Joan Saubrement, siguèt l’òme a remontar lo CREO-Provença, eu lo forestier amorós de Provença. La nòstra associacion li deu totplen, es eu que nos faguèt veire, dotze ans fa, la draia per una reconquista lingüistica au nivèu regional. A l’IEO-06 l’avèm seguit e siam fiers tanben dau camin fach ensems.
Lo Joan nos a sempre parlat dei sieu aventuras sus li mars. Après l’episòdi dau Bac passat tres-quatre ans fa, nos presenta ancuei « D’una mar, l’autra ».
Capelada Joan.
D’una mar, l’autra
de Joan Saubrement
President dau CREO Provença de 1997 a 2004, President delegat de 2004 a 2008, Vici president dau Col’Oc e clavaire de telev’Oc, lo Joan (nat en 1934 en Lorèna) nos ven contar d’unei sovenirs ;
Oficier dins la Marina Mercanda, Joan Saubrement, nos cònta aicí lei rasons de sa chausida, eu que seis originas lorènas predisposavan pas a far aqueu mestier.
Mescla, tot de lòng de son recit, leis episòdis dangeirós tant coma lei moments d’evasion e de bonur e nos fa partejar sei sovenirs sei viatges e tanben sa vida familiala.
Nos mena en America, en Africa e subretot, vengut capitani, nos fa descubrir Mare Nostrum, Mar Negra e Mar Roja,, mar qu’a trevadas mai de quinge ans.
En delà dau marin, i a lo testimòni d’un òme que, luench dei clichats classics, nos mòstra lo monde dins sa realitat populara e quotidiana.
IEO-EDICIONS / (Atots n°186)
ISBN : 978-2-859104-59-7 / 12.50 € TTC
www.ideco-dif.com/
Lo libre siguèt presentat e dedicaçat a BOC BEL AIRE, lo dijòus 4 de junh, e a la librariá « Lo Blason », 2 carriera Jaques de La Roque, pròchi Sant Sauvaire, e serà dedicaçat tanben as Ais de Provença, lo dissabte 4 de julhet, de 10 a 13 oras.
Serà tanben presentat a l’Estivada de Rodès, lo dimècres 22 de julhet, a 17.30 (Castanhada).
Lo libre es disponible a l’Ostau de Provença, ais oras de dubertura dau burèu de l’IEO Provença.