Amics occitans,
Aquesta setmana, la nòstra cronica preferida a decís de v’ofrir au quotidian lo bèl esperit de Calènas, fach d’amor, de partatge e de patz, en demandant ai sòcis de l’IEO-06 de vos contar lu sieus mai bei remembres ò pantais de Calènas.
V’AUGURAM DE JOIOÏ FÈSTAS DE CALÈNAS !
Calènas anciani ! L’i a bèu temps !
Ma maire èra corduriera en cò sieu, per una grana maion de mòda per òmes, que estaía au principi de la carrièra Massena, a Niça.
Travalhava sus una màquina « Singer » a pedala. Lo sabi perqué èra la pèça dont durmii, pichoneta. Quora sortii de l’escòla « Emmanuel Philibert », la regarjavi faire, esmeravilhada de la sieu andana a faire esguilhar lo teissut sota l’agulha ‘mé li sieu doi mans, sensa si pilhar lu dets, tot en arrambant regularament lo pen drech sus la pedala …..Pasmens dins la jornada, de còups que l’i a, anava faire lo mainatge en cò dei mèstres de la farmacia « Mercier » sus l’Avenguda de la Gara…. mas estaían en « Mont Boron ».
Soventi fès, après l’escòla e lo tradicional gostaron de « 4 oras » qu’èra fach de pan dubert en doi lescas dont Pipo, (aí ! lo paire ! lo vertadier Pipo ! ) metia quauques morcèus de sòca….., doncas, après aver manjar, anavi , curioa, admirar ma maire d’escondilhon, picar a la màquina. En fach, li plasia pas d’èstre espiada…Preferia que faguèssi lu mieus devers de classa !
De costuma, après aver picat a la màquina, faía finda de pichins ponchs a man sus li doi espessors de teissut de l’envers dau còl e dei paraments dei vestons d’òme qu’èran esquasi finits.
Una man de setmanas denant Calènas, (cau dire que siáu naissuda un 25 de decembre ! vos dii pas en que annada ! mas fa un fai de temps e Berta filava pas encara !!!) un jorn doncas, èri a regarjar lo travalh de ma maire. Mi semblava pas faire cen que faía de costuma ! Aquela pi ! Reconoissii pas lu moviments abituals….lo teissut èra pas aqueu dei vèstas d’òmes….mas mi semblava un tròç de lançòu blanc e la forma finda èra pas pariera ….mai talhada , mai descopada ….brèfle ! ai ren capit !
Lo sera dau 24 de decembre arribèt ! Metèri li mieu cauçuras davant la chaminèia de màrmor dins la cambra dei parents, coma cad’an ! Lendeman…..o ! surpresa ! Barba Calènas avia mes dins una cauçura mieua….una tité, bèla, redonda, ben vestida, facha de teissut blanc que semblava a de lançòu…..
Avètz acapit la fachenda ? Ieu, sus lo còup ai regarjat lu parents e mon fraire , mai grand, que soguinhavan…..e per pas parèisser tròup deçaupuda ai dich ‘mé un ton fier : « Alora existe pas Barba Calènas ? »…E ma maire de mi respòndre : « Non, mas non sigues trista…s’as endevinat es que siás grana aüra ! » E ieu, fièra de segur d’audir aquò : « O ! lo sabii ja denant ‘sto matin, t’ai vist cordurar aquela bèla tité l’autra setmana, alora, coma siáu grana, vòli aüra emparar a cordurar a la màquina coma tu ! ». Es cen qu’avèm fach ! Avii 7 ans !
Carlòta RUBINI
Un Noël ancien : il y a longtemps !
Ma mère était couturière chez elle, pour une grande maison de mode pour hommes, qui se trouvait au début de la rue Masséna, à Nice.
Elle travaillait sur une machine « Singer » à pédales. Je le sais parce que c’était la pièce où je dormais, petite. Quand je sortais de l’école « Emmanuel Philibert », je la regardais faire, émerveillée de son habileté à faire glisser le tissu sous l’aiguille avec ses deux mains, sans se piquer les doigts, tout en appuyant régulièrement le pied droit sur la pédale…..Cependant dans la journée, elle allait quelquefois, faire la ménage chez les patrons de la « Pharmacie Mercier » de l’Avenue de la Gare….mais ils habitaient au « Mont Boron ».
Souvent, après l’école et le traditionnel goûter de « quatre heures » qui était du pain coupé en deux où Pipo, ( oui ! le père ! le vrai Pipo ! ) mettait quelques morceaux de socca…, donc, après avoir mangé, j’allais, curieuse, admirer ma mère, en cachette, piquer à la machine. En vérité, ça ne lui plaisait pas d’être épiée….Elle préférait que je fasse mes devoirs de classe !
D’habitude, après avoir piqué à la machine, elle faisait aussi de petits points à la main sur les deux épaisseurs de tissu du dessous du col et des parements des vestes d’homme qui étaient pratiquement finis.
Un peu avant Noël, (il faut dire que je suis née un 25 Décembre ! je ne vous dis pas en quelle année ! mais il y a longtemps et Berthe ne filait pas encore !!!) un jour donc, j’étais en train de regarder le travail de ma mère. Il ne me semblait pas qu’elle faisait comme d’habitude ! ça alors ! Je ne reconnaissais pas les mouvements familiers….Le tissu n’était pas celui des vestons d’homme….mais il ressemblait à un morceau de drap blanc et la forme aussi, n’était pas la même…..davantage taillée, davantage découpée….bref ! Je n’ai rien compris !
Le soir du 24 Décembre arrive ! Je mets mes souliers devant la cheminée de marbre de la chambre des parents, comme chaque année ! Le lendemain…oh ! Surprise ! Le Père Noël avait mis dans une des chaussures….une poupée, belle, toute ronde, bien habillée, faite dans un tissu blanc ressemblant à du drap……
Vous avez compris le coup ? Moi, aussitôt j’ai regardé mes parents et mon frère plus âgé, qui souriaient…et pour ne pas paraître trop déçue j’ai dit d’un ton fier : « Alors il n’existe pas le Père Noël ? »…. Et ma mère de me répondre : « Non, mais ne sois pas triste….si tu as deviné c’est que tu es grande maintenant ! ». Et moi, fière bien sûr d’entendre cela : « Oh ! Je le savais déjà avant ce matin, je t’ai vu coudre cette belle poupée l’autre semaine, alors, puisque je suis grande maintenant, je veux apprendre à piquer à la machine comme toi ! ». Et c’est ce que nous avons fait ! J’avais 7 ans !
