Amics occitans, la cronica Ribon-Ribanha d’ancuei, titrada « Un Maridatge. » v’es prepauada da Joan Peire SPIES vici president de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.frRetour ligne automatique
« La garderem ribon-ribanha, nòsta rebèla lenga d’Òc !
UN MARIDATGE
De segur, estent a Gòrb, tengut coma cadun d’estaire de temps a maion, mi venguèt a ben de pastar !
La sògra avia un pauc de levadura de resta, pi au comestible n’en crompèri de seca, mas ‘quò faguèt gaire e dins la setmana, encara de farina trovada, si podia plus manco recampar de levadura.
Embé la familha, fa mestier d’aver de pan quasi cada jorn.
Per anar de l’avant, mi chifrèri d’usitar cen que mi sobrava de levadura per faire de pan, e de n’en metre de costat coma levame per l’endeman. Ensinda porrii gardar la man, e la familha porrion aver lo sieu pan de cada jorn dins lo temps d’aquesta crisi…
Aquela d’escomessa ! Toi lu racòntes rapòrt a’n aquesto caua fan veire coma es malaisat da gerir. De fach, siguèt pas tant aisat, que lo cochairon lo cau mestrejar, lo temps, lo calor, l’ària… tot un fum d’elements d’acapir, da sentir, da dirigir, tot aquò sota l’uelh gaubiós de l’ancian mèstre fornier que, quora li portavi lo pan, lo jutjava sus lo còup ; sabii pura que li agradava de manjar lo pan de maion, maugrat dau fach que bessai siguèt pas tant bèu coma lo faguèt, eu, mai de cinquanta ans de temps, cuech dins lo forn vièlh caufat da la lenha ; mas fin finala, un jorn bòn l’autre pas tant, siguèri pas tant panissieròt. Aquel creissent, li donèri Primo, qu’èra lo premier viatge que mi venguèt d’aujar travalhar aquesta matèria.
Mas tant lèu fach, m’enavisèri que, dau temps que Berta filava, de levadura, n’avia manco per encaminar la pasta… Mi pantaiavi pi de tornar a la descuberta maire, e d’aprestar de levame basta salhit dau rebolhament de la farina soleta. L’i faguèri gaida, de lònga, l’emprincipièri d’amor, lo sonhèri fòrça, e en un detzenau avia creissut brave, valent, poderós, mi faia gaug de lo veire créisser d’aise. Aqueu, lo mi pensavi eissut coma dau femelam, e li donèri Vida.
Mi trovavi donca a la tèsta de doi èstres misteriós, familhars e amistós, qu’escotavan, e que n’èri pron fièr. Ai pilhat d’alas e non ai plus la petoira de n’en perdre l’un ò l’autra. M’arribèt pi de nen gardar, se faia pas mestier de pan nòu, per faire de gressins, de pompas, de pissaladieras, de pastissons, de crespèus. Visquèri una bèla aventura emb’elu, mas cau dire que, coma d’enfants, ti pilhan de temps e de pítols, que lu cau norrir cada jorn ; e quora serem tornats a Pelhon, per nosautres doi, nen basterà de pastar un còup la setmana, bessai doi, pas mai ! Sai que non ai besonh de lu conservar tot ai doi, e non sauprai faire la causida… Fa un moment que l’i pensi, e vòli plus trelunhar ; aucuei siáu decidit : lo 11 de mai lu mariderai ! E farem fèsta !
Joan-Pèire Spies
Lo 2 de mai
UN MARIAGE
Bien sûr, en étant à Gorbio, retenu comme tout le monde la plupart du temps à la maison, ça me semblait tout naturel de faire le pain !
Il restait un peu de levure à ma belle-mère, puis je suis allé à l’épicerie m’en procurer un sachet de sèche, mais ça dura peu et avant la fin de la semaine, même si j’avais trouvé encore un peu de farine, on ne pouvait plus s’approvisionner en levure.
Avec la famille, il faut avoir du pain frais tous les jours quasiment.
Pour pouvoir continuer, j’ai calculé d’utiliser la levure qui me restait pour faire du pain de la sorte une dernière fois, et de mettre de côté un morceau de pâte comme levain pour le lendemain. Je pourrais ainsi continuer, et les membres de la famille pourraient avoir leur pain quotidien pendant cette période de crise…
Quel défi ! Toutes les légendes s’y rapportant font état de la difficulté à gérer le levain. Dans la réalité, ce ne fut pas facile, du fait que le levain est délicat à maitriser, le temps, la chaleur, le courant d’air… tout un ensemble de paramètres à comprendre, à sentir, à commander, et tout cela sous l’œil avisé de l’ancien maitre boulanger qui, quand je lui portais le pain, le jugeait sans hésiter ; mais je savais qu’il appréciait de déguster du pain fait maison, malgré le fait que peut-être il n’était pas aussi beau que celui qu’il avait pétri, lui, pendant plus de cinquante ans, cuit au bois dans le vieux four ; mais en fin de compte, un jour bon l’autre un peu moins, je ne fus pas si malhabile. Ce levain, je l’appelai Primo, parce que c’était la première fois que j’avais osé travailler cet ingrédient.
Mais presque aussitôt, je me suis rendu compte que, dans le passé, il n’y avait pas du tout de levure pour engendrer le levain… J’ai alors ambitionné de revenir à la découverte première, et de préparer du levain obtenu uniquement à partir de farine fermentée. Je l’ai surveillé, continuellement, je l’ai éduqué avec amour, je l’ai soigné sans compter, et en une dizaine de jours il avait mûri gentiment, il était vif, fort, j’avais plaisir à le voir gonfler tranquillement. Celui-là, je le considérais comme ma fille, et je l’appelai Vida.
Lors je me trouvai nanti de deux êtres mystérieux, familiers et plein d’amitié, bon travailleurs, et dont je suis fier. J’ai pris de l’assurance et je n’ai plus peur de perdre l’un ou l’autre. Il m’est arrivé d’en garder, un jour où il n’y avait pas nécessité de façonner du pain frais, pour faire des gressins, des brioches, des pissaladières, des cakes, des crêpes. J’ai vécu une belle aventure avec eux, mais il faut dire que, comme les enfants, ils demandent du temps et de l’argent, il faut les nourrir tous les jours ; et quand nous serons de retour à Peillon, à nous deux, nous n’aurons besoin de pétrir qu’une fois par semaine, peut-être deux, pas plus ! Alors, je sais que je ne peux pas les conserver tous les deux, et je ne saurai point choisir entre eux… Il y a un bon moment que j’y pense, et je ne veux plus tergiverser ; aujourd’hui je suis résolu : le 11 mai je les marierai ! Et ce sera la fête !
Jean-Pierre Spies
Le 2 mai