Amics occitans, la cronica Ribon-Ribanha d’ancuei es una receta de coïna : « Li gansas » v’es prepauada da Anna-Maria Sgaravizzi-Garcia sòcia de l’IEO-06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
Li gansas (a pasta bofada)
Preparacion:
òu entier: 1
burre: una nòe
sucre: 2 culheradas
sau: un peçuc
aiga nafa: 6 culheradas
esposc de sucre
òli per fregir
Receta:
1. Sobre dau taulier, faire una corona de farina, e, au mitan, metre òu batut, burre ramolit, sucre, sau, e aiga nafa.
2. Mesclar, pastejar mentre dètz minutas. Ajónher bessai un pauc d’aiga.
3. Laissar repauvar la pasta doi oras de temps, en una pèça chepa.
4. Emb’au lauvanier, ò ‘mé la maquina per faire li pastas, estendre la pasta ben fina.
5. ‘Mé la rolèta, talhar de correions lòngs de vint centimètres, largs de doi.
6. Faire lu grops, valent a dire li gansas.
7. En l’òli fòrça caud, li faire fregir.
8. Quora son pron dauradi, li agotar e li esposcar de sucre fin.
9. Si pòdon manjar ò chepi, ò freíi…
Li GANSAS s’alestisson sobretot per Carneval, mas si pòdon tanben faire per d’autri fèstas ! Es una leconíssia laugèra que platz en cad’un !
Anna-Maria SGARAVIZZI-GARCIA