il y avait, à cette époque, une école d’apprentissage et, les jeunes, une quinzaine environ, menaient une vie marquée par la découverte d’une façon de travailler, bien sûr, par les difficultés de vivre, surtout par les restrictions, ainsi que d’autres choses, comme le ramassage, chacun son tour, d’herbes cueillies sur le terrain d’aviation, pour les lapins du professeur. Pour y aller, il fallait passer de l’autre côté de la voie ferrée, franchir un fossé antichar et même, un champ de mines ! De plus, il y avait les alertes, quand les avions américains venaient sur le site. Alors, les jeunes allaient sur le terrain d’à côté jouer au football, tandis que les ouvriers continuaient leur tâche, sans se protéger dans les abris.
Pourtant, le danger était là : un sous-marin anglais est venu lancer un obus sur les grandes portes en fer qui fermaient les ateliers. Quand les Américains, en novembre 43, ont bombardé La Bocca l’usine a reçu quelques bombes et, surtout, un souvenir à retardement… chargé d’explosifs ! Ce souvenir a éclaté un week-end – heureusement – mais, comme il était tombé contre la cantine, le bâtiment s’est penché du côté du cratère causé par la bombe. Il ne fallait pas se servir un verre d’eau ou de vin lorsqu’on était à table du côté haut… Le liquide suivait la pente pour arriver sur le dernier convive !
Cette inclinaison est restée pendant de longues années avant que le nouveau bâtiment où l’on pouvait manger « à niveau » ne soit construit.
Agenda :
Mardi 15 mai : atelier de danses populaires, salle de St Antoine, 20h30,
Mercredi 16 mai : atelier de langue, salle de St Jacques, 17h30.