Amics occitans, la cronica Ribon-Ribanha d’ancuei, titrada » La bicicleta de Barba Tòni » v’es prepauada da Jòrgi GHIRARDI, sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
La bicicleta de Barba Tòni
Barba Tòni èra lo mai ric proprietari dau quartier de l’Albarea, en li campanhas de l’Escarea : cinc ectars e mieg de tèrra, plantada de blat, de socas e d’oliviers, esquasi parier de bòsc, un aver de cent cinquanta tèstas, quauqui maions a l’entorn d’un defici e, de segur, un molon de marenguins.
Pilhava totjorn, prestava pauc, donava jamai.
Un jorn de setembre qu’èra anat a Niça per lu sieus afaires, Barba Tòni asperava lo tram en Plaça Massena per fin de s’en tornar au sieu. En liegent un jornal sobre l’espatla d’un autre viatjator, veguèt que l’i èran d’òmes que faían lo torn de França a bicicleta. Si diguèt : « Se n’i a que fan a bicicleta un tal viatge, ieu pòdi n’aver una per anar dau mieu fins a Niça. Ensinda, farai l’economia dau bilhet de tram ! »
Lo mes d’après, s’en tornèt en vila per ne’n crompar una. En sortent dau masaguin, avisèt doi joves que charravan dei explets de Philippe Thys qu’avia ganhat la tapa de Niça pi lo torn en lo mes de julhet d’aquel an. Demandèt d’ajuda per montar sus lo sieu engenh e faire lu premiers mètres pi, pilhent d’assegurança, repilhèt lo camin de la sieu maion. La puada dau còl de Niça siguèt penibla, metèt mai d’un còup lo pen en tèrra mas, après la baissa, la calada siguèt un ver plasir. Coma èra fatigat, faguèt a pen la darniera partida dau camin, entre l’Escarea e la sieu ferma.
Ai denembrat de vos dire que Barba Tòni, per soleta familha, avia basta un nep, que li diíon Andrieu. En aquesta época, en lo 1920, avia vint-a-doi ans e minga carga de familha ; travalhava un pauc a la ferma mas, sobretot, asperava l’eritatge de son oncle. Quora veguèt la bicicleta, vorguèt sus lo còup l’assaiar. Mas son oncle, que lo pilhava per un arlèri, non siguèt consent e la bicicleta restèt barrada en una cròta que la clau, Barba Tòni la si tenia totjorn en pòcha.
D’aqueu jorn, non si passèt una setmana sensa qu’Andrieu demandèsse a son oncle de li prestar la bicicleta : un còup per anar cercar quauque cabra que s’èra perduda, un còup per portar d’òus au mercat, un còup per anar veire la calinhera. Mas Barba Tòni refudava totjorn de prestar la bicicleta ben que n’auguèsse pas sovent da besonh.
Mas, un jorn au començament dau mes de mai, Barba Tòni auguèt una crisi de gota ; calia far venir lo metge e ben lèu. Après aver fach un molon de racomandacions au sieu nep, li prestèt la bicicleta per l’anar cercar.
Lo premier quilomètre, tot anèt ben. Lo camin èra esquasi plan e Andrieu faía ben atencion.
Quora la calada comencèt, Andrieu si laissèt pilhar per l’embriaguessa de la vitessa. En faguent lo bulo, veguèt au darnier moment lo can que s’èra espalancat au mitan dau camin, a quauqu mètres de la capèla de Sant Brancai. Andrieu estrenhèt tròup fòrt lo fren de la ròda de davant e faguèt un bèu soleu, denant de picar de la tèsta sus la branca d’una periera qu’avia augut la marrida idea de créisser precisament en aqueu luec, denant de si retrovar au mitan d’una baranha.
Si metèt a bramar per demandar d’ajuda. Urosament, lo curat de l’Escarea èra vengut en la capèla per la netejar denant de la fèsta dau sant ; audèt lu crits e venguèt tirar Andrieu de la sieu marrida posicion.
Eu avia pas plus envuèia de remontar sus la bicicleta e faguèt a pen lo resta dau camin fins au gabinet dau doctor.
Après l’aver avertit de la malautia de son oncle, s’en tornèt a la ferma e entrèt en la cambra. En lo veguent, que rangueava, qu’èra tot grafinhat, qu’avia una badòla au front, li demandèt :
-Cen que t’es acapitat ? E la bicicleta ?
-La bicicleta va ben. Ieu, siáu tombat per causa d’un can que si faía un penec per mitan dau camin e que s’es auçat quora arribèri.
-Pauvre mesquin ! e la bicicleta ? coma son li pedalas ?
-Li pedalas son en bòn estat. Ma ieu ai mau a la cavilha, aquela de seneca. Lo metge li a mes una banda mas pòdi caminar a pena.
-Pauvre mesquin ! e la bicicleta ? non son degalhadi li ròdas ?
-Li ròdas viravan totjorn ben. Mas ieu mi siáu fach una bèla badòla au front e ai perdut totplen de sang. Cresii d’èstre un pòrc a l’auton quora si fan lu trules.
-Pauvre mesquin ! e la bicicleta ? l’i a de marcas sus la pintura ?
-Minga marca, es coma nòva. Mas ieu siáu tombat dins una baranha e mi siáu grafinhat dapertot. Non podii plus m’en estraire d’aquela baranha ; au mai bolegavi per ne’n sortir, au mai l’i m’enfonçavi.
-Pauvre mesquin ! e la bicicleta ? dont l’as messa ?
-E ben, coma siguèt lo curat a mi sortir de la baranha e per remerciar Sant Brancai de m’aver laissat la vida, la li ai donada.
En audent aquesti paraulas, Barba Tòni cresèt de s’asfixiar. Denembrada la crisi de gota, s’assetèt sus lo liech, pilhèt lo sieu baston e lo garcèt vèrs son nep en cridant :
Mas siás fòl ; una bicicleta que m’avia costat 220 francs. Ieu ti deseriti, marrit enfant. Non parèisser plus aicí.
Ieu non sabi se Barba Tòni tenguèt aquela promessa ; cen qu’es segur, es que a l’Albarea, non si parlèt plus jamai de bicicleta !
Jòrgi GHIRARDI
LA BICYCLETTE DE L’ONCLE TOINE
Barba ‘Ntoni était le plus riche propriétaire du quartier de l’Albaréa, dans les campagnes de L’Escarène : cinq hectares et demi de terre, plantés de blé, de vignes et d’oliviers, presque autant de bois, un troupeau de cinquante têtes, quelques maisons à l’entour d’un moulin (à huile) et, bien sûr, un tas de pièces d’or. Il prenait toujours, prêtait peu, ne donnait jamais. Un jour de septembre, alors qu’il s’était rendu à Nice pour ses affaires, Barba ‘Ntoni attendait le tramway pour s’en retourner chez lui. En lisant un journal par-dessus l’épaule d’un autre voyageur, il vit qu’il y avait des hommes qui faisaient le tour de la France à bicyclette. Il se dit : « s’il y en a qui font à bicyclette un si long voyage, moi je peux en avoir une pour aller de chez moi jusqu’à Nice. Comme ça, je ferai l’économie du billet de tram ! »
Le mois suivant, il revint à la ville pour s’en acheter une. En sortant du magasin, il avisa deux jeunes gens qui discutaient des exploits de Philippe Thys qui avait gagné l’étape de Nice puis le Tour au mois de juillet de cette année-là. Il demanda de l’aide pour monter sur son engin et faire les premiers mètres puis, prenant de l’assurance, il reprit le chemin de sa demeure. La montée du col de Nice fut pénible, il mit plus d’une fois pied à terre mais, après le col, la descente fut un véritable plaisir. Comme il était fatigué, il parcourut à pied la dernière partie du chemin, entre L’Escarène et son domaine.
J’ai oublié de vous signaler que Barba ‘Ntoni, pour seule famille, avait un neveu qu’on appelait André. A cette époque, en 1920, il avait vingt-deux ans et n’était pas marié ; il travaillait un peu à la ferme mais, surtout, attendait d’hériter de son oncle. Dès qu’il vit la bicyclette, il voulut immédiatement l’essayer. Mais son oncle, qui le prenait pour un bon à rien, ne fut pas d’accord et la bicyclette resta enfermée dans une cave dont Barba ‘Ntoni gardait toujours la clef dans sa poche.
De ce jour-là, il ne se passa pas une semaine sans qu’André demandât à son oncle de lui prêter le vélo : une fois pour aller chercher une chèvre égarée, une autre pour aller porter des œufs au marché, ou bien, enfin, pour aller rendre visite à sa fiancée. Mais Barba ‘Ntoni refusait toujours bien qu’il n’en eût guère besoin.
Mais un jour, au début du mois de mai, Barba ‘Ntoni eut une crise de goutte ; il fallait faire venir le médecin et très vite. Après avoir fait une liste de recommandations à son neveu, il lui prêta la bicyclette pour aller avertir le docteur.
Le premier kilomètre, tout se passa bien. Le chemin était presque plat et André était très attentif. Quand la descente commença, André se laissa prendre par l’ivresse de la vitesse. Comme il faisait le malin, il ne vit qu’au dernier moment le chien étendu au milieu du chemin, à quelques mètres de la chapelle de Saint-Pancrace. André serra trop fort le frein de la roue avant et fit une belle culbute, avant d’aller taper de la tête sur la branche d’un beau poirier qui avait la mauvaise idée de pousser précisément à cet endroit puis de se retrouver au milieu d’un roncier.
Il se mit à gueuler pour demander de l’aide. Heureusement, le curé de L’Escarène était monté à la chapelle pour la nettoyer avant la fête du saint ; il entendit les cris et vint tirer André de sa mauvaise posture. Lui n’avait plus envie de remonter sur la bicyclette et il fit à pied le reste du chemin jusqu’au cabinet du docteur.
Après l’avoir averti de la maladie de son oncle, André s’en retourna au domaine et entra dans la chambre. En le voyant, boitant, tout égratigné et avec une belle bosse au front, l’oncle lui demanda :
Que t’est-il arrivé ? et la bicyclette ?
La bicyclette va bien. Moi, je suis tombé à cause d’un chien qui faisait la sieste au milieu du chemin et qui s’est redressé à mon arrivée.
Pauvre petit ! et la bicyclette ? comment vont les pédales ?
Les pédales sont en bon état. Mais moi j’ai mal à la cheville gauche. Le médecin me l’a bandée mais je peux à peine marcher.
Pauvre petit ! et la bicyclette ? les roues ne sont pas abîmées ?
Les roues tournent toujours bien. Mais moi je me suis fait une belle bosse au front et j’ai perdu beaucoup de sang. Je m’imaginais être un porc en automne quand on fait les boudins.
Pauvre petit ! et la bicyclette ? la peinture est-elle marquée ?
Aucune marque, elle est comme neuve. Mais moi je suis tombé dans un roncier et je me suis égratigné de partout. Je ne pouvais plus m’en sortir ; et plus je bougeais pour m’en extirper, plus je m’y enfonçais.
Pauvre petit ! et la bicyclette ? où l’as-tu mise ?
Eh bien, comme le curé m’avait sorti de là et pour remercier Saint-Pancrace de m’avoir laissé en vie, je la lui ai donnée.
En entendant ces mots, Barba ‘Ntoni crut s’asphyxier. Oubliant la crise de goutte, il s’assit sur le lit, prit son bâton et le lança vers son neveu en criant :
Mais tu es fou ; une bicyclette qui m’avait coûté 220 francs. Moi je te déshérite, mauvais enfant. Ne parais plus jamais devant moi.
Je ne sais pas si Barba ‘Ntoni tint sa promesse ; ce qui est sûr, c’est que, à l’Albarea, on ne parla plus jamais de bicyclette !