La biblioteca municipala de Pelhon organizèt una fèsta dau libre dissabta lo 11 de junh.
Aremerciam Clara e Pèire Maria que tenèron banc per l’IEO-06.
Clara nen faguèt un pichin rendut-còmpte de la jornada.
Aquela fèsta s’es pròpi ben debanada.
L’i èran davant de la Beguda de li Fònts a Santa Tecla de Pelhon cinc autors que presentavan lu sieu libres (cau un començament per tot) e un estand de l’IEO 06.
Aviavam mes en mòstra lu desplegants sus li activitats de l’associacion, lu libres de l’IEO 06 coma Ribon Ribanha e autres, e de dicionaris e istòrias per grans e pichoi.
Li gents son vengudi parlar dau temps passat e avèm vist que cercavan mai de referença coma dicionaris, libres de conjugason ò proverbis que d’istòrias.
Carlòta es pi venguda, e a poscut veire lu pichoi de l’escòla de Santa Tecla qu’emparan emb’ela.
Avèm augut lo plasir d’audir Dino Centini que cantèt de vièlhi cançons dau temps qu’èra pichin. Si devon reveire per una seduda de registrament.
Siam toi partits quora l’aubergista s’es mes a alestir lo dinnar.
A l’an que ven !
Clara Maria