La premiera Acampada Generala de Sota Òrme, associacion afrairada a l’IEO-06 si debanèt lo dissabta 21 de febrier dau 2009 a 10 oras, a Gòrb.
Arleta PASTOR, la presidenta de l’associacion, après aver donat la benvenguda ai sòcis e saludat la presença dau cònsol de Gòrb, Michel ISNARD, presentèt lo rapòrt d’activitats e lo rapòrt moral de Sota Òrme. Joan-Pèire SPIES en tant que clavaire presentèt lu còmptes de l’associacion que siguèron votats a l’unanimitat.
ACAMPADA GENERALA DE SOTA L’ÒRME 2009
L’après-dinnar siguèt recreatiu embé tres pecetas jugadi per de sòcis de Sota Òrme e la chorma de Barba Zon.
ACAMPADA GENERALA DE SOTA L’ÒRME 2009 : Dins la sala
ACAMPADA GENERALA DE SOTA L’ÒRME 2009 : Sus lo pontin
La chorma Barba Zon
Da notar sus lo pontin la presença de joves e pichoi que participan de maniera regulara ai activitats de teatre en gorbaïn. Au programa tanben dei activitats de Sota Òrme, una caminada lo 27 de junh a Gòrb, per faire marcar la lenga d’òc au Patrimòni Mondial de l’Umanitat. Una bèla iniciativa d’aquesta asociacion sostenguda de còr per l’IEO-06.
