Cara amiga, car amic,
L’Acampada generala de l’IEO-06 si debanerà a Coarasa, sala dei Quadrants Solaris, lo dissabta 15 de genoier dau 2011.
Si siam pensats de faire d’aquesta AG una grana fèsta per l’IEO-06 e per la lenga.
Ramenti que l’A.G. es un moment fòrt de la vida de la nòstra associacion e que si devem toi de l’i èstre presents. Per aquelu que venon de luenh vos demandam d’organizar un co-veituratge partent de La Còla, Grassa, Niça, Drap. Lu vòstres animators de lenga, teatre, danças, cants, son a la vòstra disposicion per ne’n parlar.
9 oras 30-12 oras : A.G. de l’IEO-06
En presença d’Anna-Maria POGGIO, viça-presidenta de l’IEO-Federal (Nacional)
– Rapòrt d’activitats
– Rapòrt moral
– Rapòrt financier
– Projècts per lo 2011
– Eleccion dau C.A. novèu e dau Burèu
– Questions diversi
12 oras : Aperitiu
12 oras 30 : Past pilhat ensems dins la convivialitat (Toi auretz la possibilitat de menar una especialitat vòstra e de bevandas da si partajar).
14 oras 30 : La Fèsta :
« Cadun es cantaire, Cadun es cuntaire« , embé la participacion de l’atalier teatre, cant, e de toi aquelu que lo desiran. Cada sòci porrà dire, cantar, contar, sonar de la guitara, jorgina, …basta si marcar en bas d’article ò ne’n parlar emb’au vòstre animator.
16 oras- 17 oras 30 : Balèti.
Per anar a Coarasa clicatz sus « afficher Coarasa A.G de l’IEO-06 sur une carte en plus grande »:
Afficher Coarasa A.G de l’IEO-06 sur une carte plus grande
d’uroï fèstas de Calènas e un bòn Cap d’An !