Es amé tristessa qu’avèm apres aquesta novèla, nòstre amic Joan Rami sòci de l’IEO-06 s’es enanat.
« Un òme pichin per la talha, mai un grand monsur. Un umanista amé un còr com’aquò, totjorn prompt de s’esmòure davant l’injustícia e l’absurditat de situacions dins lei quaus nòstre monde se tròba cabussat.
Per li rendre omatge vaquí un texte totplen d’umor que solinha un trach de la sieu pesonalitat. » Enric BONE
Lo Caulet
Antan, fòrça païsans fasián venir lei lieumes sus dei faissas, una subre l’autra, ‘mé de muralhas de pèiras. Menava d’una faissa a l’autra, un pichin camin que calava fòrça. Per portar lei lieumes, Joan, lo mieu grand pairenau, preniá una bariòta especiala embé tres ròdas :
una davant, ‘mé de rais de bòsc, ceuclada de fèrre e una pichina a cada pè, tanben de bòsc ceuclada de fèrre. Aquelei que n’an qu’una, siervon per portar tota mena de fais, mai, sus lei pichins camins, ben cargadas, aquelei de tres ròdas van mièlhs. Aquesta bariòta, l’avèm totjorn, es pas manco arnada, porriá anar dins un musèu.
Un jorn, lo mieu grand, ’mé la podiera, aviá copat de caulets qu’aviá cargats sus la bariòta, de caulets bonhiós, redons coma de bolas. E calava plan planin, lo camin. Tot aquò remolava e lo caulet dau dessús si gangassava mai que mai. Balin-balant, balin-balant…., lo caulet aviá ren per si tenir ; barrutla au sòu e si mete a calar lo camin. Lo mieu grand li corre darrier, l’aganta e lo mete mai a la sieu plaça, sus lo molon. Plan plan, plan plan, la bariòta comença mai de calar lo camin e lei caulets de si gangassar.
De luenh, nautres, lei nistons agachaviam, intrigats que lo nòstre grand aguèsse rabalhat lo caulet sensa ren dire, pas manco de mau dau Bòn Dieu ! Balin-balant, balin-balant… Au caulet li agrada fòrça de si tremolar e si ritz. Aguèsse sauput ce qu’anava li arribar, auriá mens bolegat. Normalament, deviá finir la sieu vida dins un fassumier, cuech ‘mé de ris e de troç de ventresca.
En tant, si fa una pèu de rire, passa sus la tèsta deis autrei caulets, tomba mai au sòu e redola mai sus lo camin. Lo grand ditz ren, mai aganta la podiera e s’avança. Lo caulet lo gacha venir en durbent d’uelhs coma de peças de cent sòus. Nautrei, de luenh, relucaviam.
E, d’un còp, la colèra dau grand crebèt : « Coquin de nom de pas Dieu es pas dich que mi va comandar un caulet ! ». E vlan, la podiera au mitan dau caulet bonhiós. E vlan, e vlan !…. un chaple ! e un còp de pè dins lei tròç. Adieu, lo fassum ! Lo grand reprenguét la bariòta dei tres ròdas, lei caulets, qu’avián tot vist boleguèron plus. E, bariòta, caulets e grand, toi ensems, arribèron a l’ostau.
Joan RAMI
Le Chou
Autrefois, de nombreux paysans faisaient pousser des légumes sur des planches étagées, retenues par des murs de pierres. Un petit chemin très raide conduisait d’une planche à l’autre. Pour transporter les légumes, Jean mon grand-père paternel, utilisait une brouette spéciale à trois roues : une à l’avant aux rayons en bois, cerclée de fer et une petite, à chacun des pieds, en bois aussi, cerclée de fer.
Celles qui n’en ont qu’une, servent à porter diverses charges, mais dans les petits chemins, bien chargées, celles à trois roues sont bien plus pratiques. Cette brouette nous l’avons conservée, elle n’est même pas vermoulue, elle aurait sa place dans un musée.
Un jour, mon grand-père, avait coupé des choux, à l’aide d’une serpette et il les avait chargés sur la brouette, des choux pommés, ronds comme des boules. Il descendait tout doucement le chemin. Tout cela tremblotait et le chou qui se trouvait au-dessus était particulièrement secoué. Clopin-clopant, cahin-caha…. le chou, n’ayant rien pour se retenir, dégringole par terre et se met à dévaler le chemin.
Mon grand-père court derrière, le saisit et le remet en place sur le tas. Tout doucement, tout doucement, la brouette recommence à descendre le chemin et les choux à se secouer. De loin, nous, les gamins, nous regardions la scène, intrigués que notre grand-père ait ramassé le chou sans même, blasphémer !
Clopin-clopant, cahin-caha…il aime bien le chou, être secoué et il rit. S’il avait su ce qui allait lui arriver, il se serait moins agité. Il devait normalement achever son existence dans un filet appelé « fassumier », cuit, avec du riz et des morceaux de petit salé. En attendant, il se tord de rire, il passe sur la tête des autres choux, retombe par terre et roule à nouveau sur le chemin.
Grand-père ne dit mot, mais il saisit la serpette et s’avance. Le chou le regarde venir et ouvre des yeux comme des pièces de cent sous. Nous observions la scène de loin. Et, soudain, la colère de grand-père éclata : « Coquin de nom de coquin de bonsoir, il ne sera pas dit qu’un chou va me commander ! ». Et vlan, la serpette au milieu du chou pommé. Et vlan, vlan… un massacre ! un coup de pied dans les morceaux… Bonjour, le chou farci ! Le grand-père a repris la brouette à trois roues, les choux qui avaient tout vu, n’ont plus bougé. Brouette, choux et grand-père sont arrivés tous ensemble à la maison.
Vorguessiatz laissar un messatge en bas d’article vos aremerciam de passar per l’adreça : jpbaquie@yahoo.fr (per rason d’espams avèm deugut barrar lo forom dirèct : répondre à cet article).
Respòndre a l’Article :
Es embé totplen d’esmoguda qu’emparèri la despartida de Joan RAMI, èra un dei mai ancians sòcis de l’IEO-06 qu’avia consciença de la sieu lenga e dau besonh qu’avèm de l’aparar. Avia escrich mai d’un tèxte per li crònicas Ribon Ribanha e èra sempre un plasir de lo legir. Venem de perdre un amic e presenti li mieu complanchas a la familha e ai sieus amics. Vòli aremerciar Enric BONE que nos mandèt aquest tèxte inedich e toti aquesti bèli fotografias. Adieu Joan, adieu l’amic. JP Baquié