espagne001.gif

Amics forfolhós,

Segurament, remembratz li enquèstas dau Comissari Finòcho qu’aviavam publicadi dins la crònica Ribon-Ribanha.

Sabèm qu’an augut de succès e que son finda emplegadi en classa per de professors d’occitan-lenga d’òc e reviradi en d’autri lengas.

Vequí perqué vi prepauam ancuei de retrovar lo comissari en li sieu enquèstas de Calènas e s’esperam que nen manderetz numerós de solucions a l’adreça :


jpbaquie@yahoo.fr

L’interés dau juec non es de conóisser ja la clau de l’enigma mas de n’imaginar una, la mai originala possible. E vist que siam de chòrnis, si siam pensat de publicar li solucions basta lo 26, per vi permetre de l’i meditar torna dau temps dau cachafuec. Asperam despacients li vòstri respòstas !

Per retrovar li enquèstas precedenti dau comissari : http://ieo06.free.fr/spip.php?article159

Comissari Finòcho mena l’enquèsta de Calènas

Enquèsta 1 : La fèsta espanhòla

Siam la vigília de Calènas, neva e lo Comissari es solet au comissariat, auguent donat congier en tot lo personal. Tant, s’es dich, cen que porria capitar en aquesta nuech ? Mi vau fumar un bòn cigaro, beure de pastaga, pi farai un pichin penec en la poltròna dau burèu. Ailàs, paure comissari, a pas tant lèu serrat lu uelhs que ven sonat en urgença per un crime comes en una fèsta espanhòla au Negresco, davant lu uelhs de toi. Un òme s’es gitat sus una frema, cotèu en man e l’a ponhalada. Degun conoisse lo motiu mas doi testimònis aferman que, súbito denant an vist la frema, travestida da andalosa, si pauar lo ventalh sus l’aurelha seneca, pi lo faire virolar en la man drecha e enfin lo durbir torna e l’agitar promptament. Cen que s’es passat ?

espagne001.gif

Enquèsta 2 : Au circo

Tanlèu tornat au comissariat, lo telefòno de Finòcho sòna encara per un autre crime esquasi identic au precedent. En un circo pròche, un òme a ponhalat una frema en public. Aquí pasmens, l’òme brama la sieu inocença e jura que li cauçuras de la frema soleti son responsabli de l’advenguda. Perqué ?

femme-gif-183.gif

Enquèsta 3 : Au circo torna

Doi ans fa ja, Finòcho avia resòut un afaire criminal en aqueu meme circo. Au moment que la música s’èra fermada, un òme s’èra estramassat e, en pauqui minutas, èra mòrt a la vista de toi. Estent qu’èra l’estrampalada a l’aver tuat, perqué Finòcho n’avia conclús parier que si tractava d’un omicide ?

phonographe005.gif

Enquèsta 4 : L’encrosilhament

Despí l’auba, un òme s’està drech au mitan de l’encrosilhament de l’Ariana, imponent ai veituras de manobrar per l’evitar. Fin finala, un abitant dau quartier sòna lo comissariat. Quora Finòcho arriba, lo baudo es despareissut, laissant sus plaça lo sieu capèu e un boton. Cu èra e dont es anat ?

voiture016.gif

Enquèsta 5 : Lo contrabandier

Dau temps que Finòcho finisse de sopar, doi policiers ientran, abutant un contrabandier de joièus notòri que venon d’arrestar a l’areopòrt. Ailàs, durbent lo baül, lo comissari tròva solament de vestits, la troça de toaleta, quauqui lètras timbradi e de papardèla de banca mas deguna pròva, ni argent, ni daurura. Pura Finòcho l’arresta parier. Perqué ?

voyage014.gif

Enquèsta 6 : Li torres

Gaire denant la fin dau sieu servici, lo comissari si dèu rendre ai torres de Bòn Viatge dont un òme es ajassat per sòl. Una vesina li cònta qu’a audit lo telefòno sonar e eu gridar : « Ooooo nooooon ! », pauqui segondas denant la sieu mòrt. Cen qu’es arribat ?

ringphne.gif

Enquèsta 7 : Lo lume

Mentre s’entorna au sieu, Finòcho si remembra d’un afaire sobrevengut dau temps qu’exerçava a l’oest de França : un òme avia amurcit per s’anar corcar, provocant la mòrt d’un centenau de personas. Cen qu’avia fach ?

Gifs_20Anim_E9s_20Lumieres_20_282_29.gif

Alora, avètz endevinat la solucion ???

podètz legir li solucions cliquant sus d’aquest liame : http://ieo06.free.fr/spip.php?article1022

Laisser un commentaire

Votre adresse e-mail ne sera pas publiée. Les champs obligatoires sont indiqués avec *