Amics occitans, la cronica Ribon-Ribanha d’ancuei, titrada » Sera de chavana « , v’es prepauada da Joan-Loís LE MASSON, sòci de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Sera de chavana
En li annadas 70, èri un adolescent, viviavam en aqueu tèmps au Mont Boron, costat Vilafranca.
Mon paire, faía l’orticoltor. Èran pas mai de cinc a faire aquest mestier en lo canton.
Avian abandonat la cultura dau galòfre niçard que siguèt la glòria dei orticoltors niçards en li annadas 50, e que faguèt finda la renomada de Niça.
Coltivavan dins l’ensems de floretas que creission defòra, en plena ària ; èran de rosànculas rogi sonadi « barbarós », d’anemònas coloridi, de golas de lop de toi lu colors, frèsias, margaridas, gauchs, eca…
Li anemònas e li rosànculas èran cultivadi sota de palhassons pauats sobre de listas claveladi sobre de piquets en bosc de castanhier.
L’i èran a la sosta dedintre dei sèrras, de frèsias de quatre colors diférents, aquesta flor que sente mai que bòn.
Li sèrras èran fabricadi ‘mé una armadura de bòsc costituïda de latas claveladi sus de piquets en castanhier ; cinq filas en tot e li listas que consolidavan la costruccion.
Sus d’aquesti filas èran pauadi d’armaduras de bòsc embé de vitres de jardinier mantengudi sobre li filas per de ganchos fabricats « maion », de clavèus e de fiu ferre.
Li sèrras èran cuberti sus lu quatre costats ‘mé de rotlèus de filme plastic trasparent.
Aquesta sera , plòuïa a raissa e lo vent bofava totplen fòrt, mai de 100 qm/o.
Après lo dinnar, mon paire crenhia que lu palhassons s’envolèsson e escagassèsson li culturas. Mi demandèt de l’ajudar a rotlar lu palhassons lòngs de 4 a 6 mètres.
Èra dangierós per nautres de faire aquò ‘mé lo ventàs e la gròssa pluèia. Lo travalh acabat ma maire que nos tenia da ment, nos pressava de nos arecampar au nòstre per fin de nos desvestir e de nos secar, talament eravam banhats.
Gaire de temps après, plus ges de lume dins maion, deugueriam acendre li candèlas per veire un pauc e anar au liech. Dificile de durmir ‘mé lo bosin de lònga dau vent que faía grinhar lu escurs.
De matin avèm vist lu degais dins la sieu estenduda. En aquesta época l’electricitat arribava per un fiu d’aram gròs coma la mitan dau det marmelin.
Aquest fiu travessava lo jardin de l’intrada fins a maion. Siguèt talhat probablament per una fila d’armaturas qu’avian volat per ària coma siguèsse un juec de cartas.
Lu emplegats d’EDF èran venguts sus lo còup per metre l’electricitat provisòria.
Mai de paur que de mau ! Despí d’aquesta nuech, ai pròpi pilhat consiénça dei fòrças de la natura, en ocurença lo vent que menava lo marrit temps aquí : lo vent dau levant.
Cau totjorn respectar Dòna Natura dins toti li sieu fòrmas : li bèstias, li plantas e lu diférents elements que la compauan.
Devem aparar la vida de la natura, meme se de fes es dangierós, perqué es pròpi bèla la nòstra planeta Tèrra.
Joan-Loís LE MASSON
Soir de Tempête
Dans les annnées70, j’étais un adolescent, nous vivions à l’époque au Mont Boron côté Villefranche.
Mon père était un horticulteur. Ils n’étaient pas plus de cinq dans ce coin à exercer le métier. Ils avaient abandonné la culture de l’œillet niçois qui fut la gloire des horticulteurs niçois dans les années 50, et aussi la renommée de Nice.
Ils cultivaient dans l’ensemble des fleurettes qui poussaient en plein air, c’était la renoncule rouge s’appelant « barbaroux », les anémones multicolores, les gueules de loup (mufliers) de différentes couleurs, du freesia, marguerite, souci etc.…
Les anémones et renoncules étaient cultivées sous des paillassons posés sur des liteaux cloués sur des piquets en bois de châtaigner.
Il y avait également sous abri dans des serres, des freesias de quatre couleur cette fleur qui sent très bon.
Les serres étaient fabriquées avec une armature en bois constituée de lambourdes clouées sur des piquets en châtaigner ; cinq rangées au total et, des liteaux qui consolidaient la structure.
Sur ces rangées étaient posées des châssis en bois avec des verres de jardinier maintenus sur les rangées par des crochets fabriqués « maison », des clous et du fil de fer.
Les serres étaient couvertes sur les quatre cotés par des rouleaux de film plastique transparent.
Ce soir-là, il pleuvait abondamment et le vent soufflait très fort plus de 100 km/h.
Après le diner, mon père craignait que les paillassons s’envolent et abiment les cultures. Il me demanda de l’aider à rouler les paillassons longs de 4 à 6 m. C’était dangereux pour nous de faire cela avec ce grand vent et cette grosse pluie.
La tâche terminée ma mère qui nous surveillait nous pressait de vite rentrer à la maison afin de nous dévêtir et de nous sécher tellement nous étions trempés.
Peu de temps après, plus aucune lumière dans la maison, nous devions allumer les bougies pour voir un peu et aller nous coucher.
Difficile de dormir avec le bruit continuel du vent qui faisait grincer les volets.
Au matin nous avons vu l’étendue des dégâts. En effet à l’époque l’électricité arrivait par un fil de cuivre gros comme la moitié d’un petit doigt. Ce fil traversait le jardin de l’entrée jusqu’à la maison. Ce dernier fut sectionné probablement par une rangée de châssis qui s’était envolée comme une rangée de cartes.
Les employés de l’EDF étaient venus rapidement pour mettre de l’électricité provisoirement.
Plus de peur que de mal ! Depuis cette nuit j’ai réellement pris conscience des forces de la nature, en l’occurrence le vent qui nous amena le mauvais temps chez nous : le vent d’Est.
Dès lors le respect de dame nature dans tous ces états : les animaux, les plantes et les différents éléments qui la composent, s’imposa pour moi.
Nous devons protéger la vie de la nature même si parfois elle est dangereuse, car elle est vraiment belle notre planète Terre.
