Amics occitans, la cronica Ribon-Ribanha d’ancuei, titrada « Martror e Halloween. », v’es prepauada da Joan-Pèire BAQUIÉ, president onorari de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc !
Martror e Halloween.
Despí un quarantenau d’annadas la fèsta d’Halloween cerca de s’impauar en França e en lo monde tot. Au principi, Halloween (fèsta de toi lu Sants en inglés ancian) si sonava Samain. Celebrava lo passatge de l’estiu clar e luminós a l’invern frei e fosc. Aquesta fèsta religioa durava sièis jorns dau 29 d’octobre au 4 de novembre. Ren da veire embé la fèsta mercantila que nen siervon au jorn d’ancuei.
Aquesta fèsta existia, e existe encara, en occitania e a per nom Martror.
Lo sieu nom s’atròva en totplen de tèxtes medievals, l’equivalent de la fèsta catolica de toi lu Sants, que siguèt premier « la fèsta dei martiris », etimologia de martror en occitan. Es en aquest periòde dont lo monde de la nuech e dei tenebras es lo mai pròche dau monde dei vius, que lu escambis son propicis tra lu doi mondes.
Lu tèxtes administratius ò leterrari que parlan de la fèsta de Martror son numerós e remontan au sègle XIen. Per exemples un escrich ditz que lo comte de Foish, Rogier lo segond de retorn dei crosadas porrà tornar crompar lu sieus domanis que « de martror en martror » (1095 – d’una fèsta dei Sants a una autra) ; lo trobador Guilherm de Berguedan en una «canso » parla tanben d’aquesta fèsta :
« Luec del marit volgr’ieu un ser,
E‘l ser que dures de pascor
Entro la festa de Martror »
(Vorrii la plaça dau marit un sera, e que lo sera dure de la prima fins a la fèsta dei Sants).
Un dich, mena de proverbi bandisse : « De Sant Miquèu a Martror i a un mes laborador » (De Sant-Miquèu a Martror, l’i a un mes per lo lauratge)
Despí lo 2015, un ritual festiu existe a Pezenàs : « Martror, fèsta dels mòrts » sota l’impulsion dau collectiu Temporadas e dau Théâtre des origines. Aquest eveniment que recampa artistas e practiciants dau patrimòni curtural an tornat crear una fèsta collectiva que recampa alentorn d’un milierat de personas. Aquesta fèsta s’espandisse a d’autri comunas dau relarg coma a Pueisserguiers en lo quadre de la Fèsta de la sopa.
Alora perqué pas retrobar sota una fòrma adaptada la fèsta de Martror que conven bessai mièlhs a la nòstra tradicion milenària ? Lo vos demandi !
Joan-Pèire BAQUIÉ lo 1ier de novembre dau 2022
Martror et Halloween.
Depuis une quarantaine d’années la fête d’Halloween cherche à s’imposer en France et dans le monde entier. Au début, Halloween (fête de la Toussaint en vieil anglais) s’appelait Samain. Elle célébrait le passage de l’été clair et lumineux à l’hiver froid et brumeux. Cette fête religieuse durait six jours du 29 octobre au 4 novembre. Rien à voir avec la fête mercantile qu’on nous sert aujourd’hui.
Cette fête existait, et existe encore, en Occitanie et s’appelle Martror. Son nom figure dans beaucoup de textes médiévaux, l’équivalent de la fête catholique de la Toussaint, qui avait s’appelait avant « la fête des martyres », étymologie de martror en occitan. C’est dans cette période où le monde de la nuit et des ténèbres est le plus proche dau monde des vivants, que les échanges sont propices entre les deux mondes.
Les textes administratifs ou littéraires qui font état de la fête de Martror sont nombreux et remontent au XI ième siècle. Par exemples, un écrit stipule que le comte de Foix, Roger II de retour dei croisades pourra à nouveau racheter ses domaines uniquement « de martror en martror » (1095 – d’une fête de la Toussaint à une autre) ; le troubadour Guillaume de Berguedan dans une canso parle également de cette fête :
Luec del marit volgr’ieu un ser,
E‘l ser que dures de pascor
Entro la festa de Martror
(Je voudrais la place du mari un soir, et que le soir dure du printemps jusqu’à la Toussaint).
Un dire, une sorte de proverbe proclame : « De Sant Miquèu a Martror i a un mes laborador » (De la Saint-Michel à la Toussaint, il y a un mois de labourage)
Depuis 2015, un rituel festif existe à Pézenas : « Martror, fèsta dels mòrts » (Martror, fête des morts) sous l’impulsion du collectif Temporadas et du Théâtre des origines. Cet événement qui regroupe artistes et praticiens du patrimoine culturel ont créé à nouveau une fête collective qui regroupe autour d’un millier de personnes. Cette fête s’élargit à d’autres communes du lieu comme à Puisserguiers dans le cadre de la Fête de la soupe.
Alors pourquoi pas retrouver sous une forme adaptée la fête de Martror qui convient peut-être mieux à nôtre tradition millénaire ? Je vous le demande !
