Amics occitans, la cronica Ribon-Ribanha d’ancuei, titrada « Serai lo fiu qu’avètz pas agut » vos es presentada da Joan-Glaudi PUECH, sòci de l’IEO 06. Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bendas dessenhadi…

a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »

Serai lo fiu qu’avètz pas agut


La sason amadurava sei tenchas sauras. Dempuei l’autura lei pibolas de la baissa donavan
d’èr a de lengas de fuòc esparpalhadas per lo campèstre quand lo soleu que passava l’Aup
au levant illuminava subran sei ramas dins una nèbla de poussa ròsa. Davant un tal
espectacle Chazinta aviá pas poscut se tenir de mandar un crid de gaug. Jòia innocenta,
ofèrta per la Tèrra.
Au pè de la còla, cada jorn que passava picava ara sus de valons de mai en mai sonòrs que se
remplissián d’òmes, de chins e de muòus. De fumadas sortián dei bòscs e montavan drechas
dins lo cèu. Ges d’aiganha encara de matin, ges de blancada, e la tèrra se sarrava pas sota
l’èrba, istava granelosa, seca. Lo paire de Danís aviá dich que l’estiu e l’auton se maridavan e
qu’èra pas bòn aquò, qu’aquest an i auriá ges d’estiu de Sant Martin e que l’ivèrn arribariá
sensa cridar para ni gara.
Aquest gardava l’aver cada dijòus, s’avisava ansin dau biais qu’aviá Danís de menar son
afaire e èra ben obligat de constatat que lo fiu, maugrat son temps, aviá mai de gaubi qu’eu
e podiá pas s’empachar de veire aquí quauquei mascariás escondudas vengudas dau fons dei
temps. De tot biais un bòn pastre fasiá gaire sovent un bòn mainatgier e Danís èra son
enfant solet. Li aviá dich a Chazinta : “Sabètz, Dòna, es pas aisat de virar au lichet aicí !”.
“Perqué virar au lichet ? que li aviá respondut, ela, avètz jamai amontanhat ?”. Faliá un aver
consequent per aquò mai lo Comandanta, a çò que li semblava, mancava pas de moneda, e
puei aviá ben remarcat l’actitud dau prefèct amb ela, leis aviá vists que barjacavan coma
d’agaças bòrnias qu’aurián ren a s’escondre quand subran, sachèt pas perqué, lo fuòc
prenguèt ais estopas e la chavana espetèt. La scenassa que se faguèron ! Auriatz dich lo
paire e la filha, eu d’a fons despoderat e ela reguerga que se pòu pas mai !
Lei dijòus que Jousè èra ambé lei fedas, Chazinta fasiá l’escòla a Danís, èra convengut coma
aquò, sensa comptar lo temps que passava amb eu dins la còla. L’ensenhava, rai, mai o fasiá
de son biais a ela ; d’aquí ont èra, Jousè ausissiá totjorn avans miegjorn lo ressòn de dos còps
de fuòc, èran pas de ploms mai de balas, segur la carabina americana ambé sa manilha
estranha. Diguèt jamai ren e quand venián prendre la relèva au jaç dei lausas lo divendres de
matin pausava ges de questions, fasiá coma se de ren non èra. Çò que l’estonava lo mai èra
qu’amb eu lo fiu aviá jamai vougut tenir lo fusiu. Lèbres e perdigaus riscavan gaire. E puei
perqué dos còps solament ? Verai qu’aquelei municions modèrnas lei faliá crompar, e èran
pas a estraça de mercat ! Eu alestissiá solet sei cartochas.
Doas balas, pas mai, cada dijòus, ben de segur que Chazinta esparnhava, mai Jousè seriá
estat ben estonat per aquelei leiçons de tir. La postura èra tot per la Comandanta, de morre-
bordon a la debuta Danís aviá de se “vuejar la tèsta”, coma disiá ela, de faire rintrar l’aire per
lo nas, d’aise d’aise, puei de lo mandar gonflar lo ventre sota l’emborígol, faliá pas que lo
pitre boleguèsse, e a la fin de l’inspiracion i aviá una mitat de segonda que lo còrs èra d’a
fons immobil. D’aqueu moment solament se podiá quichar la destenda.

Lo premier còp, Danís aviá refusat. Voliá pas tuar de sauvatgina. “ Una bala aquò’s pas per lo
caçum ! Lo fusiu de ton paire es mièlhs per aquò, que li aviá rebecat Chazinta, es per lei
bèstias fèras, de totei menas ! As d’aprene e te contarai perqué plorava Regina !” E per fòrça
li botèt l’arma entre lei mans.

E Danís se prenguèt au juòc, au començament s’encanhava totjorn que mancava la buta ;
dos ferrats rovilhats pausats a trente mètres. Chazinta desquilhava sempre lo sieu. Au tresen
dijòus, a la tresena bala, Danís trauquèt son ferrat de benda en benda.
“ Òsca ! Lo còp que vèn tiraràs de drech ! Es parier ambé quicòm de mai dins leis ancas e lei
cambas, te mostrarai, mai auràs de te copar lo peu ò de l’estacar.”
Danís se l’estaquèt quand e quand en li derrabant una d’aquelei gansas de seda roja que
Chazinta aviá corduradas sus sei braias de ussard per faire mai polit. Lo gèst li agradèt, ne’n
riguèt, puei per reflèx passèt un det sus lei pitas d’una dei gautonas dau jovent. Careça
furtiva qu’aviá pas vouguda. Benlèu lo fiu qu’avián pas agut.
“Te o vau dire bòrd que vòs saupre. Ben ò mau, benvengut dins lo monde deis òmes Danís !”

E dins leis uelhs de Chazinta, portat per lo radèu de sa votz dura et sarrada coma una aiga
d’ivèrn, Danís vogava sus lei paluns fangosas dau monde deis òmes. Monde que li èra d’a
fons estrangier, se n’avisava a flor e mesura que se fasiá lo racònte. De causas li escapavan
que compreniá pas, ges d’imatge mentau que l’auriá ajudat. La societat estrecha de Sant
Estève onte l’an passat anava encara a l’escòla aviá ren de veire ambé la vila granda, e mai
se dins la boca de Chazinta aquesta èra pas qu’una vilòta. D’Ate, Danís sabiá qu’èra la
“capitala de la frucha confida”, d’aquelei doçuras n’aviá poscut tastar de ratalhons au mercat
de Forcauquier e auriá jamai poscut imaginar que darrier aquelei regalis s’escondiá una
misèria umana. Veguèt Regina subran traiguda de la palun fangosa per la votz d’aiga dura de
Chazinta, Regina que lo racar-vòmit li veniá de lònga quand trabalhava a quatòze ans dins la
tofor de la fabrica dei fortors de sucre candit e rimat e que viravan a soupre en fin de
jornada. Èra pas la Regina tant polida de la còla mai una escaramiada fosca de patiment,
enneblada dins la palun-suelha a cèu dubèrt de la vida deis òmes.
Fix leis uelhs de Chazinta, dura coma de glaça sa votz, un autre caratge li vèn, fronsit aquest,
gausit, malaut ; la maire de Regina, vèusa, puei lo mòstre apareiguèt ; a d’aurelhas de caulet
e de dents de conilh que li donan sempre l’èr de quauqu’un que sorritz. Es lo goapo, patron e
proprietari de la fabrica, es laid e o saup, dempuei qu’èra niston, e acampa de fortuna per se
faire crénher ò aimar per fòrça. Balha de sòus per la vièlha que malauteja, per de potingas
que de tot biais la sauvaràn pas, que la solatjaràn benlèu, un pauc, mai lo laudanum a son

prètz, subretot per lei paures, e puei balhar es pas lo sinonim exact de donar, pòu esperar
quicòm en escambi.
“Auriá poscut lei durbir lei cueissas aquela catamiaula !”
Una autra votz vèn de se subrepausar a aquela de Chazinta. Votz lassa d’una femna pasmens
joina encara, fai la panturla a oras gastadas – De qu’es una panturla Chazinta ?- per ajudar a
son embriac d’òme. Panturla pintolejada, dets rapugaires que dei mans de Chazinta arrapan
una borsa – As de sòus, tu, coma ditz lo paire ?- e puei panturla pintolejada, mascarada, peu
anelat, viscosa de totei lei confidéncias que lei mascles vènon escampar sus sa pèu de nacre,
per se ne’n crèire, per faire lei miquèu-ardits a pauc còst. Ela saup tot d’una vila onte ren se
ditz. Son revenge. Masca-larona que pòu trencar un filandron de destinada se n’a
l’escasença. Marridesa conquistada sus lo malur deis autrei per embausemar lo sieu :
“Aquela catamiaula, demandava qu’aquò lo patron, que li durbiguèsse lei cueissas còntra
una reconeissença de deute, faussa benlèu, lei cents francs dau laudanum …”E puei lo
diamant escrèt, la gelosiá, maire de l’aïrança qu’apareis amb un soleu negre deis uelhs de
mentastre e dei crosetas etèrnas ais cantons dei bocas : “S’es raubada ambé un italian, per
pas pagar, un òme tant bèu !” e lo deute recrompat per de nèrvis, cent francs la filha
sotmesa : “Vaquí çò qu’aurà trobat aquesta, au tòti ! Pas coma ieu que siáu libra !”
Dau temps que li parlava, Chazinta li esquichava la cara entre lei mans, d’a vegadas lei frònts
se tocavan e eu entrevesiá una nafradura anciana, sepelida au mai fons d’ela.
“Aquò es mieu, Danís !

  • O sabi, Chazinta, mai se te platz ajuda-me a restar dins lo monde de la còla !”
    E Danís li demandèt de faire la cadeneta, “cadeneta de dos anelons, nòstrei pichòts dets
    entrecrosats !” E mentre que se tenián ansin, de l’autra man se derrabèron mutualament un
    peu que mandèron puei dins lo vent en fasent lei juraments :
    “Te donarai lei mejans de restar au monde de la còla !”
    “Serai lo fiu qu’avètz pas agut !”

Je serai le fils que vous n’avez pas eu


La saison mûrissait ses teintes dorées. Depuis les hauteurs les peupliers de la plaine
ressemblaient à des langues de feu éparpillées dans la campagne quand le soleil passant
l’Alpe au levant illuminait soudain leurs feuillages dans une brume de poussière jaune.
Devant un tel spectacle Chazinta n’avait pu retenir un cri de joie. Joie innocente, offerte par
la Terre. Au pied de la colline, chaque jour qui passait frappait maintenant sur des vallons de
plus en plus sonores qui se remplissaient d’hommes, de chiens et de mulets. Des fumées
sortaient des bois et montaient droites dans le ciel. Pas de rosée encore le matin, pas de
gelée, et la terre ne se serrait pas sous l’herbe, elle restait granuleuse, sèche. Le père de
Danis avait dit que l’été et l’automne se mariaient et que cela n’était pas bon, que cette
année il n’y aurait pas d’été de Saint Martin et que l’hiver arriverait sans prévenir.
Celui-ci gardait le troupeau chaque jeudi, il se rendait ainsi compte de la façon qu’avait Danis
de mener son affaire et il était bien obligé de constater que son fils, malgré son âge, avait
plus de savoir-faire que lui et il ne pouvait s’empêcher de voir là quelques magies cachées
venues du fond des âges. De toute façon un bon berger faisait rarement un bon fermier et
Danis était son enfant unique. Il le lui avait dit à Chazinta : «  Vous savez, Madame, c’est pas
facile de virer à la bêche ici ! ». « Pourquoi virer à la bêche ? lui avait-elle répondu, vous
n’avez jamais fait la transhumance ? ». Il fallait un troupeau conséquent pour ça mais la
Commandante, à ce qui lui semblait, ne manquait pas de monnaie et puis il s’était bien
aperçu de l’attitude du préfet envers elle, il les avait vus qui discutaient entre eux comme
deux pies aveugles qui n’auraient rien à se cacher quand soudain, il ne sut pas pourquoi, le
feu prit aux étoupes et l’orage éclata. La grosse scène qu’ils se firent ! On aurait dit le père et
la fille, lui complètement impuissant et elle revêche comme c’est pas possible !
Les jeudis où Joseph était avec les brebis, Chazinta faisait l’école à Danis, cela avait été
convenu ainsi, sans compter le temps qu’elle passait avec lui dans la colline. Elle l’enseignait,
c’est vrai, mais elle le faisait à sa façon ; de là où il était, Joseph entendait toujours avant
midi l’écho de deux coups de fusil, ce n’étaient pas des plombs mais des balles, sûrement la
carabine américaine avec son étrange poignée. Il ne dit jamais rien et quand ils venaient
prendre la relève au jas des lauzes le vendredi matin il ne posait pas de questions faisant
comme si de rien n’était. Ce qui l’étonnait le plus c’est qu’avec lui son fils n’avait jamais
voulu tenir le fusil. Lièvres et perdrix ne risquaient pas grand-chose. Et puis pourquoi deux
coups seulement ? Il est vrai que ces munitions modernes il fallait les acheter, elles n’étaient
pas données, lui il préparait lui-même ses cartouches.
Deux balles, pas plus, chaque jeudi, Chazinta épargnait bien sûr mais Joseph aurait été bien
étonné par le déroulé d’une de ces leçons de tir. La posture était tout pour la Commandante,
à plat ventre au début, Danis devait se « vider la tête » comme elle disait, faire rentrer l’air
par le nez, tout doucement, puis l’envoyer gonfler le ventre sous le nombril, la poitrine ne

devait pas bouger, et à la fin de l’inspiration il y avait une moitié de seconde où le corps était
tout à fait immobile. C’était seulement à ce moment-là que l’on pouvait presser la détente.
La première fois Danis avait refusé. Il ne voulait pas tuer de sauvagine. « Une balle c’est pas
pour le gibier ! Le fusil de ton père est mieux pour ça, lui avait-elle rétorqué, c’est pour les
bêtes féroces, de toutes sortes ! Il te faut apprendre et je te raconterai pourquoi pleurait
Régine ! » Et d’autorité elle lui mit l’arme entre les mains.
Et Danis se prit au jeu, au début il s’énervait toujours car il manquait la cible ; deux seaux
rouillés posés à trente mètres de distance. Chazinta déquillait toujours le sien. Au troisième
jeudi, à la troisième balle, Danis troua son seau de part en part.
« Bravo ! La prochaine fois tu tireras debout ! C’est pareil avec quelque chose de plus dans
les hanches et les jambes, je te montrerai, mais il faudra te couper les cheveux ou les
attacher. »
Danis les attacha aussitôt en lui arrachant un de ces rubans de soie rouge qu’elle avait
cousus elle-même sur ses pantalons de hussard pour faire plus joli. Le geste lui plut, elle en
rit, puis par réflexe passa un doigt sur les taches de rousseur d’une des pommettes du
garçon. Caresse furtive qu’elle n’avait pas voulue. Peut-être le fils qu’ils n’avaient pas eu.
« Je vais te le dire puisque tu veux savoir. Bien ou mal, bienvenue dans le monde des
hommes Danis ! »

Et dans les yeux de Chazinta, porté par le radeau de sa voix dure et serrée comme une eau
d’hiver, Danis voguait sur les marais boueux du monde des hommes. Monde qui lui était
complètement étranger, il s’en apercevait au fur et à mesure que se faisait le récit. Des
choses lui échappaient qu’il ne comprenait pas, aucune image mentale qui aurait pu l’aider.
La société étroite de Saint Etienne où l’an passé il allait encore à l’école n’avait rien avoir
avec la grande ville, et même si dans la bouche de Chazinta celle-ci n’était qu’une grosse
bourgade. D’Apt, Danis savait qu’elle était la « capitale des fruits confits », de ces douceurs il
avait pu en goûter des résidus au marché de Forcalquier et il n’aurait jamais pu imaginer que
derrière ces sucreries se cachait une misère humaine. Il vit Régine soudain sortie du marais
boueux par la voix de Chazinta, Régine dont l’envie de vomir la prenait tout le temps quand
à quatorze ans elle travaillait dans la touffeur de la fabrique aux odeurs fortes de sucre
cristallisé et brûlé, odeurs qui devenaient souffre en fin de la journée. Ce n’était pas la
Régine si jolie de la colline mais une grimace floue de misère, embrumée dans le marais-
cloaque à ciel ouvert de la vie des hommes.
Fixes les yeux de Chazinta, dure comme la glace sa voix, un autre visage lui vient, ridé celui-
là, usé, malade ; la mère de Régine, veuve, puis le monstre apparut ; il a des oreilles en

forme de feuilles de chou et des dents de lapin qui lui donnent l’air de quelqu’un qui sourit
tout le temps. C’est le gros bonnet, patron et propriétaire de la fabrique, il est laid et il le sait
depuis qu’il est petit, et il amasse de la fortune pour se faire craindre ou aimer par force. Il
donne des sous pour la vieille qui est malade, pour des médicaments qui de toute façon ne
la sauveront pas, qui la soulageront peut-être, un peu, mais le laudanum a son prix, surtout
pour les pauvres, et puis donner chez lui c’est espérer quelque chose en retour.
« Elle aurait pu lui ouvrir ses cuisses cette chattemite ! »
Une autre voix vient de se superposer à celle de Chazinta. Voix lasse d’une femme pourtant
jeune encore, elle fait la putain à ses heures perdues – C’est quoi une putain, Chazinta ? –
pour aider son ivrogne d’homme. Putain peinturlurée, doigts grappilleurs qui des mains de
Chazinta arrachent une bourse –Tu as des sous, toi, comme dit papa ? – et puis putain
peinturlurée, maquillée à outrance, cheveux ondulés, visqueuse de toutes les confidences
que les mâles viennent épancher sur sa peau de nacre, pour s’en croire, pour faire les
matamores à peu de frais. Elle sait tout d’une ville où rien ne se dit. Sa revanche. Sorcière-
larronne qui peut trancher un petit fil de destin si elle en a l’occasion. Méchanceté conquise
sur le malheur des autres pour embaumer le sien : « Cette chatte-mine, il ne demandait que
ça le patron, qu’elle lui ouvre les cuisses contre une reconnaissance de dette, fausse sans
doute, les cents francs du laudanum … » et puis le diamant pur, la jalousie, maire de la haine
qui apparait avec un soleil noir aux yeux de menthe sauvage et aux fossettes éternelles aux
coins des lèvres : « Elle s’est enlevée avec un italien, pour pas payer, un homme si beau ! »
et la dette rachetée par des voyous, cent francs la fille soumise : « Voilà ce qu’elle aura
trouvé celle-là, au bordel !  Pas comme moi qui suis libre ! ».
Pendant qu’elle lui parlait Chazinta lui tenait le visage entre les mains, parfois leurs fronts se
touchaient et lui il entrevoyait une blessure ancienne, ensevelie au plus profond d’elle.
« C’est à moi Danis !

  • Je sais Chazinta, mais s’il te plaît aide-moi à rester dans le monde de la colline ! »
    Et Danis lui demanda de faire la petite chaine, «  Chainette aux deux anneaux, nos petits
    doigts entrecroisés ! » Et pendant qu’ils se tenaient ainsi de l’autre main ils s’enlevèrent
    mutuellement un cheveu qu’ils jetèrent au vent en faisant leurs serments :
    « Je te donnerai les moyens de rester au monde de la colline ! »
    « Je serai le fils que vous n’avez pas eu ! »

Une réaction sur “RIBON RIBANHA”

Laisser un commentaire

Votre adresse e-mail ne sera pas publiée. Les champs obligatoires sont indiqués avec *