Amics occitans, la cronica Ribon-Ribanha d’ancuei, titrada « Cuenta, cuntam… », es la segonda dau triptic prepauat, despí la setmana passada, dai escolans de segond nivèu dau Gramon. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Cuenta, cuntam…
Lo Prat dau Lop
La Cabra d’aur
Mitan de gal
contat per Anna-Maria MILARDI
L’i èra un còup, en un país luenchenc delà de Var, un mieg polàs que li diíon Mitan de gal. Un bèu jorn que gaspava la tèrra a l’espera dau sieu verp quotidian, Mitan de gal descurbèt tres escuts d’aur lusissents. Lo rei que passava pròche en un carròsse pimparat si fermèt e li demandèt :
– Son tieus aquelu tres escuts d’aur ? Preste-lu mi, Mitan de gal. Lu vau metre ben assostats sus lo mieu còmpte en Soïssa e veiràs que, d’aquí gaire, vendràn de milierats.
E Mitan de gal, qu’èra de segur un pauc neci auguent basta mitan d’un cervèu galet, li confidèt lu sieus escuts.
Lu mes passèron, pi d’annadas e lo rei jamai tornava. Alora lo gal deçauput decidèt d’anar a la cort quèrre lu sieus tres escuts. Alestissèt lo baül a la lèsta e sensa tardar, s’encaminèt. A pena percorruts quauqu metres, Mitan de gal rescontrèt lo lop que li bramèt :
– Dont t’en vas Mitan de gal ?
– M’en vau a la cort dau rei per querre lu mieus escuts.
– Aspere-mi, Mitan de gal, que ti vòli acompanhar.
Lo mieg gal pilhèt lo lop, l’escondèt sota la sieu coa e perseguèt lo camin.
Un pauc mai luenh, veguèt lo rainard que torna mai lo questionèt :
– Dont t’en vas Mitan de gal ?
– M’en vau a la cort dau rei per querre lu mieus escuts.
– Aspere-mi, Mitan de gal, que ti vòli acompanhar.
Lo volatile s’emparèt dau rainard, lo metèt darrier la sieu cresta e contunhèt de caminar.
Fins qu’arribèt au Ròse, lo flume que, tau Palhon au nòstre, percorre aqueu país luenchenc. Ròse, que si bidorsava ossiosament au soleu, au sieu torn l’interroguèt :
– Dont t’en vas Mitan de gal ?
– M’en vau a la cort dau rei per querre lu mieus escuts.
– Aspere-mi, Mitan de gal, que ti vòli acompanhar.
Lo gal pilhèt lo Ròse per lo s’escondre sota l’ala seneca perqué de drecha non n’avia.
Enfin après una lònga caminada, Mitan de gal jonhèt la cort e reclamèt lu sieus escuts. Lo rei li faguèt bòn acuelh tot en si demandant coma s’en despegoïr, vist qu’èra bèu temps qu’avia bregalhat lu sòus au casinò de Monte-Carlo. Quora li venguèt una idea.
– Deves èstre las, Mitan de gal, après tota ‘sta caminada. Vai ti repauar en lo jas e ne’n parlerem deman.
Lo rei furbo si diía que li sieu tres cent tèstas d’aver menadi da un aret gigantàs, aurián sensa dubi trapejat lo mieg polàs. De fach, lo gal èra a pena entrat que li feas li si lancèron còntra per l’esquiçar coma una sòca.
– Ajude-mi, lop !, cridèt Mitan de gal.
En un batre d’uelh, lo lop, sortent de sota la sieu coa, devorèt li tres cents feas e l’aret entier mé li banas.
Alora l’endeman, lo rei engimbrèt un autre engan :
– Siás encara las, Mitan de gal, après tota ‘sta caminada. Vai ti repauar au galinier e ne’n parlerem deman.
Lo rei s’esperava ensinda que li sieu galinas bilioi aurián lèu pitassat la chicòria d’aquela peça d’aucelalha. D’efèct, lo gal s’èra tot bèu just acoconat dins la palha que li galinas ferri lo venguèron barcelar.
– Ajude-mi, rainard ! esquilassèt Mitan de gal.
Tant lèu dich, tant lèu fach, lo rainard gisclèt de darrier la cresta dau gal e si faguèt una forra dau galinier au complet mé l’ajoquier e finda la gràia.
Lo rei, secat per la perta dei sieu tres tres cents tèstas d’aver e de tota la galinàia, decidèt de si desbarrassar dau mieg gal una bòna fes per toti e lo mandèt si repauar en lo forn de la sieu coïna en li diguent :
– Ieu ti veï pròpi las, Mitan de gal, après tota ‘sta caminada mas sigues segur que ne’n parlerem deman.
E mentre lo gal s’endurmia, ajocat sus la clea dau forn, lo rei entrant a la chut-chut acendèt la coïniera per arostir lo mieg polet. Mas quora avisèt li flaras e que sentèt la calor, Mitan de gal si metèt torna a bramar :
– Ajude-mi, Ròse !
E Ròse sus lo còup, degolant de sota l’ala, inondèt lo forn e amurcèt lo fuec.
Vequí coma Mitan de gal posquèt ientrar en possession dei sieus escuts que lo rei li rendèt emb’ai interés, auguent per aquò vendut carròsse, sceptre, tròno, palais e la dentiera d’aur de sa maire. Mitan de gal vengut ric e urós posquèt s’entornar au país en companhia dei sieus amics, dont esposèt una splendida bressana label roge entiera, redona de cueissa e larga de piech, que li a donat sensa aspera tota una centuria de tres quarts de polons.
E cric e crac, lo mieu cònte es acabat.
Lu Escolans dau Gramon
Moitié de coq
Il était une fois, dans un pays lointain au-delà du Var, un demi-poulet qu’on appelait Moitié de coq. Un beau jour, alors qu’il raclait la terre à la recherche de son ver quotidien, Moitié de coq découvrit trois écus d’or luisants. Le roi qui passait par là dans un carrosse ornementé s’arrêta et lui demanda :
– Ces trois écus d’or sont à toi ? Prête-moi les, Moitié de coq. Je vais les placer bien au chaud sur mon compte en Suisse et tu verras que d’ici peu, ils deviendront des milliers.
Et Moitié de coq, qui bien sûr était un peu nigaud puisqu’il n’avait que la moitié d’un cerveau gallinacé, lui confia ses écus.
Les mois passèrent, puis des années et le roi ne revenait jamais. Alors le coq déçu décida de se rendre à la cour pour demander ses trois écus d’or. Il prépara rapidement son bagage et se mit en route sans tarder. Ayant parcouru quelques mètres à peine, Moitié de coq rencontra le loup qui lui cria :
– Où t’en vas-tu Moitié de coq ?
– Je m’en vais à la cour du roi pour demander mes écus.
– Attends-moi, Moitié de coq, car je veux t’accompagner.
Le demi coq prit le loup, le dissimula sous sa queue et continua son chemin.
Un peu plus loin, il vit le renard qui de nouveau le questionna :
– Où t’en vas-tu Moitié de coq ?
– Je m’en vais à la cour du roi pour demander mes écus.
– Attends-moi, Moitié de coq, car je veux t’accompagner.
Le volatile s’empara du renard, le mit derrière sa crête et poursuivit sa route.
Puis il arriva au Rhône, le fleuve qui, tel le Paillon chez nous, parcourt ce pays lointain. Le Rhône, qui se tortillait paresseusement au soleil, l’interrogea à son tour :
– Où t’en vas-tu Moitié de coq ?
– Je m’en vais à la cour du roi pour demander mes écus.
– Attends-moi, Moitié de coq, car je veux t’accompagner.
Le coq prit le Rhône afin de le dissimuler sous son aile gauche puisqu’il n’en avait pas d’autre.
Enfin après une longue marche, Moitié de coq parvint à la cour et réclama ses écus. Le roi lui fit bon accueil tout en se demandant comment s’en dépêtrer, vu qu’il y avait longtemps qu’il avait dilapidé les sous au casino de Monte-Carlo. Il lui vint alors une idée.
– Tu dois être las, Moitié de coq, après toute cette marche. Va te reposer dans la bergerie et nous en parlerons demain.
Le roi fourbe se disait que ses trois cent têtes de troupeau menées par un bélier gigantesque auraient sans aucun doute piétiné le demi poulet. En effet, dès que le coq entra, les moutons se ruèrent sur lui pour l’écraser comme une socca.
– A l’aide, loup ! cria Moitié de coq.
En un clin d’oeil, le loup, sortant de sous sa queue, dévora les trois cent moutons et le bélier entier avec toutes ses cornes.
Alors le lendemain, le roi mit sur pied un autre plan :
– Tu es encore las, Moitié de coq, après toute cette marche. Va te reposer dans le poulailler et nous en parlerons demain.
Le roi espérait ainsi que ses poules hargneuses auraient rapidement picoré la tête de cette espèce de volaille. En effet, dès que le coq s’accroupit dans la paille, les poules féroces vinrent l’attaquer.
– Au secours, renard ! hurla Moitié de coq.
Aussitôt dit, aussitôt fait, le renard surgit de derrière la crête du coq et engloutit le poulailler au complet avec le perchoir et aussi le grillage.
Le roi, contrarié par la perte des trois cent têtes de son troupeau et de toute sa basse-cour, décida de se débarrasser du demi coq une bonne fois pour toutes et il l’envoya se reposer dans le four de sa cuisine en lui disant :
– Je te trouve vraiment las, Moitié de coq, après toute cette marche, mais sois certain que nous en parlerons demain.
Et tandis que le coq s’endormait, perché sur la grille du four, le roi entrant sans bruit alluma la cuisinière afin de rôtir le demi poulet. Mais lorsqu’il aperçut les flammes et qu’il sentit la chaleur, Moitié de coq se mit à crier de nouveau :
– Au secours, Rhône !
Et le Rhône aussitôt, jaillissant de sous son aile, inonda le four et éteignit le feu.
Voici comment Moitié de coq put entrer en possession de ses écus que le roi lui rendit avec les intérêts, après avoir pour cela vendu son carrosse, son sceptre, son trône, son palais et le dentier en or de sa mère. Moitié de coq devenu riche et heureux put s’en retourner en compagnie de ses amis au pays, où il épousa une splendide bressane label rouge entière, ronde de cuisse et large de poitrine, qui lui a donné sans attendre toute une centurie de trois quarts de poussins.
Et cric et crac, mon conte est terminé.