Amics occitans, la cronica Ribon-Ribanha d’ancuei, titrada « D’aes embé de vestits » v’es prepauada da Alexandra DESMOULIN, sòcia de l’IEO-06.
Asperam tanben lu vòstres escrichs per li cronicas futuri, que sigon racòntes dau passat ò dau quotidian, articles jornalistics, galejadas, poesias, cançons, scenetas de teatre, bandas dessenhadi…
a l’adreça : ribonribanha@yahoo.fr
« La garderem ribon-ribanha, nòsta rebèla lenga d’Òc ! »
D’aes embé de vestits
Se vi passejatz dau costat de l’Ocean Atlantica, dins Aunís (ancuei es lo departament de Charenta-Maritima), podetz veire de cauas estranhi.
D’en premier, l’i a doi ísolas que son pas mai d’ísolas vertadieri : un pònt fuguèt bastit per anar sus aqueli ísolas. Son l’ísola de Re e l’ísola d’Oleron.
Sus l’ísola de Re, l’i a de polits vilatjons : Sant-Martin-de-Re e la sieu ciutadèla, La Flòta, lu sieus pichons pòrt e mercat, Sant-Clemenç-dei-Balenas e lo sieu semàforo (57 mètres d’autor), …
Se vi passejatz sus l’ísola de Re, pòdetz tanben veire de socas, de salinas, de pichin bòscs, de toristas en bicicleta e … d’aes embé de vestits !!!
Son ben polits aquelu aes embé li sieu braias.
Mas perqué an de braias ?
Dins un temps, sus l’ísola de Re, aquelu aes trabalhavan ai tèrras, mas tanben dins li salinas, per portar la sau. E dins li salinas èran atacats dai moscas e dai moissaus. E es per lu aparar d’aqueli bèstias que de monde an augut l’idea de vestir lu aes.
Ancuei, embé la mecanisacion dau travalh dins li tèrras e li salinas, lu aes son puslèu aquí per passejar lu pichoi dins lo pargue de Sant-Martin-de-Re.
Son tanben un simbòl de l’ísola… e son representats sus mantuns objèctes venduts ai toristas.
L’istòria d’aquelu aes nos ramenta tanben que denant de venir una destinacion toristica, l’ísola de Re èra conoissuda per li sieu produccions agricòli coma lo vin e la sau.
Alexandra DESMOULIN
D’ânes avec des habits
Si vous allez vous promener du côté de la Charente-Maritime, vous pourrez voir des choses étranges. Tout d’abord, il y a deux îles qui ne sont plus vraiment des îles : un pont a été bâti pour accéder à ces îles. Ce sont l’île d’Oléron et l’île de Ré. Sur l’île de Ré, il y a de jolis villages : Saint-Martin-de-Ré et sa citadelle, La Flotte son port et son marché, Saint-Clément-des-Baleines et son phare (57 mètres de haut), … Si vous vous promenez sur l’île de Ré, vous pourrez également voir des vignes, des marais salants, des bois, des touristes à vélo, et… des ânes avec des habits.
Ils sont bien sympathiques ces ânes avec leurs pantalons. Mais pourquoi ont-ils ces pantalons ?
Autrefois, les ânes de l’île de Ré travaillaient dans les champs, mais surtout dans les marais salants, pour transporter le sel. Et dans les marais salants, ils étaient attaqués par les mouches et les moustiques. C’est pour les protéger de ces petites bêtes que des gens ont eu l’idée d’habiller les ânes.
Aujourd’hui, avec la mécanisation du travail dans les champs et dans les marais salants, les ânes sont surtout là pour promener les enfants dans le parc de la Barbette de Saint-Martin-de-Ré. Ils sont aussi un symbole de l’île… et sont représentés sur différents objets vendus aux touristes.
L’histoire de ces ânes nous rappelle aussi que l’île de Ré était connue pour ses productions agricoles (vin, sel, etc) avant de devenir une destination touristique.