Cara amiga, car amic, cars sòcis,
Encara una caminada prepauada per l’IEO-06.
La tòca es d’anar au rescòntre d’un vilatge e dei sieus estatjants.
Lo diménegue/dimenge lo 11 de mai dau 2014 anerem a l’entorn de Sant-Valier de Tièlh
Esperam que seretz numerós a l’i participar e qu’aquesta caminada respondrà a l’esper de mai d’un.
Alora ai vòstri cauçuras, vos asperam.
Fixam lo rendètz-vos a Sant-Valier, au Grand Prat que fòrça monde conóisson, a 9 oras. D’aquí, partèm en Canaus a 13 km. per la D5, dont quitarem lei veituras.
La puada – costat ponent – comença a quasi 1100 m. per arribar a Tièlh a 1563 m., siá un desnivelament de 463 m. ; lo camin es fòrt bòn a la partensa, après si camina sus l’èrba de la prada fins au som. Durada de la puada, aperaquí, 2 oras ; tot dependrà dau ritme de l’anament e deis observacions botanicas que si porràn faire en camin.
La calada – costat levant – es mai delicata perqué accidentada e mai alassanta ; dura tanben 2 oras. S’arrestam per si dinnar – manjar sortit dei sacas – pròche un bosquet de pins. Lo retorn au masatge d’en Canaus si fa, plan plan, per un camin.
La visita dau vilatge de St Valier, l’aviáu proposada en complement, se, per cas, sobrèsse de temps, mai mi sembla pas que la durada de l’escorreguda nos permetèsse d’o envisatjar. Veirem sus plaça e si determinarem sus lo moment.
Recomandam de si ben cauçar e de si portar d’aiga que, sus plaça, n’i a pas. Pas oblidar lo capèu e un vestit per la plueia.
Per ne’n saupre de mai e reservar : JM Rosset [rouge]Tel : 06 22 74 02 60[/rouge]
M. Waltzer : [rouge]waltzer.marc@gmail.com[/rouge]