La novèla es importanta e mai siguèsse simbolica per lo moment, tant l’i a de pan sus la canissa. Lo label « Oc per l’occitan » mes au ponch en lo 2007 per l’Ofici per l’Occitan comença de far camin e d’interessar d’extructuras importanti coma lu ipermercats. Siguessiatz mesteirant, entreprenaire, escòla, libraria, associacion, eca… podètz demandar lo label.
L’Ofici per l’occitan es una associacion afiliada a l’IEO qu’a per tòca de desfolopar un certificat d’usança de l’occitan en lu comercis e mesteirants, productors, fabricas bèli ò P.M.E., professions liberali, medias, sectors associatius e sindicals, lo certificat « òc per l’occitan! ».
Es desliurat per l’Ofici e s’adapta ai capacitats e a la volontat de cadun (veire sus lo site : www.occitan-oc.org.).
> Nivèl 1 : AICÍ L’OCCITAN NOS AGRADA
> Nivèl 2 : AICÍ PARLAM L’OCCITAN
> Nivèl 3 : AICÍ L’OCCITAN ES PERTOT
Divendres 3 de julhet a 11 oras, lo Auchan de Periguers/ Marsac serà lo primièr ipermercat labellizat « Oc per l’occitan ».
Reçauprà oficialament, coma los 3 autres labellizatz de Dordonha (Gîte de Barrière (Velinas), Ferme de la Faye (Brantòsme), Les dames du Maine (Bordelha)) , sa certificacion de nivèl 2 en presencia dels elegits e de la premsa.
Lo certificat de nivèl 2, « Aicí parlam occitan » significa que se la lenga se fa veire sus un o mai d’un supòrt escrich, sètz tanben asseguratz de trobar al mens una persona per vos servir en occitan.
Creat en 2007, aquel label a per tòca de valorar los actors de la vida economica qu’emplegan la lenga occitana dins lor activitat. Per cadun, bòta tanben en avant la possibilitat de s’exprimir en occitan, de reclamar un servici en occitan, o tot simplament de far un primièr apròchi cap a la cultura occitana.
Mai de 130 entrepresas e associacions an ja aquesit lo labèl, pròba d’un desir de metre en avant lor afeccion per la lenga e la cultura occitana. Cada sector d’activitat pòt recebre lo labèl òc per l’Occitan.
Tota l’actualitat del label se trapa aquí : www.occitan-oc.org.
Al plaser de vos veire lo divendres 3 de julhet al dintre del Auchan de Periguers/Marsac (24) a 11 oras.
Valentin Belhomme
11 carrièra Malcosinat
31000 Tolosa
05 34 44 97 11
www.ieo-oc.org