Amics occitans, la cronica Ribon-Ribanha d’ancuei, titrada « Stella Maris », v’es prepauada da Rogier GILLI sòci de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Stella Maris
Quauqui annadas fa, la vigilia de Calènas aviavam decidit de faire en familha, au principi de ‘près-dinnar, una passejada en riba de mar. Ieu, que n’avii gaire envuèia de caminar sus lu còdols, diguèri ai enfants que lu aspererai aquí a la debuta de la grava d’Eza, sota l’estacion dau camin de fèrre. Dau temps que s’encaminèron ieu mi trovèri un bèu canhard. Assetat sus lu còdols, apontelat a un barri que mi sosten l’esquina doloroa, ben escaufat dau soleu coma un estrapion, siáu da agachar lu gabians que tamisan en lo ceu blu, jugant emb’ un’aureta laugiera que fa frisonar la mar nòstra : un pròpi bèu imatge de carta postala.
Tot en un còup audèri una pichina votz, coma aquela d’un enfanton que mi diía :
« Òu ! monsur, monsur, mi pòdes ajudar ? Òu ! » Ieu cercavi de dont èra la persona que mi parlava, a man drecha : degun, a man seneca : parier, davant de ieu la mar blu emb’ai sieus maronets. Mi siáu enauçat e tornar-mai : « Òu ! monsur, monsur, ajude-mi ti pregui ! ajude-mi ! »
Lu uèlhs espalancats aluchavi, aluchavi, fins que tot en un còup veguèri, après una banqueta d’argas tralaissada aquí dai marons, sus un rocàs que la ressaca descurbia, un poprion que mi faía signe en boleant tres braç. Un poprion bimbaro : èra blu. Mi siáu escurat lu uèlhs, m’avesinèri e aquí :
« Aí, aí siáu ieu que ti parli, siáu una popreta. Siáu presoniera d’aquesta gròssa alàpia que mi peçuga un braç. Mi pòdi pas escapar e arisqui de servir de past a la morena que està gaire luenh d’aquí. Desliure-mi, ti pregui ! Desliure-mi ! »
Embarlugat, estonat, agantèri lo mieu cotelon e embé la poncha de la lama, embé cautèla, solevèri la cauquilha de l’alàpia sensa ferir aquesta paura bèstia. Sus lo còup la popreta s’escapèt cuberta da un maronet e li diguèri : « Bòna fortuna bèla ! » Mas tot bèu just après un maron pus fòrt, la veguèri au som dau rocàs que m’aluchava e mi diía : « Achape-mi en la tieu man ai quauqua ren a ti dire. » L’agantèri, la pausèri sus la mieu man seneca reversa e tornèri m’assetar contra dau barri.
La popreta blu mi diguèt : « Per t’aremerciar de m’aver sortida d’aqueu marrit trabuquet ti vau cuntar un’istòria que vautres umans podètz pas connóisser. Sabes-tu perqué l’i son d’estèlas de mar en lo nòstre reiaume sotamarin ? »
« Que nani que li respondèri !
« Alora duerbes ben li tieu banastas. Denant que lu òmes vengon sus tèrra, l’i èran, coma aüra, de milantas e de milantas d’estèlas en lo cèu. Mas a la diferença dei jorns d’encuei èran doi a espelir ensems li premieri. Cen que diètz Venus ò la Bèla Maguelona, coma la sònan lu Provençaus, avia una sòrre bessona : Venusina. Espelissian cada sera e s’anavan corcar ensems toti doas l’endeman d’ora.
Tot auria poscut si debanar ben en lo monde dei estèlas, levat que Venus/Maguelona èra mai brilanta que sa gemèla e cada pichin lume de l’univèrs laudava la sieu bèutat qu’illuminava l’après calabrun.
Venusina n’en foguèt giloa e devenguèt ronha e catiua, tant ben que un jorn decidèt de se desseparar de sa sòrre que n’avia una fora de viure en la sieu ombra.
S’en anèt en biscant tra li galaxias cuntant a cu lo volia audir que sa gemela èra un’embrolhona, que per lùser de mai vampirisava, coma una lamprua, d’autri estèlas coma Enedis e Engie que tenia escondudi darrier d’ela. Mas d’anar de çà en là en l’univèrs, en cuntant li sieu mensónegas, avia semenat la descordança tra li estèlas. Tant e tant que lo Carre dei ànimas (Grand’Orsa) avia perdut lu sieus quatre issieus, lu Tres Reis (Orion) s’èran garolhats tra elu, lo Camin de Sant Jaume, coma diètz aüra, avia perdut la tramontana e s’en anava devèrs lo levant e li estèlas que tomban jugavan a simèla. Brefle tot èra cuòu sobre tèsta.
Lu Dieus de l’univèrs s’acampèron per trovar una solucion. L’i èran lu reires de Jupin e Zeus, tanben aqueu de Jeovà e d’autres ben joves encara. Decidèron de convocar Venusina. Li demandèron de si carmar e de tornar a la sieu plaça pròche de sa sòrre, que dau senon serian en l’obligacion per la patz universala de la transformar en estèla negra.
Venusina roja de la bila diguèt alora : « Ieu pròche de ma sòrre ! Jamai plus l’i tornerai ! Ieu estèla negra ! Ieu que pantaiavi d’èstre tant brilanta que Maguelona, aprefèri mi gitar fòra de l’univèrs ! » E sus lo còup faguèt un chume devèrs la Tèrra.
Lu Dieus otratjats da tant de testardisa e de marridaria li mandèron de centenaus de lamps fins que Venusina siguèsse desfonduda en milierats de pichins tròç que tombèron en li mars de la nòstra planèta. E aquí miracle, cada morcèu venguèt una estèla de mar. N’i a de toi lu colors, pichini ò grani a cinc braç ò de mai e tanben una a dètz e vuech braç qu’es pròpi catiua e dangeroa que a gardat la caïnaria de Venusina. Aüra que sabes tot, mi devi tornar en la mar que comenci de m’estofar. » M’a sautat sus l’espatla, fach una baieta e pft…es despareissuda.
Es en aqueu moment que audèri una autra votz : « E bè ! N’as fach un bèu de penec ! » Durbèri lu uèlhs, la familha èra tornada e mi regarjava en si menchonant.
Aluchèri lo rocàs, èra totjorn aquí banhat dai maronets mas sensa alàpia. Mas alora !…
Aquest’an metrai una pichina estèla de mar en gip pintat com’un santon, au sobran dau presepi emb’un pensier per la paura Venusina, que aurian poscut embé sa sòrre èstre li Estèlas dei Pastres.
Bòni Calènas en toi.
Da legir : Li Estèlas d’Alphonse Daudet en li Letras dau mieu Molin, per la poesia d’aquesta nòva e lu noms dei estèlas e tanben la sieu revirada en Niçard de Carlo Malàussena.
Roger Gilli decembre dau 2023
NOS A(N) ESCRICH :
Jean-Jacques Murat d’Esclarrmonda fins Ròsa (de Coarasa) leis estèlas, uròs que siam, camin aut, camin bas, fan pas fauta sota la capa dau cèu … gramerce au Rogier de nos lo rementar …
Stella Maris
La veille de Noël, il y a quelques années, nous avions décidé après-diner, de faire une balade en famille en bord de mer. Moi qui n’avais que peu d’envie de marcher sur les galets, j’avais dit aux enfants que je les attendrai au début de la plage d’Eze, là sous la gare de chemin de fer. Ils se mirent en chemin. Quant à moi, je trouvais un endroit bien ensoleillé où, assis sur les galets, le dos douloureux calé contre un mur – comme un lézard chauffé par un soleil généreux – je pouvais observer tout à mon aise les goëlands planant dans le ciel et jouant avec la brise légère qui faisait friser la mer, une véritable image de carte postale ! Tout d’un coup, j’entendis une petite voix, comme celle d’un enfant, qui me disait : « Eh ! monsieur ! monsieur ! peux-tu m’aider ? Eh ! » Je cherchais la personne qui me parlait ainsi, à droite : personne ; à gauche : idem, devant moi, la mer bleue avec ses vaguelettes. Je me suis levé et de nouveau : « Monsieur, monsieur, aide-moi s’il te plait, aide-moi ! » Les yeux écarquillés je regardais. J’observais vainement jusqu’au moment où je vis, après une banquette de posidonies oubliées par les vagues et séchant au soleil, sur un rocher que le ressac découvrait régulièrement, un petit poulpe qui me faisait signe en agitant trois tentacules. Un petit poulpe bizarre : il était bleu ! Je me frottais les yeux, je m’approchais et là : « Oui, Oui, c’est bien moi qui te parle. Je suis une petite pieuvre, je suis prisonnière de cette grosse patelle qui pince un de mes tentacules. Je ne peux m’échapper et je risque de 6nir comme repas de la murène qui ne demeure pas bien loin. Délivre-moi, je t’en prie, délivre-moi ! » Eblouit, étonné, j’attrapais mon canif et avec la pointe de la lame, avec mile précautions pour ne pas blesser la pauvre bête, je soulevais la coquille. La petite pieuvre libre 6la emportée par une vaguelette, je lui dis alors : « Bonne chance ma belle ! » Mais juste après une vague plus forte je la vis au sommet du rocher qui me regardais en me disant : « Prend-moi dans ta main j’ai quelque chose à te dire ! » Je la pris, la posai sur le dos de ma main gauche et je suis retourné m’assoir contre le mur. La petite pieuvre me dit alors : « Pour te remercier de m’avoir sortie de ce piège mortel, je vais te conter une histoire que vous les humains ne pouvaient pas connaître. Sais-tu pourquoi il y a des étoiles de mer dans notre monde sous-marin ? »
« Que nenni ! » Lui répondis-je. « Alors ouvre bien grandes tes oreilles ! Avant que les hommes n’apparaissent sur terre, il y avait dans le ciel, comme maintenant, des milliers et des milliers d’étoiles. Mais à la différence d’aujourd’hui elles ont été deux à apparaitre ensemble, les premières. Celle que vous appelez Vénus ou la Belle Maguelone, comme disent les provençaux, avait une sœur jumelle : Vénusine. Toutes deux, s’épanouissaient le soir et disparaissaient de bonne heure le matin. Tout aurait été parfait dans le monde des étoiles, si Vénus Maguelone n’avait pas été plus brillante que sa sœur jumelle. Toutes les lumières de l’univers louaient sa grande beauté qui illuminait le ciel après le crépuscule. Vénusine en fut jalouse et devint aigrie et méchante, si bien qu’un jour elle décida de se séparer de sa sœur par ce qu’elle en avait assez de vivre dans son ombre. Elle s’en alla dans les galaxies en pestant, racontant à qui voulait l’entendre que sa sœur était une tricheuse, que pour briller d’avantage elle vampirisait, comme une lamproie, les planètes Enedis e Engie qu’elle cachait dans son dos. Mais d’aller çà et là dans l’univers en contant ses mensonges, elle avait semé le désaccord entre les étoiles. Si bien que le Char des Ames (La Grande Ourse) avait perdu ses quatre essieux, les Trois Rois (Orion) se disputaient entre eux, la Voie Lactée, comme vous dites aujourd’hui, avait perdu le Nord et 6lait vers l’Est, les étoiles filantes jouaient à saute-mouton, bref, tout était sens dessus-dessous. Les Dieux de l’univers se réunirent pour trouver une solution au problème. Il y avait les ancêtres de Jupiter et de Zeus, celui de Jehova et d’autres encore biens jeunes à l’époque. Ils décidèrent de convoquer Vénusine. Ils la sommèrent de bien vouloir se calmer et de retourner bien sagement reprendre sa place près de sa jumelle, sinon ils seraient contraints pour la paix de l’univers de la transformer en étoile noire. Vénusine rouge de colère dit alors : « Moi près de ma sœur ! Il n’en est pas question ! Etoile noire, moi qui rêvais de briller autant que Maguelone et d’illuminer le ciel, je préfère me lancer hors de l’univers ! » Joignant l’acte à la parole elle 6t un plongeon vers la terre. Les Dieux outragés par tant d’entêtement et de méchanceté 6rent fondre sur elle des milliers d’éclairs jusqu’à que Vénusine, détruite, ne soit plus que des petits morceaux qui tombèrent dans les mers de notre planète. Et là, miracle, chaque petit bout devint une étoile de mer. Il y en a de toute les couleurs, petites ou grandes, avec cinq bras et plus, et même une à dix-huit bras qui est dangereuse et méchante car elle à gardé la malignité de Vénusine. Maintenant que tu sais tout, moi je dois retourner dans la mer car je commence à suffoquer. » Elle a sauté sur mon épaule, fait une bise et pft… elle a disparu. C’est à ce moment là que j’entendis une autre voix qui disait : « Eh bien ! Tu as fait un joli somme ! » J’ouvris les yeux, la famille était de retour et se moquait de moi. Je regardais le rocher que les vaguelettes recouvraient, les patelles avaient disparues. Mais alors ! Cette année je mettrai au dessus de la crèche une étoile de mer en plâtre peint, comme un santon, en ayant une pensée pour Vénusine qui aurait pu avec sa sœur être les Etoiles des Bergers
.A lire dans Les lettres De Mon Moulin d’A. Daudet : Les Etoiles
