La comuna de coarasa a sempre augut consciença de la sieu identitat occitana e lo fa saupre per la socializacion de la lenga dins de projècts lu mai divèrs que sigon : noms dei carrieras en occitans, la mediatèca, la garderia per lu pichoi : Li luernas, l’Ostau dau Patrimòni, l’Audio-guidas multi-lengas ( tanben en occitan)… Remembram que Coarasa siguètz la premiera comuna dau 06 en cu siguèt balhat lo « label » : ÒC PER L’OCCITAN.
Ancuei la comuna fa un pas novèu per afortir la presença de la lenga dins la vida comunala e presenta lo sieu site novèu bilingüe francés-occitan. Finda vautres lo podètz visitar e encoratjar aquesta comuna per la sieu iniciativa.
Cari Coarasianas, Cars Coarasians,
Siam urós de v’anonçar l’arribada tant asperada dau site novèu de Coarasa sus la telaranha !
L’i retroberètz toti li actualitats e informacions practiqui per una vida dau cada jorn, ciutadina, artistica e curturala de qualitat. D’uni rúbricas seràn enriquidi a flor e a mesura de la collècta dei informacions. Estèm au vòstre escot per tota remarca e suggestion, vos desiram una bòna vísita sus https://coaraze.fr/ !
PS : Per fin d’èstre informat de tota l’actualitat de la comuna (informacions municipali, eveniments…), vos convidam a v’abonar au bulletin novèu en cliquant aquí
