Amics occitans,
Aquesta setmana, la nòstra cronica preferida a decís de v’ofrir au quotidian lo bèl esperit de Calènas, fach d’amor, de partatge e de patz, en demandant ai sòcis de l’IEO-06 de vos contar lu sieus mai bei remembres ò pantais de Calènas.
V’AUGURAM D’ALEGRI FÈSTAS DE CALÈNAS !
Li Calènas dau Cricat *
* Jiminy Cricat, lo mieu cat (1999-2013). Per legir la sieu « biografia » : « Apologia dau Cricat«
Lo Cricat aimava Calènas.
Dau resta, l’aviavam totjorn sospectat de bigotaria intrinseca despí lo jorn que, jove « padawan » misantròpe alora, èra vengut s’acoconar sus lu genolhs dau curat de Bòn-Consèu en visita.
M’aquò cada an, quora extirpavam da la cròta lo desenau de cartons contenent lu atràs de Calènas, lo nòstre brave Jiminy Cricat ne’n perdia la tramontana de bonur e, bondissent coma un cabrit, s’afanava per n’ajudar a vueiar li boitas e decorar lo salon. Lestament mandava li bolas rotlar d’aquí d’aià sota lu mòbles, s’arapava au sap sintetico per controlar la progression dau prefach ò s’amagava chuto sota lo papier rocàs e d’un còup, chapava lu pens fidenciós dei presents.
L’òbra ademplida devia tanben demorar assostada da l’abriva passionala dau Cricat. De fes que l’i a, audiavam torna lo cascalhum d’una bola que virotlava per sòl e corrent au salon, trovavam la bola, misteriosament desliurada dau sap, soleta au mitan de la peça mentre aquela catachòrnia de Cricat somnolava quiet en un canton, lo pel tot tralusent de fibras de guirlanda.
Lo presepi finda èra objèct de la sieu veneracion e contemporaneament dei sieu contestacions. Auguent lèu capit quant n’importavan li nòstri santibèli, lo Cricat li pilhava en ostatge e, se non prestavam l’aurelha ai sieu revendicacions, li chavirava plan planin m’una pata sobtiua. Mas pas toi en meme temps que ! Non, un après de l’autre : bing, té lo pastre ! cling, aquí per tu lo pescaire ! tac clac, a l’ostau lo bòrni e en galèra son fiu ! E mai lo resta, fins que laissavam li nòstri fachendas ò discutidas per s’ocupar d’eu. Pura jamai s’ataquèt a la sacrada familha, ni a la jaïna e au sieu bestiari. V’ai avisat ja qu’èra un cat fòrça piós !
En un bèu matin de Calènas, dau temps que la familha nòstra encara au complet s’abrivava a l’entorn dau sap per durbir lu regals en escambiant un molon de rires e baietas reconoissenti, vegueriam bruscament arribar au salon lo Cricat que tenia en boca lo sieu juguet preferit, un pichin daufin de ferpa blu que ieu li avii raportat d’un viatge en Corsega. Aquí s’esquilhèt tra lu paquets torna enfolopats e venguèt despauar lo sieu preciós juguet au bèu mitan. Pi s’aluenhèt fieròt environat dai nòstri cridas esbalordidi. E mentre, neca encara, li reclamavi la tradicionala baieta, eu s’en tornèt en darrier per mi pòrger afectuosament lo sieu pichin morret.
Non mi creseretz magara, ieu peni encara a mi persuadre de cen que veguèri, de cen que vegueriam toi lu cinc de familha. Mas demori convinta qu’aqueu matin sobrevenguèt un vertadier miracle de Calènas.
E se un jorn pilhatz lo temps d’observar de pròche un Presepi niçard, aviseretz magara pròpi ai pens dau Bambin, lo santon mut e reguinhat d’un gròs cat ros penecant. Mas sobretot lo desvelhatz pas ! Es eu, es lo Cricat que aimava Calènas.
Anna-Maria MILARDI
Le Noël du Cricat *
* Jiminy Cricat, mon chat (1999-2013). Pour lire sa biographie : « Apologie du Cricat »
Le Cricat aimait Noël.
D’ailleurs, nous l’avions toujours soupçonné de bigoterie intrinsèque depuis le jour où, jeune « padawan » misanthrope alors, il était venu se blottir sur les genoux du curé de Bon-Conseil en visite.
Aussi chaque année, lorsque nous extirpions de la cave la dizaine de cartons contenant la décoration de Noël, notre brave Jiminy Cricat en perdait la tramontane de bonheur et, bondissant comme un cabri, s’empressait de nous aider à vider les boîtes et décorer le salon. Prestement, il envoyait les boules rouler de ci de là sous les meubles, il s’agrippait au sapin synthétique pour contrôler la progression des travaux ou il se tapissait silencieux sous le papier rocher et d’un coup, attrapait les pieds confiants des présents.
L’œuvre accomplie devait également demeurer à l’abri de l’élan passionnel du Cricat. Parfois, nous entendions à nouveau le tintement d’une boule qui roulait au sol et courant au salon, nous trouvions la boule, mystérieusement libérée du sapin, seule au milieu de la pièce tandis que cet hypocrite de Cricat somnolait paisiblement dans un coin, le poil tout luisant des fibres de guirlande.
La crèche aussi faisait l’objet de sa vénération et contemporainement de ses contestations. Ayant vite compris combien nous importaient nos figurines, le Cricat les prenait en otage et, si nous ne prêtions pas l’oreille à ses revendications, il les renversait lentement d’une patte agile. Mais pas tous en même temps qué ! Non, un après l’autre : bing, té le berger ! cling, voilà pour toi le pêcheur ! tac clac, à la maison l’aveugle et en galère son fils ! Et ainsi de suite, jusqu’à ce que nous abandonnions nos affaires ou notre discussion pour nous occuper de lui. Pourtant, jamais il ne s’attaqua à la sainte famille, ni à l’étable et à son bestiaire. Je vous ai avertis que c’était un chat très pieux !
Un beau matin de Noël, à l’époque où notre famille encore au complet s’activait autour du sapin pour ouvrir les cadeaux en échangeant de nombreux rires et baisers reconnaissants, nous vîmes brusquement arriver au salon le Cricat qui tenait dans sa bouche son jouet préféré, un petit dauphin de peluche bleue que je lui avais rapporté d’un voyage en Corse. Là il se faufila entre les paquets encore enveloppés et vint déposer son précieux jouet au beau milieu. Puis il s’éloigna fièrement environné par nos cris ébahis. Et alors que, stupéfaite encore, je lui réclamais la traditionnelle bise, il revint sur ses pas pour me tendre affectueusement son petit museau.
Vous ne me croirez peut-être pas, je peine encore à me persuader de ce que j’ai vu, de ce que nous avons vu tous les cinq de notre famille. Mais je demeure convaincue que ce matin là survint un véritable miracle de Noël.
Et si un jour vous prenez le temps d’observer de près une Crèche niçoise, vous remarquerez peut-être, juste aux pieds de l’Enfant, le santon muet et pelotonné d’un gros chat roux sommeillant. Mais surtout ne le réveillez pas ! C’est lui, c’est le Cricat qui aimait Noël.
