Dimars, lo 10 de genoier dau 2006, tota la chorma de l’emission VAQUI èra presenta a Drap per registrar l’emission que passerà sus « France 3 Méditerranée » lo diménegue 29 dau mes.
Lo convidat de l’emission ?
Lo nòstre amic e sòci : Joan DIGANI.
Au programa dau 29/01 : de bei imatges de Drap, la Capèla Santa Catarina, lo defici comunau (que foncciona segon lo metòdo genovés), la tasta de la brissauda, un reportatge sus la calandreta dau Mas de DRAP, la corala d’Alpharmonia, l’ecò-musèu de la Rodola,…
L’ieo-06 èra sus plaça per l’ocasion e n’avèm aprofitat per faire quauqui fòtos au moment que desturbava lo mens.
Vos convidam de pas mancar l’emission (ò de la registrar) lo diménegue 29 de genoier a miegjorn cinquanta sus « France 3 Méditerranée ».