Amics occitans, la cronica Ribon-Ribanha d’ancuei, titrada « Escaumas. », v’es prepauada da Joan Claudi Puech, amic Facebook de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Escaumas
Auriatz dich una palissada a mitat esfondrada ambé quauquaren de fantaumatic, coma dins lei roïnas d’un castèu vièlh.
“ Son leis alas, faguèt Sílvia, son gaireben tapadas en plen per la vegetacion, dau bὸrd n’avèm una idèa melhora e amondaut prὸche la jaça de Maranhon sabi un endrech onte se pὸu passar dessota …mai vos l’aconselhi pas.
-M’agradariáu d’anar veire dempuei lo bὸrd.” diguèt lo professor, incapable de destacar leis uelhs de l’espectacle deis alas. Entre lei mofas e lei liquens çὸ que deviá èsser la membrana semblava qu’embeviá la lutz coma se son edat e son estranietat anavan au cὸntra dei lèis de la reflexion.
Lo camaieu de plantas rasas qu’assajavan de l’i crèisser donava d’èr a un rovilh de la pèu, una ronha, puslèu qu’a una reconquista de vegetacion que dempuei lo temps auriá degut tot sepelir. Resistava la bèstia.
Davalèron per una boisseda dins un valat estrech onte se faliá ajudar dei mans e s’arrestèron a un rore raplὸt qu’aviá trachit aquí dieu saup coma. A l’entorn dau pètge Sílvia faguèt un torn mὸrt ambé la cὸrda, la passèt dins una carrèla e après estaquèt l’autra extremitat a la talha de Miquèu Ardit puei li enrodèt leis espatlas, la peitrina, e un darrier cὸp la talha per acabar per un nos encara mai grὸs. Tirèt sus la cὸrda. La pression se fasiá coma fau, sus l’ensems dau cὸrs.
“Coma aquὸ vos rompretz pas leis esquinas ! Donaretz una secotida quand vos voudretz arrestar e doas per remontar !”
Resquilhèt lentament de lὸng d’una chaminèia sorna, de fuelhas rasposas li cotigant lei gautas, emergiguèt subran en plen soleu e la devalada s’arrestèt. Agachant enbàs s’avisèt que sei pès s’apielavan sus un dei replecs de l’ala dau drac. Ges de dobte aquí, se tractava plus de fossil ὸ d’un cadabre vièlh mai d’una preséncia endormida ambé un quicὸm de gaireben amenaçant que sorgentava. Amenaçant e gigant. N’aguèt la certitud en levant leis uelhs ; se perdiá l’ala sota una cὸla de tèrra e d’aubrilhons nanets.
Se faguèt descendre d’una desena de mètres encara avans que de donar una secotida a la cὸrda e agachèt devèrs l’ubac de lὸng de l’enὸrme gonflament cubèrt de protuberàncias qu’èra lo flanc de Ganpolin. Aquestei protuberàncias formavan de placas ovalas larjas d’un trentenau de mètres ; sa color de basa èra un aur palinèu que tirava sus lo verd, d’unei pasmens èran blanquinosas e laissavan tombar de drapariás de pèu mὸrta mentre que d’autrei despareissián completament sota de mossas fὸrça drudas e que lo demai èra tapat d’arabescs de liquens e d’augas que fasián pensar ai caractèrs sinuόs d’un alfabet oblidat.
Entre leis placas, dins de fendasclas que ne’n sortián de floquets de farigola e de pebre d’ai, nisavan d’aucelons que l’aureta soleva per milliers coma una onda de mar avans de lei laissar retombar quand e quand en una nèbla d’aladas minusculas. Aviá sota leis uelhs l’espectacle d’un jardin suspendut, immens, dins lo blau dau cèu.
Sa rason assajèt de cubar una idèa la cadena infinida dei sègles acampats sus aqueleis escaumas, n’aguèt lo vertolhon e s’avisèt que li èra impossible de virar la tèsta, podiá ren faire d’autre que de contemplar la vista, son èime se recoquilhant d’esfrai davant la permanéncia cosmica e lei dimensions de la creatura que, eu, li èra pausat dessús coma una mosca. Perdèt lo sens de la perspectiva, lo flanc de Ganpolin li semblèt mai vast que lo cèu, teniá sa prὸpria gravitat, e eu s’imaginèt que l’i podiá caminar. Faguèt un pas, resquilhèt un premier cὸp, assajèt de se ragantar puei tombèt dins lo vuege.
Sílvia lo faguèt remontar, lo tirant de lὸng de l’ala a travèrs la tèrra e lei matas rugosas fins au valat estrech. Miquèu Ardit istèt un momenton a sei pès, besalenant, sensa votz.
“Un brave trὸç de bèstia, è Professor ?” que li diguèt, ela, en li semondant un bèu riset trufarèu.
Joan-Glaudi PUECH
Ecailles
On aurait dit une palissade à moitié effondrée avec quelque chose de fantomatique, comme dans les ruines d’un vieux château.
« Ce sont les ailes, fit Sylvia, elles sont presque entièrement recouvertes par la végétation, du bord on s’en fait une meilleure idée et là-haut à côté de la bergerie de Maragnon je connais un endroit où on peut passer dessous … mais je ne vous le conseille pas.
-j’aimerais aller voir depuis le bord. » dit le professeur, incapable de détacher ses yeux du spectacle des ailes. Entre les mousses et les lichens ce qui devait être la membrane semblait absorber la lumière comme si son âge et son étrangeté allaient contre les lois de la réflexion.
Le camaïeu de plantes rases qui essayaient d’y pousser ressemblait à une rouille de la peau, une gale, plutôt qu’à une reconquête de la végétation qui depuis le temps aurait dû tout recouvrir. La bête résistait.
Ils descendirent à travers les buis dans un fossé étroit où il fallait s’aider des mains et s’arrêtèrent à un chêne trapu qui avait poussé ici dieu sait comment. Autour du tronc Sylvia fit un tour mort avec la corde, elle la passa ensuite dans une poulie et attacha l’autre extrémité à la taille de Michel Ardit puis lui entoura les épaules, la poitrine, et une dernière fois la hanche pour finir par un nœud encore plus gros. Elle tira sur la corde. La pression s’exerçait comme il fallait, sur l’ensemble du corps.
« Comme ça vous ne vous romprez pas les reins ! Vous donnerez une secousse à la corde quand vous voudrez vous arrêter et deux pour remonter ! »
Il glissa lentement le long d’une cheminée sombre, des feuilles rugueuses lui chatouillant les joues, il émergea soudain en plein soleil et la descente s’arrêta. Regardant en bas il s’aperçut que ses pieds s’appuyaient sur un des replis de l’aile du drac. Pas de doute, il ne s’agissait plus ici de fossile ou d’un vieux cadavre mais d’une présence endormie avec un quelque chose de presque menaçant qui sourdait. Menaçant et géant. Il en eut la certitude en levant les yeux ; l’aile se perdait sous une colline de terre et d’arbustes nains.
Il se fit descendre d’une dizaine de mètres encore avant de donner une secousse à la corde et regarda vers le nord le long de l’énorme renflement couvert de protubérances qui était le flanc de Ganpolin. Ces protubérances formaient des plaques ovales larges d’une trentaine de mètres ; leur couleur de base était un or pâle qui tirait sur le vert, certaines étaient néanmoins blanchâtres et laissaient tomber des draperies de peau morte pendant que d’autres disparaissaient complètement sous des mousses plantureuses et que le reste était recouvert d’arabesques de lichens et d’algues qui faisaient penser aux caractères sinueux d’un alphabet oublié.
Entre les plaques, dans des fissures d’où sortaient des houppettes de thym et de sarriette, nichaient de petits oiseaux que la brise soulevait par milliers comme une onde de mer avant de les laisser retomber aussitôt en une nuée de petits coups d’ailes minuscules. Il avait sous les yeux le spectacle d’un jardin suspendu, immense, dans le bleu du ciel.
Sa raison essaya d’évaluer quelques secondes la chaine infinie des siècles rassemblés sur ces écailles, il en eut le vertige et s’aperçut qu’il lui était impossible de tourner la tête, il ne pouvait rien faire d’autre que de contempler la vue, son esprit se recroquevillant d’effroi devant la permanence cosmique et les dimensions de la créature sur laquelle il était posé comme une mouche. Il perdit le sens de la perspective, le flanc de Ganpolin lui parut plus vaste que le ciel, il avait sa propre gravité, et il s’imagina qu’il pouvait y marcher. Il fit un pas, glissa une première fois, essaya de se rattraper puis tomba dans le vide.
Sylvia le fit remonter, le tirant le long de l’aile à travers la terre et les touffes rugueuses jusqu’au fossé étroit. Michel Ardit resta un petit moment à ses pieds, haletant, sans voix.
« Un beau morceau de bête, hein Professeur ? » lui dit-elle en le gratifiant d’un beau sourire moqueur.