Cars amics, cars sòcis,
Avèm lo tristum de v’anonçar la despartida dau nòstre sòci e amic, Fernand MARIA, mòrt a l’atge de 84 ans de cen qu’es costumier de sonar una lònga malautia.
Fernand, escolan de Drap e en second de Pelhon non si faía pregar per n’en contar una, e per participar ai fèstas e activitats de l’associacion despí mai de quinze ans.
Una ceremonia si debanèt dijous 17.02 a la glèia de Pelhon a 15 oras. Lu amics son venguts numeros sus la plaça per sostenir la familha e acompanhar Fernand per lo sieu darrier viatge
L’IEO-06 presenta li sieu complanchas a la sieu esposa e ai sieus enfants.
Que toi aquelu que l’an conoissut augon una pensada per eu e la sieu familha.
Roger Gilli lo sieu magistre, au cors de Pelhon a liejut, ajudat de Mme Loisa per la revirada en francès, lo texte aquì sota.
Adieu Fernand
Siam toi aquí lu collègas dau cors de niçard de Pelhon per t’acompanhar en lo tieu darrier viatge, bessai lo mai lòng, mas bessai lo pus bèu. Mas tanben per ti dire la nòstra afliccion en causa de la tieu despartida.
En la sala de cors, la tieu plaça serà vueia, degun l’i si metrà. Nen vas mancar, coma nen van mancar li tieu connoissenças dei plantas, de la curtura de l’òrt e sobretot lo tieu amor dei oliviers que n’en parlaves coma siguèsson de la tieu familha, lu tieus enfantons e de la coïna niçarda que t’agradava tant, sobretot aquela de la tant brava Liliana.
Mi van mancar tanben li nòstri garolhetas rapòrt a la lenga quora non eravam de pacti sus d’un subjèct, garolhas d’escolans, de mainaus sensa conseguença.
Anèm pregar lo Mèstre d’enamont per que t’afite un tròç de tèrra m’un ò doi oliviers, aquestu aubres de la patz, quauqui socas de raïm framboa a poar per pas perdre la man e quatre pens de tomatis per passar lo temps, l’eternitat es talament lònga. !!!
Caurà se lo pòdes, ben pus tardi, finda demandar una pichina sala per lu cors de niçard, mas aquò es pas pressat, avèm lo temps.
Adieu Fernand, adieu l’Amic, dijòus que ven seràs ‘mé nautres !
Mas cau pas èstre tardier, esto còup, per ti presentar enamont que lu tieus antenats, li tieu referenças, t’asperan.
Adieu Fernand
Nous sommes tous là tes collègues du cours de niçois de Peillon pour t’accompagner dans ton dernier voyage, peut-être le plus long, mais peut-être le plus beau. Mais aussi pour te dire notre tristesse causée par ton départ.
Dans la salle de cours, la place qui t’était dévolue restera vide, personne ne l’occupera. Tu vas nous manquer comme nous manqueront tes connaissances des plantes, du jardinage et surtout ton amour des oliviers dont tu parlais comme s’ils étaient des membres de ta famille, tes enfants, et de la cuisine niçoise que tu aimais tant, surtout de celle de ta Liliane.
Il va me manquer aussi nos prises de bec quand un différend linguistique nous opposait, disputes d’écoliers ou de gamins sans conséquence.
Nous allons prier le Grand Maitre d’en haut pour qu’il te cède un lopin de terre avec un ou deux oliviers, cet arbre de la paix, quelques souches de raisin framboise et quatre pieds de tomates pour passer le temps, l’éternité est si longue. !!!
Il faudra aussi lui demander si tu peux, mais plus tard, une petite salle pour les cours de niçois, mais cela n’est pas pressé, nous avons le temps.
Adieu Fernand, adieu l’ami, jeudi prochain tu seras avec nous !
(Per escotar : http://we.tl/t-HjL0bIM4Xa)