Cars amics e sòcis,
Aquesta setmana donam carta blanca a la nòstra sòcia e amiga, Anna-Maria MILARDI que publiquerà 5 jorns de fila crònicas, banda dessenhada, traduccions, enquistas policieri per lo nòstre gran plasir.
Esperem qu’aquesta propòsta ne’n ralegrerà mai d’un e que porrem renovelar l’experiença embé d’autres. Esitatz pas de reagir ai articles mes en rega.
Calènas s’avesina. Li carrieras s’enluminan, lu negòcis si pimparan a la granda, lu barcons pòrgon una entramesclada de guirlandas, bòchas, barbas arrambaires e rifonfons, dau temps que lo monde s’abrivan d’aquí d’aià per crompar lo darnier aifòne 15 mé la tastiera espatufianta e qu’un milion de bèstias vari vivon li sieu darnieri oras denant de finir en li pansas dei joiós mastegaires que siam.
Pasmens, de divèrs costats s’enauçan de protestas, d’aqueu que supòrta pas de convidar sa sògra, d’aquel autre que detesta li manjucas en familha, d’unu que menan la guèrra ai presepis au nom de la laicitat, d’autres au contrari qu’utilizan lo presepi coma arma identitària, dei aigrits que òdian toti li fèstas, eca.
Tot en un, nautres s’enavisam qu’existon de gents pas tant luenh qu’àquò, delà de la mar, que festejeràn pas Calènas, perqué n’an pas lo drech, perqué son estats caçats fòra dai maions e dai país sieus, perqué an tot perdut, e que crenhon per la pròpria vida.
Tot en un, nautres s’enavisam qu’existon au nòstre, d’enfantons que conoisson ren de consumisme e d’antagonisme ideologic, que si ralegran basta d’admirar li beluguejadas d’un aubre de Calènas e lu personatges colorats dei presepis e qu’esperan en la venguda dau Barba Calènas per lu recompensar d’èstre estats de braves pichoi, tot l’an.
Tot en un, tornam pensar ai Calènas d’enfança, quora eravam simplament urós que papà tralaissèsse li fachendas quotidiani per decorar lo salon e qu’un odor alecant s’escampèsse dai pinhatas que mamà trafegava en coïna. Alora, bastava un pichin paqueton daurat apendut au sap, m’una tité, un orson ò magara un portegal solament, per n’emplir lo còr d’una jòia sensa pari. Jamai si demandavam se lo Barba Calènas existèsse verament ò se un bambin èra naissut, totplen d’ans fa, en una bauma, tra un ae e un bòu. Perqué la nuech de Calènas èra magica e que, en aquela nuech, tot auria poscut capitar.
E son aqueli Calènas d’un temps, que nautres aimeriam festejar en la vòstra companhia. Ren una fèsta de dardenas, de manjalhas e de chabenças, non, ren de tot aquò. Nautres volèm festejar li Calènas dau maravilhament ninòi. Vequí perqué vi prepauam de retrovar sus lo site nòstre, cada jorn d’aquesta setmana, un article dedicat ai enfants que demoram, cònte, istorieta, juec ò galejada, e v’auguram un temps de Calènas maravilhós !
Anna-Maria MILARDI
Noël approche. Les rues s’illuminent, les commerces sont décorés en grande pompe, les balcons exhibent un enchevêtrement de guirlandes, boules, pères Noël acrobates et fanfreluches, pendant que les gens se ruent d’un côté et de l’autre pour acheter le dernier i-phone 15 avec la tablette éblouissante tandis qu’un million de bêtes diverses vivent leurs dernières heures avant de finir dans la panse des joyeux dévoreurs que nous sommes.
Pourtant, de différents côtés s’élèvent des protestations, de celui qui ne supporte pas d’inviter sa belle-mère, de cet autre qui déteste les repas de famille, de ceux qui mènent la guerre aux crèches au nom de la laïcité, d’autres qui au contraire utilisent la crèche comme arme identitaire, des aigris qui détestent toutes les fêtes, etc.
Soudain, nous prenons conscience qu’il existe des gens, pas si loin que ça, au-delà de la mer, qui ne fêteront pas Noël, parce qu’ils n’en ont pas le droit, parce qu’ils ont été chassés de leur maison et de leur village, parce qu’ils ont tout perdu, et qu’ils craignent pour leur propre vie.
Soudain, nous prenons conscience qu’il existe chez nous, de petits enfants qui ne connaissent rien du consumérisme et des antagonismes idéologiques, qui se réjouissent juste d’admirer le scintillement d’un arbre de Noël et les personnages colorés des crèches et qui espèrent en la venue du Père Noël pour les récompenser d’avoir été de braves petits, toute l’année.
Soudain, nous reviennent à l’esprit les Noël de l’enfance, quand nous étions simplement heureux que papa délaisse ses occupations quotidiennes pour décorer le salon et qu’une odeur alléchante s’échappait des casseroles que maman remuait dans la cuisine. Alors, il suffisait d’un petit paquet doré accroché au sapin, avec une poupée, un ourson ou peut-être une orange seulement, pour nous emplir le coeur d’une joie sans pareil. Jamais nous ne nous demandions si le Père Noël existait véritablement ou si un bambin était né, il y a longtemps, dans une grotte, entre un âne et un boeuf. Parce que la nuit de Noël était magique et que, cette nuit-là, tout aurait pu survenir.
Et ce sont ces Noël d’autrefois, que nous aimerions fêter en votre compagnie. Pas une fête de fric, de boustifaille et de gaspillage, non, rien de tout ça. Nous voulons fêter un Noël de l’émerveillement enfantin. Voici pourquoi nous vous proposons de retrouver sur notre site, tous les jours de cette semaine, un article dédié aux enfants que nous demeurons, un conte, une petite histoire, un jeu ou un divertissement, et nous vous souhaitons un merveilleux temps de Noël !