Amics occitans, la cronica Ribon-Ribanha d’ancuei, titrada « Bilheta de dispensa de regal », v’es prepauada da Viviana NERVO, sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Bilheta de dispensa de regal
balhat per ……………….. a ………………..
(A completar embé de crotz e a donar ai vòstres amics e familha)
Es benlèu :
□ Nové
□ lo mieu natalici
Sabi que mi vòs de ben.
S’avies per cas en ment de mi regalar quauqua ren, ti merceji d’avança, mas ti cau saupre que :
– Lu mieus armaris son clafits, non pòdi mai durbir li pòrtas, que tot s’encala.
– L’an passat, ai ja reçauput una maquina per talhar li bananas e una autra per lançar lu avions de papier.
Despí qu’ai emparat qu’en lo Pacifico li èra una ísola de bordilhas mai grana que la França, ai plus gaire envuèia de participar a la gran messa de la consumacion.
Ai manco acabat de durbir toi lu presents de l’an passat.
Alora, aquest’an, mi ralegreria :
□ de faire una escorreguda embé tu a Casternòu-Vilavielha
□ de tastar un troç de torta de blea de la tieu fabricacion
□ d’escotar un poema ò una cançon tieus
□ de t’acompanhar au teatre Francis Gag
□ de reçaupre una baieta de baila ò quauqui flors dau tieu òrt
Perqué non si pòu crompar l’esséncia de la vida…
Viviana NERVO
Bon pour dispense de cadeau
donné par ……………….. à ………………..
(A compléter avec des croix et à donner aux amis et famille)
C’est bientôt :
□ Noël
□ mon anniversaire
Je sais que tu m’aimes bien.
Au cas où tu aurais envie de me faire un cadeau, je te remercie mais il faut savoir que :
– Mes armoires sont pleines, je ne peux plus ouvrir les portes sinon tout tombe.
– L’an dernier, on m’a déjà offert une machine à couper les bananes et aussi une autre pour lancer les avions en papier.
Depuis que j’ai appris qu’il y avait dans l’Océan Pacifique une île de détritus aussi grande que la France, je n’ai plus guère envie de participer à la grand-messe de la consommation.
Je n’ai pas encore terminé d’ouvrir tous mes cadeaux de l’an passé.
Alors, cette année, ce qui me ferait plaisir :
□ faire une randonnée avec toi à Châteauneuf-Villevieille
□ goûter un morceau de ta tourte de blette
□ écouter un poème ou une de tes chansons
□ t’accompagner au théâtre Francis Gag
□ recevoir une grosse bise ou quelques fleurs de ton jardin
Parce que l’essence de la vie ne peut s’acheter…