Amics occitans, la cronica Ribon-Ribanha d’ancuei titrada « Viatge au Vietnam e au Cambòtja » v’es prepauada da Mari-Do MAIRE, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Viatge au Vietnam e au Cambòtja
Dau 9 au 24 de març siáu partida au Vietnam e au Cambòtja. Un lòng viatge : de París a Anòi dotze oras dins un avion.
Anòi es una grana villa, la circulacion es estupefianta : tres milions d’escoters que van en toi lu caires e còrnan de lònga. Ai visitat la vila vielha en ciclo-posseta. Ai passat una nuech sus d’un batèu dins la Bàia d’Alòng : tres mile ísolas que sòrton de la nebla lo matin. La mar èra chatelina e repauanta. A cada past si manja de ris : pas de pan en Asia ! Ai emparat a faire de nems.
Alentorn de Saigon dins li grandi risieras li fremas travalhan lu pens dins l’aiga embé un capèu ponchut per li parar dau soleu, coma su lu imatges dei libres. Lo climat es favorable, si fan tres recòrtas de ris cad’an, dins lo sud.
Lu estajants vivon au rítomo de la pluèia, li maions son bastidi sobre de pilotatges, d’uni flòtan e si desplaçan quora l’aiga monta.
Ai passat la frontiera dau Cambòtja en batèu sus lo Mecòng per arribar a Phnom Penh.
Au Cambòtja lu temples indoïstes son de pagòdas roji e jauni. Faguèri una passejada sus l’esquina d’un elefant per ientrar dintre lo temple immense d’ Angcòr Vat, bastit au dotzen sècolo : èra l’apogèu de l’art Khmer. La costruccion durèt trenta sèt ans, dètz mile elefants an tirat de peirassas sus de desenaus de quilomètres. Lu barris son cubèrts d’estàtuas : doi cents caras gigantesqui que regarjan dins toti li direccions e mile uèch cents balarinas qu’an per nom li « Apsalas ».
Mas la natura a repilhat lu sieus drechs, dins d’unu temples li raíç semblan de serps que desalugan li estàtuas e lu barris. Lu aubres gigants coifan li tombas qu’an per nom de stupa. Es un luec màgico.
Non conoissii l’Asia denant aquesto viatge : Siáu estada encantada.
Mari-Do MAIRE
Voyage au Vietnam et au Cambodge
Du 9 au 24 mars je suis partie au Vietnam et au Cambodge. Un long voyage : de Paris à Hanoï, douze heures d’avion.
Hanoï est une grande ville, la circulation est stupéfiante : trois millions de scooters qui vont dans tous les sens et klaxonnent. J’ai visité la vieille ville en cyclo-pousse. J’ai passé une nuit sur un bateau dans la baie d’Along : trois mille îles qui sortent de la brume le matin. La mer est calme et reposante. A chaque repas on mange du riz : pas de pain en Asie. J’ai appris à faire des nems.
Autour de Saigon dans les grandes rizières, les femmes travaillent les pieds dans l’eau, avec le chapeau pointu pour se protéger du soleil, comme sur les images des livres. Le climat est favorable, on fait trois récoltes par an, dans le sud.
Les habitants vivent au rythme de la pluie, les maisons sont construites sur pilotis, certaines flottent et se déplacent lorsque l’eau monte. J’ai passé la frontière du Cambodge en bateau sur le Mékong pour arriver à Phnom Penh.
Au Cambodge les temples Hindouistes sont des pagodes rouges et jaunes. J’ai fait une promenade à dos d’éléphant pour entrer dans le temple immense d’Angkor Vat, bâti au douzième siècle : c’était l’apogée de l’Art Khmer. La construction dura trente-sept ans, dix mille éléphants ont tiré des grosses pierres sur des dizaines de kilomètres. Les murs sont couverts de statues : deux cents visages gigantesques qui regardent dans toutes les directions et mille huit cent danseuses que l’on appelle des Apsaras.
Mais la nature a repris ses droits, dans certains temples, les racines semblent des serpents qui disloquent les statues et les murs. Les arbres géants coiffent les tombes que l’on appelle stupa. C’est un lieu magique !
Je ne connaissais pas l’Asie avant ce voyage : j’ai été enchantée.
