Cara sòcia, car sòci,
Es embé totplen de tristum qu’emparèri ièr de sera la despartida de la nòstra sòcia Ivona CASCIANI, esposa de Maurici CASCIANI lo nòstre president.
Dire que siau penat, es ren. Aquesta marrida nòva m’a pilhat de cort e ne’n siáu encara tot trebolat. Ivona e Maurici èra una istòria d’amor que durava despí mai de 57 ans e auria puscut durar encara mai de temps sensa aqueu marrit virús.
Siáu triste per lo nòstre president e amic Maurici, per lu sieus enfants, per la sieu familha e per l’IEO-06 que perde una persona tot a l’encòp genta, discreta e plena de sensibilitat. Era presenta a toi lu nòstres acamps : 13 desserts, lu Reis, lu escotissons e sortidas diversi sensa denembrar d’accions mai fòrti coma lu passa-carrieras per Anem Òc !
Ivona avia totjorn un mòt per nos sostenir dins lu nòstres acamps. Ai de mau a l’imaginar partida.
Presenti li mieu complanchas, au nòstre amic Maurici, ai sieus enfants e la familha tota.
Per lo moment lo debanament de la ceremonia es pas encara organizat. Maurici mi parlèt de la possibilitat que si debane dissabta en Bergier (Le Rouret), mas sensa garantia per lo moment.
Asseguri la familha dins aquest moment de tristum, de tota la nòstra amistat.
La nòstra sòcia Ivona au centre (13 desserts a La Còla)
Ivona a Gòrb atalier coïna embé l’associacion « Sota Òrme »
Ivona e Maurici
NOS AN ESCRICH :
Jòuseta : Car Maurici,
Durbi lo mieu malhum e resti estabosida de cen que nos anonces ! Que sabiáu manco pas qu’IVONA èra malauta. Que cadun resta dins son canton…que la vida sociala es totalament derrompuda…
Revèsi IVONA dins lei bòns moments passats ensems, que siegue per lei 13 desserts, lei Reis, leis escotissons…totjorn ambé sa bòna umor, sa gaietat, son sens de la festa.
Siáu de còr ambé tu e lo tieu grand malur.
Fas nos saupre per seis obsèquias.
Ti fau una grossa baieta
Françon : Ai un ment una persona totjorn atentiua ai autres, mi fa totplen pena.
Miquèu Arnaud : Car Maurici,
Avèm aprés la marrida nòva. Totei lei sòcis dau CREO te mandan sei complanchas adolentidas.
Jaumelina e ieu siam de tot còr amb tu.
Amistats,