Lu 12 e 13 de mai dau 2012, l’IEO-06 e l’IEO-PACA organizavan l’AG de L’IEO-Federal a Niça.
De responsables dei IEO de l’espaci occitan faguèron lo desplaçament per faire avançar lo nòstre projèct IEO.
Après l’acuelh dau dissabta de matin, l’IEO-06 presentèt en un diaporama li sieu accions de terren en lo departiment. S’en seguèt un debat sus li accions de proximitat e la necessitat multiplicar lu luecs de socializacion per la lenga.
L’après-dinnar siguèt consacrat a l’AG : rapòrt d’activitat, rapòrt financier, rapòrt moral, orientacions e debats.
Alentorn de 5 oras dau vèspre s’enseguèt lo travalh dei comissions : Pedegogia, toponimia, trasmission de la lenga, comunicacion.
Dau temps de l’aperitiu, l’atalier teatre de l’IEO-06 presentèt un tròç d’una peça de Raols NATHIEZ. Lo Mago d’en Castèu pilhèt la seguida e nos ralegrèt dins la serada.
Lo diménegue de matin lu animators dei comissions venguèron presentar lo sieu travalh, seguit d’un debat e dai orientacions.
Aremerciam toi aquelu qu’ajudèron, participèron en aquesta AG. Per l’IEO-06 siguèt un plasir d’organisar, animar e portar la sieu pèira au clapier.
Aqui sota troverètz quauqui fòtos que renembran aquesti doi jornadas.
